¹ No-Minalri, Pjimi norso njite Pjiepa njoa, ima kjenadalritsa njoa jirrapitacadatsa. ² Piwapa njoa Pinaiwa, ima corrin nomacaca Pjia, no-Diote; Piyomjeta jliaji Pirsodalri icadacada icaolre Pinaco. ³ Kjenatsa Picapaca njoa, no-Minalri; ima nowanaca Pikjaolre caidalritsa jalredaoca icoam. ⁴ Picatimata jliaji Pirsodalri, ima Piinaica notatja no-Minalri. ⁵ Matsiadalrica, Pjia,wa-Minalri, njite Piwapaketsa Pjiyapetácarro waoya wamatsicana, njite Pjicañjata coajica kjena Picapáca narso njaji iwanacaperri Pikjaolre. ⁶ No-Minalri, Pjimi notatjaca Piinai; pjimi coajica caacoca njoa notatja cádanaco Piinai. ⁷ Nofá cádanaco aima jirrapitinaperri ricó nowana Pikjaolre, njite Pjiepa manba njoa. ⁸ Corrin pacapa apada dio pacoacadalrimtja Picayosho, no-Minalri. Corrin coca ideji cayoji Pideji capisho. ⁹ Pjiomi njaji inaiki aimadan Pinaitjanipe jalredaoca lrico nanoatsa Pikjaolre natodácarro naorsipada Pirso, no-Minalri. Nacaite watsa matsia Piipitana naco. ¹⁰ 0Dio kjaidadalrica Pjia njite Pinaitja aima matsiaperri; icamitsa Dioca Pjia. ¹¹ Picananta njoa no-Minalri, nonaitjácarro cayoji Pioma capisho. Picananta njoa Piaco ajádalri naco niniotsa njoepaotsa Piaco matsia. Picada npfiocawa Piiwana. ¹² No_minalri Dio, noawatsa Pirso matsiadalri nocaolre sho; njite nocaite watsa Piipitana matsiadalri naco caidalritsa. ¹³ Corrin Pimacaca njoa, ima Pinaitjaca cayoji Piaco icaite capishotsa; ima Piyomjetaca njoa mayamicalri ioya. ¹⁴ Dio, njaji padalreperrimi njenicoca nokjoete. Aima inaiki matsiperri najica naoma nainócarro njoa. Corrin coadaca Pjia narso. ¹⁵ Mitsa Pjia, no-Minalri Dio, kjenadalritsa icapaca pja njite Pinaitja matsia parso, corridalritsa kerroa kjeya, njite pakjamica Picaolre ricó kjena cawa picapaca fa, Pjia, corridalritsa imatada. ¹⁶ Pidia noikjaolre njite kjena Picapaca norso; Pikjaidata jliaji Pirsodalri; Piyomjeta jliaji Pirsodarro yénipe. ¹⁷ Picañjata nocapa noajícarro Pikitsindatacatsa njoa. Njite nacapaotsa Pjia catsa noinai pjiomi njaji matsiperri icapaca norso njitenaotsa capaiman caotsa naicao Pikitsindata capoa njoa njite Picatimata capoa njoa tsakja.