¹ Matsiaca paaca matsiadalri wa-Minalri irso njite pacantaca pacaitécarro matsia Lriipitana naco, Pjia Yenonrsedalri pja pjiomi ioya, ² pacaite narso njaji inaiki piyompinaco toa wadee yamicana Lriaco ioya, njite deepi rico pacaite ajádalrica Pjia, ³ pakjemata cádanaco arpa die dalri iñada njite lrikitsindawa paita jaicoita lira dalri iipitana. ⁴ Picatimata njoa aimatsa, no-Minalri, nocapa cádanaco njaji Pinaitjaji. Nocantaca catima capoa njoa naikjaote njaji nocapalri Pinaitjaji Picapi sho. ⁵ Pinaitjaca njaji macadalripe, no-Minalri. Corri panji a kjerreca lriwayacao jliaji Piwaopiakje. ⁶ Corritsa coca lriaji jliaji inaiki majicadalrim, njite jliaji matsilridalrim corrin lriaji nanaco njaji: ⁷ Lritaoñaca jliaji inaiki matsidalritsa iwaopiakje cayoji malritsi itaoña capisho, njite matsia cádanaco nacawa nadejicalre naco njaji inaiki inaitjacape matsi apjetsida irso, cayo cadana, corrin yomjecana lrioya jliaji njerrapitalriotsa piketemwa namatsicana ima njaji inaiki. ⁸ Mitsa Pjia, no-Minalri, pitalricanatacaotsa caidalriwetsa. ⁹ Ajádalri nocaite, Picapa narso njaji Pjipondape, no-Minalri. Picapa narso njaji Pjipondape. Nañacaotsawa. Napocotacaotsawa pjiomi njaji inaitjacape namatsicanao. ¹⁰ Pjiatsa ikjaidata njoa cayoji kjaida capisho buey awacada lricoda; Piarroca nonaco aceite walriajai sho. ¹¹ Nocapjenina notji sho coaji njewacawa njaji nocoema; njominima njonacolrico sho coajica Picaiteca naacona njaji nocoema matsiperri iwaopiakje. ¹² Corriotsa mayami carroca kjeya njaji inaitjacape matsia; nataoña caotsa matsia cayoji nataoña capisho njaji jaico cedrona Líbano lrico. ¹³ Naofacawa Dio ipana lrico; njite nataoña cawa cayoji nataoña capisho njaji jaico napanaji Dio iyacalre coa lrico. ¹⁴ Pekipenai cádanacoenana corrin yami cainacacana; matsiacatsana corrin mjaidacana, ¹⁵ nacaitécarro wa-Minalri naco matsiadalri cani. Icatsa jliaji iwapacadaca njoa, njite corrin Lrimatadaca nanaco njaji Lrinaitjalri.