¹ Icanta kjema Dio irso, jliaji ikjaidatacada fa; icaite lriipitana naco kjaida itimati ricóJacob i-Diote irso. ² Icanta apapeco canción njite ikjemata pandero, jaicoita lira-dalri iipitana joiwi-dalri pjemica arpa iinai. ³ Ipjia watsa chivo itsiwam walripi cádanaco kérri, njite macaite cádanaco tsakjan, wacatimataacá carroa inita cádanaco. ⁴ Icatsaapada yácoti Irael irso lrinaitjaoda, Lrinanda nanaitjaca jliaji Jacob i-Diote. ⁵ Lricadaa piani José irso coajícarro lrinaitjaca Lria caojli nakjoete njaji Egipto lricoperri, nomicarrom pia apapeco iacoam corridalritsa noaji coca iyadacani. ⁶ Njota nadeecalre jamiñaperri nteda nakjoite; nowataca nacaapi lrikjoite njaji tseto nadecarroda jamiñaperri. ⁷ Piwana pia pjirrapita cádanaco, njite nokitsindata pjia; caaco njoa irso iyadaoca cadaocádalri njite. Nowi pia pjia ooni Meribá lrico. ⁸ Jimi Norso, sha Nonaikite aimadan, Ima Nocaitecaotsa sha coajica, Irael, ¡jimi cada Norso matsia! ⁹ Corriotsa irsó carroca iinai na-diote njaji apana inaiki; corrin itaita iaca matsiadalri na-diote irso njaji apanatsa inaiki. ¹⁰ Icatsa Iminalri Dio-ca Njoa, jliaji jitalri sha Egipto lrikjoite. Imjeco inoma macaite Nopakjantácarro irso iñjaodati sho. ¹¹ Mitsa njaji Nonaikite aimadan corrin njemi piaca njaji nocaiterri narso; corrin Irael shepa Njoa. ¹² Niini nocadaa tarrá-carro nawaopiakje ricó nanaitá carroena njaji nawadalri matsiaca cayoji nanaitja capisho. ¹³ Matsiatsantja njemica Norso njaji Nonaikite aimadan, nanaitja cantja cayoji Noaco icaite capisho njaji Nonaikite aimadan. ¹⁴ Nininantja kjeya Noapirsetaca njaji nacoema naoya njite Njoamantja njaji jirrapitetacapena. ¹⁵ ¡Ninintja pjiomi njaji corri perritsa ioma Dio nadia njapodamrsewa nafio capoa Lriiwana! Caidalriwetsantja Jliametacana. ¹⁶ Noantja Irael naiñjao iñjaodati matsiadalri sho; Noantja irso aima mapaa jiipada lrikjoitepe.''