¹ Jimi jliaji nocanantalri sha inaco, sha nonaikite aimada, jlimi njaji yácoti nocaiterri irso nonoma sho. ² Nocanantaotsa sha pajishopa sho, njite nocantaotsa nanaco njaji opimje nadawanda waoya oopi. ³ Icatsa njaji femirri njite wajerri inaco tsakja, njaji corripetsa nacaite femi njaji waferrinaipe. ⁴ Corriotsa wadawá carrocana naoya njaji nanakjoiteperri. Wacaiteotsa njemi njaji walricomanaipe nanaco njaji Iminalriti inaitjalri, Lridejicalre matsiaperri naco, panda Irso matsiadalri naikjaote, Jlida ikjaote njitenjaji manaitjacanaperri Lrinaitjalri pia. ⁵ Lricada njaji yacoti kjaidaperri Jacob iapiya, Lriacoam lriapiyadalri, njite Lricatjinata pada yácoti Irael lrico. Lrinaa njaji waferrinaipe nacanantácarro neenipe nanaco. ⁶ Lrinaana najícarro Lriaco naco njaji walricomanai, njite njaji yempetipe toa, corri cadana toa jiicona, narso pia tsakja nanacantaca inacona jiico cádanacona nacanantácarro neenipe nanaco. ⁷ kenantja nawapa matsiaperri Dio iinai njite corrintja namaodaca naoya njaji Dio inaitjaji narso, icamitsantja nanaitjaca cayoji Lriaco icaite capisho. ⁸ Njite corritsantja cayocana nacayosho njaji naferrinaipe inaiki mjepacaperri, majicaperritsa, pacoma inaiki corripetsa inaitja matsia, corripetsa icadacawa Dio irso nanaitja-carro Lrirso matsia. ⁹ Njaji Efraín poco narso pia nanacoa yawitjioco nainoaca shopawa owi ricó, mitsa oopi nadia njapodamrsewa nainoaca cádanacowa. ¹⁰ Corrin nanaitja pia cayoji Dio inaitja capisho pia yácoti naapiya, njite corrin njepa nanaitjaca cayoji Lriaco icaite capisho. ¹¹ Corrinatsa nawaopia nanaco njaji Lrinaitjaji, njaji manaitjacanaperri Lrinaitjalri nacapao. ¹² Opi namaodaca naoya njaji Dio inaitjaji nacapa njaji naferrinaipe Egipto jipaite lrico, Zoán jipaite ricó. ¹³ Lrimjeco oni macapawan njite Lrideena lri-ricoda; Jlirreta ooni cayoji panti iwai sho. ¹⁴ Jalrewe-rico Lricadaa naicao iyadaoca Lridee carrona njite deepi ricó tiye icananialre ricó. ¹⁵ Lriwikjí jiipada macane jalrapocolri ricó, njite Lria narso aima ooni, lricoa napakjantácarro ooni macapawan. ¹⁶ Lricadaa ooni imotowa jiipada nakjoite lrinaitjácarro onipaokja njite ooni macapeki tsakja. ¹⁷ Mitsa corrin yami nanaitjaca namatsicanao Lrikjoete, nemaca Lrikjoete jliaji Yenonrse-dalri pja piomi ioya jalrapocolri ricó. ¹⁸ Njama Dio nacaoolre ricó natatja cádanaco naiñjao Lriinai namoní ikjaote. ¹⁹ Cacocana matsi Dio ikjoete; naaco lrinaco cayoji: ''¿Capja Dio iitaita iaca waiñjao jalrapocolri ricó? ²⁰ Icapa, Lriñá caojli pia jliaji jiipada, icamina ooni imotocawa njiteo aima sho njite bojlamica njaji onipaokjape. ¿Capja Lritaita pa' lriaca Iñjaodati tsakja? ¿Capjaotsa Lriawatsa iñjaodati Lrinaikite aimadan irso? ²¹ Wa-Minalri jimi cádanaco njaji, kerroacani pekirritsa; niini lrirroa ipojliawa Jacob ikjoete, njite Lrirroa iino njaji Iraelnai ²² corri capoa njepa Dio njite corri capoa nacadaa nacaolre lrinaco jliaca imanacotana. ²³ Mitsa, lrinaa eeno ipananoma imjecoacacawa enolricojle. ²⁴ Lricadaa maná jiwacawa iyao sho enolrikjoite naiñjácarro, njite lricadaa naijaope ijaodati enolrikjoiteperri. ²⁵ Njaji inaiki naiñja iñjaodati ángelenai iñjaope nakjoite. Lricadaa aima naiñjaope. ²⁶ Jliatsa icadaa caolri ipjiaca jérri imotokema nakjoite eenolricojle, njite Jlida kjaidadalri sho Lricadaa caolri ipjiaca inarroemjete jerri irso. ²⁷ Lricadaa ipeti jiwacawa narso enolrikjoite jiipai sho, kepirre ipe corriperritsa pataita paniwetaca, cayoji caida ooni macapan lricope sho. ²⁸ Njewacawa naofacawa ipecolrico, napanaita iwaida naco. ²⁹ Ikena naiñjaca njite kepinape pjiominana. lria narso pjiomi njai naomalri pia lriinai. ³⁰ Mitsa corri pia catoa kepinana; nanoma lrico pia catoa naijaoda. ³¹ Ikena Dio irroa jiwa nanaco njite lrino njaji kjaidaperri pja. Lrino njaji atsianai yempetipe toa Irael lricoperri. ³² Cayo cadana njeyapawa, corrin yami nanaitja namatsicanao njite corrin nacadaa nacaolre nanaco njaji lrinaitjaji manaitjacanaperri. ³³ Caishopa, Dio imedata jalredaoca naoya, aima nacapa matsiperri. ³⁴ Dio jirrapiteta cádanacona, naoma narsowao Dio. Naoma piani nacaolre rikjoite. ³⁵ Nadia mana nawaopia Dioca jliaji jiipada shodalrica narso njite iyomjetacadana jliaji Yenonrse-dalri pja Pjiomi ioya. ³⁶ Nacaite matsia Lrinaco nanoma sho mitsa nacashata catsani naaco sho. ³⁷ Ima corri piacatsa nacada nacaolre ajádalri sho Lrinaco, njite corrin nanaitja cayoji Lriaco icaite capisho jliaji Lricadanda narso. ³⁸ Mitsa Dio, kjenadalritsa icapaca narso, corrin coadaca jliaji imatsicanati nanaitjalri njite corrin Lriwayaketana. Ajaca, aima walria Lriyamita naoya Lrirroa, corrin lricadaa pjiomi Lrirroa nanaco. ³⁹ Lriwaopia piaca inaiki pia catsa na, ípeti-cana, pada caolri jiyapacada njite corridalritsa idiawa jliapodamrsewa. ⁴⁰ Caidalri manatsa nawa Lrikjoete jalrapocolri ricó njite Nainonatani corricawatsa nataita naapanaca paniati. ⁴¹ Aima piape nacaite dio irso Lrinaiytjácarro jliaji naomalri Lriinai njite nanaitja maatsi Lrirso jliaji Mamatsicanadalritsa Irael lricoda. ⁴² Corri nawada Jlida naco, coaji piaca lriyomjetana nacoema ioya ⁴³ lrivcadaa caojli pia nacapa njaji manaitjacanaperri cafainaperri Egipto lrico, njite njaji Jliida matsiaperri lricadalri nacapa Zoán cawa lrico. ⁴⁴ Iricadaa naonite ipadamawa irranatiwa niini corrin nataita nairraca naoya njaji onipaokjape. ⁴⁵ 45Lrimenaca naikjaolre dolrio imaimaca iperro-carrona njite paitsi nacapoatá-carro njepaite. ⁴⁶ 46Lricadaa tacapa iñjacarro napania njiyte pjiomi nadejicalre. ⁴⁷ Lrimatsiketa napaniapji njite napania iyao ooni tarraperri sho, padenirri njaji jaico sicomoro. ⁴⁸ Lricadaa iyao jiwacawa ooni tarraperri sho navacan naco, njite eeno jiwa tsakja nanaco. ⁴⁹ Lrirroa kjaidadalri imatsiketana. Lricadaa Lrirroa matsinaperri, jirrapitinaperri jiwa nanaco cayoji pamenacanda pada iinai lriwayaketá carrona. ⁵⁰ Lrimatsieta inipo lrirroa ipia nakjoete; corrin Lriyomjetana mayamicalri ioya icamitsa Lricadana matsiperri irso. ⁵¹ Lriino Pjiomi neenipe pjerriti-naipe Egipto lrico, neenipe njaji caconaperri Cam jipaite lricoperri. ⁵² Jlita njite njaji Lrinaikite aimadan pjeta capisho oveja njite Lridena jalrapocolri ricó papocotsa. ⁵³ Lridee matsiana njite corrin lrimacana, mitsa Lrimatsiketa njaji Lricoema. ⁵⁴ Njite Lrideena Jlipaite iocacawa nacojle jlienitanda Lrirsowao, Jliaji Jiipana Jlitanda Jliida kjaidadalri sho. ⁵⁵ Lripeco napjeya njaji inaiki iofacape pia niini njite Lricadaa narso jlipaite nayada carroni. Lricadaa naofawa nini njaji Irael poco nacoanam napanaita lrico. ⁵⁶ Cayo cadanatsa nanaa Dio inaitjaca njaji jirrapitinaperri, Jliaji Yenonrsedalri pja pjiomi ioya njite corrin njepa Lriaco macádalri. ⁵⁷ Corrin nanaitja cayoji Lrioma capisho, cayotsa nanaitja njanirrinaipemi inaitja capisho; cayo piacana yawitjiapoti cayaonidalri sho. ⁵⁸ Nakerroatani nasho njaji njerretanda yenondalripe sho naidolonaipe yemacarronape, Lrikerricaana naikjaote niini kerroacani. ⁵⁹ Dio jimi cádanaco nanaco, icamitsa kerroa Dio njite icamitsa lrimenataca lrioyawa njaji Iraelnai. ⁶⁰ Lrimaca Lriofa carroda Silo lricoda, jliaji panti Lriofacawa lrico pia napecolrico njaji inaiki. ⁶¹ Lricadaa lricoema jipaca jliaji Lri-patowan matsiadalri njite Lricadaa nanaitjaca lrisho coajicatsa naoma nanaitjaca lrisho. ⁶² Lricadaa naino njaji Lrinaikite aimadan matseta sho, njite kerroacani napiya njaji lriyarrope. ⁶³ Nacoema inona tiyé sho pjiomi njaji atsianai yempetipe toa, niini corrinatsa cocaca nainirri njaji inaitjepe walridarrope. ⁶⁴ Naino njaji sacerdotenai matseta sho, njite naifarro naninai iyaca nanaco. ⁶⁵ Ikena Dio icafieta apada cayoji pacafieta capisho apada talricai ioya, cayoji caafi capisho apada oowi idewanacadam yalrakji sho, kjaida caacocani lrioma capoa lrinoacacawa. ⁶⁶ Lrifieta njaji lricoema; Lricadaa capaimanicana caidalriwenatsa. ⁶⁷ Jlienita Lrioyao José iipaneta, njite corrin lriniwana njaji Efraín poco. ⁶⁸ Lriniwana Judá poco njite Jiipana Sión jliaji Lriomanda. ⁶⁹ Lrinaitja panti Lriofacarroda yenonrsetsa eenolricojle capishotsa, jliaji Lrinaitjanda cayoji jiipai shotsa corridalritsa coca itaita icananitacan. ⁷⁰ Lriniwana Lrirsodalri David, njite Lrimotoitani corrarra lrikjoite. ⁷¹ Lrimotoita lriwapacawa ioya njaji oweja neenipe yapiya, njite Lricadaa lriwapá carroenakja Jacob, njaji Lrinaikite aimadan, lriwapácarro Irael, jliaji Lricadanda lriyadacana. ⁷² David iwapana Lricaolre matsiadalri iapiya, lrideecana njite lriwapana.