¹ Nopeyoca jliaji no-Minalri ima Jlimica norso notatjá cádanaco lriinai kjenácarro Lricapaca norso. ² Jlimi capoa norso, nowana catsani cafi cádanaco toa njoa. ³ Noají wadepe kenamayamica njoa, cayoji pawapa capishoena nadawácarro pja jiipai ricó; njota nocaolre njite caifica njoa. ⁴ Ikena nowana Dio Ipitana naco; ''No-Minalri, pinaitja matsiacvalri, Piyomjeta njoa.'' ⁵ Kjenadalritsa icapaca pja jliaji wa-Minalri njite lrinaitja parso matsia; Lrikindata pja jliaji wa-Diote kjena capoa Lricapaca parso. ⁶ Jliaji Iminalriti Lriwapa njaji mamatsicana-perritsa; corri pia coca iwapanjoa, mitsa no-Minalri iyomjeta njoa. ⁷ Notaita nofacawa nomaodacatsa tsenakja, ima matsiaca noinai Jliaji noMinalri. ⁸ Ima Piyomjetaca njoa mayamicalri ioya, corrin Picadaa notjiafia iarrocawa notji rikjoite, njite corrin Picadaa notodaca njoipao. ⁹ Nodejiotsa Dio irso naofacawa lrico njaji cafiperri. ¹⁰ Nocadaa pia nocaolre Lrinaco, nocaite cadana cayoji: ''Corrinatsa noaji coajica, ima pekirridalrica jliaji njorrapitalri inaco.'' ¹¹ Niini nokjeyapitaca nocaiteca: ''cashaperrimca pjiomi njaji inaiki.'' ¹² ¿Coajiotsa nocaoñaca jliaji no-Minalri nanaco pjiomi njaji matsiaperri Lrinaitjalri norso? ¹³ Nanakjoite njaji noirraope, nodeotsa pada ofrenda Dio irso, ima Lriyomjetaca njoa; icatsa niini nocaiteotsa no-Mkinalri iipitana. ¹⁴ Nocaoña watsa Dio irso njaji nocaiterri nonaitjaca Lrirso napeyajle njaji inaiki aimadan. ¹⁵ Matsia Dio icapaca mayami cádanaco njaji shenitaaca capewa lrirsowawa. ¹⁶ No-Minalri, ajádalri Pirsodalrica njoa; Pirsodalrica njoa, Pirsodarro yenipeca njoa; Pjiatsa jita njoa lrioya jliaji napresotalri pia niini njoa. ¹⁷ Noino watsa Pirso maficalri ofrenda sho Pinaitja capoa norso matsia njite nowanacaotsa Pjia Piipitana naco. ¹⁸ Nonaitja watsa no-Minalri irso nacapa cawa njaji inaiki aimadan njaji nocaiterri no-Minalri irso nonaitjaca Lrirso, ¹⁹ piyacalrecoa lrico, no-Minalri, piemacawa lrico, Jerosalén. Matsiadalrica jliaji wa-Minalri.