¹ Noaco sho njoemata caotsa kjaida Dio ikjaolre, njite noaco sho nowana caotsa kjaida no-Diote njite no-Diote jimicaotsa norso. ² Norso caojli pia matsiperri noma pia jliaji Iminalriti; deepi ricó njorreta nocapi, njite corrin mapjicana. Njite corrin pia nooma apada icatimataca njoa. ³ Nowaopia no-Diote naco noaji cádanaco icaiyatsi nonaco; nowada pia Lrinaco daimi cádanaco njoa. ⁴ Pjiatsa imjeco njaji notji; njota pia nocaolre corri capoa noaji coaji caotsa cacoca njoa. ⁵ Nowaopia pia nanaco njaji jalredaoca jiyapalrio, coaji piaca oopi. ⁶ Deepi ricó nowaopia pia apapeco naco nocantanda pia apapia. Nowaopia kayekjatsa notaitácarro noaji coaji piaca njoyapacawa jliawajli. ⁷ ¿Capjaotsa pa Iminalriti imenatacaotsa njoa piketem? ¿Corri natsaotsa coancaojlica Lrikitsindataotsa njoa? ⁸ ¿Capjaotsa corriketsaotsa lrikitsindata njoa cayoji Lricaite capisho pia? ¿Capja pa opica Lrimatda lriaco ioya caidalriwetsa? ⁹ ¿Capja corriketsa Dio yaji coajica kjena lricapaca norso? ¿Lrirroa ima corritsa coaji kjena lricapaca? ¹⁰ Njite noaco: ''Icatsa njorrapitalrica ikjaote: ima corriketsa lrikitsindata fa, icamitsa Lriemaca wakjoete jliaji Yenonrsedalri pja pjiomi ioya.'' ¹¹ Mitsa njoa nowadaotsa nanaco njaji Pinaitjaji, Iminalriti; nowaopia watsa nanaco pjiomi njaji Pinaitjaji oopi. ¹² Corriotsa nomaodacá carroca naoya njaji Pidejicalre njite caidalritsaotsa nowadaca nanaco. ¹³ Matsiaperrica njaji Pinaitjaji, no-Diote; Corrin pacapa apada dio caidalriji waDiote sho. ¹⁴ Icatsa Pjia DIo inaitjacada manaitjacanaperri; Picadaa nacapa Pinaco nanakjoite njaji Pinaikite aimadan. ¹⁵ Picada Pinaikite shamaca njaji apana inaiki Pjida kjaidadalri sho, njaji Jacob inakjoiteperri njite josé tsakja. ¹⁶ Njaji ooni imaimaca nacapa Pjia, Dio; njaji ooni imaimaca nacapa Pjia, njite nafioca Piiwana; ooni itjewacaca natetjewa. ¹⁷ Iyadaoca icadaa ooni jiwacawa naoshete; cadaocaca eeno yekjoete njite colrocolrodacani; njite Picadaa kjeya nacanaca njaji eeno iperronialre. ¹⁸ Njite kjema pjemoica Piacoam caolri ricó; njite eeno icananialre icanaca jiaji jalredaoca; njite cananica jiipai kjaida. ¹⁹ Piapowa iyoeta macapawan njite Piapowa iawa tjewaca ooni ricó itjewacaca lrico, mitsa corri pia pacapa Pjiparrom. ²⁰ Picadaa naawa matsia njaji Pinaikite aimadan Moise njite Aarón nakjoite