¹ Warsena wacanta wa-Minalri irso; wacanta caotsa catima lrirso jliaji Iyomjetacaita fa jliaji Jiipada shodalri warso. ² Warsa fewa lrikjaolre wacaitécarro nanaco njaji matsiaperri Lrinaitjalri warso; wacantaotsa Lrirso salmo sho wacarro Lrirso matsiadalri. ³ Ima Dio macadalrica jliaji wa-Minalri njite Talricanatai kjaidadalri cani naoya njaji idolonai. ⁴ Jliaji jiipai macadalri jlipacani lricaapi ricó; njite Lriyapeca njaji jiipana yenomperri. ⁵ Jliaji manoa, lriyapecana, ima Lrinaitjajicana, njite lricapi sho lrinaitja jliaji jiipai metádalri. ⁶ Warsena wawa, warsa wawa wácarro Lrirso matsiadalri njite wacoajácarro Lripeshete; warsa watoda waorsipada jiipai nacojle wa-Minalri ipeyajle, jliaji inaitjacaita fa. ⁷ Imai wa-Diotecani, njite Lrinaikiteca fa Lrianipe irso iñjao njite lri-ovejanca fa Lriwapanipe matsia. Matsiadalri-cai, jliada jecoapica jliaji itaitaotsa jimica Lriacoam Lrinoma lrikjoitedalri. ⁸ Matarratatsa icaolre, cayoji natarrata capisho pia nacaolre Meribá lrico, o Masáh jiawajli pia jalrapocolri ricó, ⁹ Icapiatsa nawica nacapao Njoa njaji jinirrinaipemi najícarro coandalrica Njoa, nacapa cadanatsa njaji Nonaitjaji nacapa. ¹⁰ Cuarenta walria icoa kerroaca Njoa nakjoete njaji inaiki jliawajliperri pia njite Noaco cayoji: Nja inaikica njaji nanaitja cayoji nacaolre icaite capisho narso; corritoa nanji njaji Nomalri nanaitjaca'' ¹¹ Cayoshopa, Nocaiteca yacoti ajádalri sho kerroa capjite Njoa, corriotsa njewá carroca Nocada cawa nawafetawa.''