¹ No-Minalri, corrin matsiaperrica fa, fa carrontja naa irso matsiadalri, icamitsa Pirso waca matsiadalri. Apadatsa Pjia palri irso matsiadalri Pinaitja capoa cayoji Picaite capisho njite Pipeyo capoa fa. ² Niini ¿coadantja natatja wainai njaji apanatsa inaiki nacaite cádanaco: a kjerreo jliaji i-iote?'' ³ Enolricojle lriofawa jliaji wa.Diote; njite Lrinaita cocacatsa lrioma lrinaitjaca. ⁴ Palratapetsa njite owirropetsa nadiote njaji apjetsida jalredaoca lricope, atsianai inaitjajitsa nacapi sho. ⁵ Narsoentsa nanoma njaji idolonai mitsa corrin nataita cacocana; narsoentsa natji mitsa corrin nacapa nasho; ⁶ narsoentsa njenacolrico, mitsa corrin njemica nasho; narsoentsa njetaco, mitsa corrin nemjiaca nasho. ⁷ Narsoentsa nacapi, mitsa corrin nataita njepaca nasho; narsoentsa njaipa, mitsa corrin nataita nemajicawa nasho; corrin nataita cacocana nanoma sho. ⁸ Caiperri tsakja nacayosho njaji inaitjacapena, njite cayo tsakja njaji icadacape icaolre nanaco. ⁹ Irael icadaa icaolre Dio naco, icatsa Jliaji ikitsindatacadana njite jliatsa iwapana. ¹⁰ Aarón iipaneta, icada icaolre Dio naco; ima icatsa Jliaji ikitsindataca sha njite jliatsa iwapa sha. ¹¹ Sha inaitjacape cayoji Dio ioma capisho, icadena icaolre lrinaco; icatsa Jliaji ikitsindataca sha njite jliatsa iwapa sha. ¹² Wa-Minalri icapa waikjaolre njite Lrinaitjaotsa matsia warso; Lrinaitjaotsa matsia Irael iipaneta irso; Lrinaitjaotsa matsia Aarón ipaneta irso. ¹³ Lrinaitjaotsa matsia narso njaji inaitjacape matsia Lrirso, njaji yempetipenjite pekipenai tsakja. ¹⁴ Wa-Minalri imaimatacaotsa aimacarro pjana, sha panayaperri njite njaji inolri shapodam inakjoiteperri. ¹⁵ Dio watsa imatsieta pjia, jliaji inaitjacada eenolricojle perri njite Lrinaitja tsakja jiipai. ¹⁶ Dio iyapeca njaji enocoma; mitsa Lricadaa jliaji jiipai narso njaji inaiki. ¹⁷ Corrinatsa coajica nataita naaca matsiadalri Dio irso njaji mayanperrimi, njaji iorrocolri macodaonacawa lrico. ¹⁸ Mitsa fa cafiperri waaca matsiadalri Dio irso panaya njite caidalriwetsa. Iá matsiadalri Dio irso.