¹ Josue cönäjäi yawä jenadädä, cönejacaichö yawä soto jadäiñe wadädä tamedä soto israelitacoomo jadäiñe yäätä cönejata´toicho yawä, yää tuna iyäätädö owajo. ² Aduwawä anototoai yawä suddau edhaajätoncomo cönämannäjöicho yawä soto wääwata´como waadäi, ³ edääje tönwanno cönä´döa´to soto wäiñe: sacerdote levita weichö wäiñe cajichana wanaadi nödödö arca del pacto eneajäcä äwäiñe, inchäcä ojoncomo´de yawä. ⁴ Amunche äjäcäiñe adädä tujunnena yää wanaadi nödödö arca del pacto, noventa metroto´cä wa´cä amuinche´dadeeja meichä che chääjäcä, ashichaane eneedö wetä awwäiñe ättäto´como, odhowanäcödaiñe yeijäcä edä ääma, quee cönä´döä´to, Suddau edhajätoncomo. ⁵ Josue cönä´döaacä soto wwaiñe: "chänönge ädötacäde owoijeiñedeamma jenamma, cajichana wanaadi jäduudu eneetojo weijäcä äwwäiñe." Quee cönä´döaacä. ⁶ Yä´jeje Josue cöna´döaacä Sacerdote wwaiñe: "ajäichäcä eduuwa arca del pacto soto owaajoiñe ojoncomo yawä;" quee cönä´döaacä. Mädääje ñanno cönajoicho yää arca del pacto, cöntonto yawä soto owaajoiñe. ⁷ Cajichana wanaadi cönä´döaacä Josue wwä: edää anoto awä dhanwa tänejucatoje mänöa canno äjömma israelita emjatawaiñe, towanäcäiñe nödöato´de ajaadä weichö, Moisés jaadä wäjaquennöje mmaja. ⁸ Amädä anontäcooto´de ñanno Sacerdotes arca del pacto nadäatodö, edääje: ´tuna jodadan e´ji´wä äwäädöajäcäiñe yätäädä adjeesa´duminchatääcä´de na´cwa, quee anonto cooto´de--quee cönä´döacä cajichana wanaadi. ⁹ Josue cönä´döacä yaawä soto wwäiñe edääje: " ä´täcä sadä, cajichana wanaadi a´deddu metaatäiye. ¹⁰ Cöwe´dätä´jejeiñe odhoowanääcäiñe mödöato´de wanaadi nudooto ajaadäiñe yeichö, änwanno möchanacaato´de ñanno cananeocoomo, hititacoomo mmaja, heveo coomo mmaja, fereseo coomo mmaja, gergeseo coomo mmaja, amorreocoomo mmaja, jebuseocoomo mmaja yaawä. ¹¹ Enetä´cämma cajichana wanaadi nödöödö Arca del pacto ne´dä´a eduuwa jodadan mönsemjona odhowajoiñe. ¹² Doce dhanwacomo ane´tätääcä eduuwa israelitacoomo wäjömmätädö waadäi tooni chääwadäiñe. ¹³ Ñanno sacerdotecoomo cajichana wanaadi ñäädä edä nono edhajä nödödö adänammo´judducomo tuna ajojajäcä, jodadan eccudu nedennade, ye´wono tuna joduje yeichö nedenna´dede, dhana tuna joduje yeichö mmaja, Sedejatoodewä mojoimaato´de yawä quee cönädöacä. ¹⁴ Soto Jodadan iyäeichajäcäiñe yawä sacerdote ñanno cajichana wanaadi nödödö arca del pacto adännamo cöntonto soto owajoiñe. ¹⁵ Ñanno arca del pacto adännamo wädöajäcäiñe tuna dötä, ijuduucomo wennöaajä yawä tuna que (tucuma yeichojo cunädö awä jodadan wijödö weijäcä), ¹⁶ tuna wejödö ujanadänno cönatannäjöi yawä, tuna täda conädö yawä, nuwe jata adhañano jonno to´jödödä yää jata saretanñanno jäcä ädötä nadö, daama Néguev aca tödöene yää daama sayujano. Soto cönedätoicho yawä mänsemjona jericoñannojäcä amuinchera tödöene. ¹⁷ Ñanno sacerdote cajichana wanaadi nödödö ara del pacto cönadäato´dö, cönedenaicho nono shedetajä dewä jodadan annawäne, ñanno tamedä israelitacoomo wedätädöcoomo wacä mänsemjona tödöene.