¹ No-Minalri, Piyomjeta njoa naoya njaji inaiki matsiperri, Piwapa njoa naoya njaji inocape inaiki. ² Namatsieta iwaopiakjeti matsiperri nacaolre ricó; caidalritsa nanaitja yacoti matsiperritsa. ³ Capoaperrica yenene cayoji api imaocolrialre sho; manjeti imotocawa nanoma lrikjoite caaco cádanacona. ⁴ Pjieneta njoa teeco naoya njaji matsiperri iwaopiakje, no-Minalri; Piwapa njoa naoya njaji atsianai inocaperri inaiki njaji iomacape ipecoca njowao. ⁵ Jliaji padalredalri lricada nopia njowacarroapji; nerroeta tsakja tooda lricalrapí-carro njoa, nerroeta tsakja owepi nopia. ⁶ Noaco no-Minalri irso: ''No-Dioteca Pjia; pjimi coajica nowanaca Pikjaolre noma capoa pikitsindataca njoa ima kjenadalri catsa njoa.'' ⁷ No-Minalri Dio, Kjaidadalrica Pjia, itaitacada iyomjetaca njoa; Pjiatsa iwapa njoa noá cádanaco owi ricó. ⁸ No-Minalri, macadatsa nanaitjaca cayoji nawaopia capisho nanaitjaca njaji matsiperri iwaopiakje; wade matsiaca lrimotoca narso cayoji nawaopia capisho. ⁹ Padalreperrimica njaji yemalri nowaida naco; Picada jliwacawa nanaco jliatsa jliaji nawaopianda inaco. ¹⁰ Picada tiyemjen kerraperri jiwacawa nanaco; pipecona tiyé rico, tjewacapji ricó marsocadalritsa lriwayacacawao, wade napieta njenicocawa. ¹¹ Wadee lriofa catoa lrimaodacatsa jalredaoca lrico jliaji padalrete; Picadaa imatsicanati ipinetaca jliaji inaiki matsidalri lrinócarroni. ¹² Noajintsa Dio iomacaotsa nacoadawa njaji kjenaperritsa, Lrinaitja watsa matsia lrirso jliaji canacaidalri irso pjiomi. ¹³ Ajádalri, naawatsa matsiadalri Pirso njaji inaiki matsiaperritsa; naofa caotsa pikodapi njaji inaitjacape matsia.