¹ ¿Coada matsia piajiacacawa pjia capoa inita inaitjaca njaji matsirri, pjia atsia kjaidadalri yajiacacawa? Ima Dio iwapaca njaji lrinaikite jalredaoca icoam. ² Pienene sho pinaitja pada iwaopiakjeti piwayaketa shopa ima keemádalrica pienene cayoji malriye kemaite sho, icamitsa pidejica ishati sho. ³ Pinaitja matsiperri minitsa njite corrin pinaitjaca njaji matsiaperri; caacoca pjia ishati nacotsa njite corrin cacoca pjia pioma cawa pinaitjaca matsia. ⁴ Catima pjimica pjiomi njaji yacoti imatsicacape apjetsida, cashadalrimca jliaji pienene. ⁵ Dio watsa iwaketa pjia piketem; jlinicoetaotsa pjia njite lrimotoita caotsa pjia piipana ioya, lrimatsiketaotsa njite lricadaotsa mayamica pjia. ⁶ Jliaji inaitjacada matsia lricapa tsakjaotsa coajica Dio inaitjaca pjia niniotsa lrifio caotsa lrinaitjaca cayoji pinaitja capisho pia; njite necawatsa lriicao, nacaiteotsa cayoji: ⁷ ''Picapa jliaji atsia, corrin lricadaa Dio-carro iwapani, icamitsa lricada piaca lricaolre nanaco njaji lrirsonipe aimadalri, kjaida piacani njite lriwayaketa piaca njaji apjetsida. ⁸ Mitsa njoa, kjaidaca njoa Dio iipana lrico, cayoji jaico olivo cafinetsa; nocadaa nocaolre dio naco kjena capoa lricapaca njoa caidalritsa njite caidalriwetsa. ⁹ Caidalritsaotsa noaca Pirso matsiadalri naikjaote njaji pinaitjalri. Nowapaotsa pjia ima matsiadalrica pjia, njite ncapaotsa njaji pinaikite aimadan, njaji kjenaperritsa icapaca apjetsida.