¹ Icanta wa-Minalri irso apapeco canción walridalri, ima Lrinaitjaca aima matsiaperri; Jlida kjaidadalri ikjaote jliamana, Lrinaapa mamatsicanadalritsa. ² Wa-Minalri icatjinata narso coaji Lriyomjetaca; Lricadaa nacapa pjiomi njaji jalredaoca lricoperri Lrinaitjaca matsia. ³ Lriwaopia coaji piaca kjenaca Lricapaca Irael irso njite nanaco njaji yacoti Lricaiterri piaca lrinaitjaca narso; Pjiiomi jalredaoca lrico nacapaotsa coajicaotsa waMinalri shamacaotsana. ⁴ Iwana kjaida wa-Minalri irso catima capoa sha jalredaoca lricoperri, icanta apapeco canción, icanta catima, njite icanta iacarro Lrirso matsiadalri. ⁵ Icanta matsiadalri naco wa-Minalri irso arpa sho, icanta arpa ikjoete matsiacarro pjemica njaji icantalri. ⁶ Icanta catima wa-Talricana irso, jliaji wa-Minalri; ipjia trompeta njite ipjia tsakjaotsa itsowati matsiacarro pjemica. ⁷ Ooni macapawan iwanacaotsa kjaida njite pjiomi lriitada tsakja, jalredaoca njite pjiomi njaji lri-ricodaperri, iwana tsakja. ⁸ Picadaa nañaca nacapi njaji ooni, njite nawanacaotsa njaji jiipana lrima catima capoana. ⁹ Lrinocaotsa jliaji Iminalriti Lricaitécarro naacona njaji jalredaoca lricoperri; Lricaitecaotsa naacona njaji jalredaoca lricoperri matsia sho njite corriotsa Lrimatadaca naapiya njaji jalredaoca lricoperri.