¹ Pjia, no-Minalri DIo iyomjetacaita njoa, deepi ricó njite jalrewe-ricó nowana mana pikjaolre. ² Pjimi notatjaca Piinai; Piwapa Pjimi coajica noiyaca. ³ Ima aima jirrapitinaperri iocaca noikjaolre njite wadepena mayamica njoa. ⁴ Njaji inaiki nacapa norso cayoji wadepe capishoenatsa mayamica njoa; mjaida capoena njoa. ⁵ Namaca njoa nainai njaji mayamperrimina; cayoca njoaji inaitjaaca cádatsawa mayandalrim sho, jliaji corridalrinatsa coadaca Picañjata Pjida inaco. ⁶ Cayoji Picadaa capisho njoa irrirri tjewacadalri, cadaocádalri ricó. ⁷ Jamiña noaji Pirroa jiwacawa nonaco, njite kjaida lriñajica njoa cayoji oniñokja kjaidadalri idiaji capisho iino pja. ⁸ Pikjaote, corrinatsa naoma njoa njaj nokitsiñapeji pia. Opi namaca njoa pjiomi. Cayo noajiacacawa corrarra lrico capisho njoa, corrin noají coajica nomotocawa lrioya. ⁹ Caiwinatsa noaji notji ricó noaiya carrojinatsa; Caiodalritsa notatjaca Piinai, no-Minalri; njorreta nocapi pikjaolre. ¹⁰ Njite corritsa cocá carroca Pinaitja manaitja canádalri mayanperrim naco. Njite njaji Mayanperrimina, ¿capjaotsa nacafia watsa nácarro matsiadalri Pirso? ¹¹ ¿Capjaotsa nacaitepeotsa coajica Pipeyoca fa njaji mayanperrimi irrirri lricoperri? o ¿Nacaitepeotsa naofacawa lrico njaji mayanperrimi coajica matsiadalrica pjia? ¹² ¿Capjaotsa nají nanaco njaji Pidejicalre matsiaperri cadaocáwerrico, o nají watsa coajica Pinaitjaca matsia njaji iofacape corricawenaatsa coca nají? ¹³ Mitsa nowana Pikjaolre, no-Minalri; piyompinaco mana notatja cádanaco piinai, notatjaji iocawa pikjaolre. ¹⁴ No-Minalri, ¿coada Pimenata njoa? ¿Coada corrin Pioma picapaca njoa? ¹⁵ Mjaida piacatsa njoa no yempetica nakjoite toa, wadepe mayamica njoa. Aimena Picadaca njorrapitaca; corrinatsa noaji coajica. ¹⁶ Pjiyapeta nonaco Pirroa, njitde njaji pinaitjaji Pirroa sho nonaco opina nawayaketa njoa matsiape. ¹⁷ Nadanata njoa jalredaoca icoam caidalritsa cayoji ooni idanata capisho pja; corrarra lrico capisho nofacawa naikjaote. ¹⁸ Pjienita nooya pjiomi njaji nokitsiñapeji njite njaji noajialrinai. Icamitsa cadaocadalri iofá noinai nokitsindawa.