¹ Panaya, icatsa Aarón njite Moise inakjoite-perri inacoapana nacó caaco caojli pia Dio Moise iinai Jiipana Sinai nacó. ² Icapiatsa neepitanaca njaji Aarón yénipe. Nadab jliaji perriti, njite Abiú, Elezar njite Itamar. ³ Icapiatsa neepitanaca njaji Aarón yénipe, njaji sacerdotenai naniwanaji nakeepitanatá-carro nadejí-carro sacerdotenai shó. ⁴ Mitsa Nadab njite Abiú oopi mayamina namjaita capoa incienso Dio ipeyajle corridalritsa matsia Lricapaca irso jalrapocolri Sinai ricó pia. Njite corri pia narsoca neenipe, caishopa icamicatsa Elezar njite Itamar njaji idejirri sacerdotenai sho njanirri Aarón iinai. ⁵ Caaco JLIAJI IMINALRITI Moise irso cayoji: ⁶ ''Pidee njaji Leví poco sacerdote Aarón ikjaolre nakitsindatá carroni. ⁷ Narsotsaotsa nanaitjaca njaji idenjikjeti Aarón inaitjaji mana nanacojle njaji naofacawenai padenirri iwacaaca-carroda ipeyajle. Narsotsaotsa nadejica iwacaaca-carroda lricó. ⁸ Narsotsaotsa nawapaca pjiomi njaji iwacaaca-carroda iitada, njite narsotsaotsa nakitsindataca njaji nakitsiñape Iraelnai nadeji cádanaco niwacaaca-carroda lricó. ⁹ Picadaawatsa njaji levitanai Aarón irso njite narso njaji lrienipe. Ima Nocadacana nadejí-carro padatsa nakitsindatá-carro njaji Iraelnai aimadan. ¹⁰ Pikepitanataotsa Aarón njite njaji lrienipe nadejícarro sacerdotenai sho, njite coca cadaa corridalritsa inakjoitédalrica itsoomitalri jliaji iwacaaca-carrodawa mayamicaotsani.'' ¹¹ Caaco JLIAJI IMINALRITI Moise irso, lriaco: ¹² Icapa, '' Njoatsa iniwana njaji levitanai nanakjoite njaji aimadan Iraelnai. Nonaitja cayo wade Noniwanaca padapetsa nanakjoite njaji yénipe pjerritinaipe jiico-perri Irael lricó. Niii Noyárropeca njaji Levitanai. ¹³ Njite pjiomi njaji pjerritinaipe noyárrope cana. Jliadaa pia Noinoca neenipe pjerritinaipe njaji jiipai Egipto lrico, Njoenita pia Norsowao pjiomi neenipe pjerritinaipe njaji Iraelnai, nanakjoiyte njaji inaiki njite coshoca njaji maaficalri tsakja. Niini Noyarrope cana. Icatsa IMINALRITI-ca Njoa.'' ¹⁴ Caaco Dio Moise irso irso jalrapocolri Sinai ricó. Lriaco lrirso: ¹⁵ ''Piniwetaotsa njaji Leví inakjoité-perri panti icoam, coca piaca waferrimi. Piniwetaotsa njaji kirraitalri apapi perritoa jiico cayamina, njite njaji pekipenaipena.'' ¹⁶ Moise iniwetana cayotsaji Dio inaa capisho lrinaitjaca. ¹⁷ Icatsa neepitanaca njaji Leví yénipe Gersón, Coat njite Merari. ¹⁸ Njite Gersón yénipe iipitana naapaneta yápiya icapiatsa njaji Libni njite Simei. ¹⁹ Njite Coat yénipe iipitana naapaneta yápiya icapiatsa njaji Amram, Izhar, Hebrón njite Uziel. ²⁰ Njite Merari yénipe iipitana naapaneta yápiya icapiatsa njaji Mahli y Musi. Icatsa Levitanai ikitsiñapeca njaji, naniwetaji naapaneta nacó panti icoami. ²¹ Naapaneta njaji libnitanai njite njaji simeitanai Gersón inakjoite-perricana. Icatsa njaji Gersonitanai inaikica. ²² Naniweta pjiomi atsianai isocape apapi toa nakjoite njite pjiomi pekipenai, siete mil quiniento atsianai padenirrina. ²³ Njite njaji gersonitanai inaikica nanaitjaotsa naapanawa jérri shewa kema nacojle lrirso jliaji nawacaaca-carroda. ²⁴ Njite Elisaf, Lael irri, icatsaotsa njewidapoca njaji Gersonita poco inakjoiteperri iipaneta. ²⁵ Njaji Gersón iipaneta icatsaotsa njaji iwapalricaotsa iwacaacacarrodawa, lriwai, jliaji yamacati idanatacada lripananona. ²⁶ Nawapa tsakjaotsa njaji yamacati idaanatacape iwacaaca-carrodawa, altar njite njaji lripananoma nacope tsakja. Narso tsakjaotsa nawapaca njaji lriñadape njite pjiomi njaji lri-ricodaperri. ²⁷ Njaji inaiki Coat inakjoiteperri: aramita iipaneta poco, izharita iipaneta poco, hebronita iipaneta poco, njite uzielita iipaneta poco. Icatsa njaji coatitanai inakjoiteperri pococa. ²⁸ Naniweta ocho mil seiciento atsianai isocape apapi toa nakjoite njite pjiomi pekipenai iwapacaope Dio iyarroajipe. ²⁹ Njaji Coat poco iipaneta inakjoiteprri, nanaitjaotsa napanaitawa inarroema nacojle iwacaaca-carroda irso. ³⁰ Njite Elizafán, Uziel irri, icatsaotsa njewidapoca njaji coatit poco inakjoiteperri iipaneta. ³¹ Nja watsa iwapa jliaji patowana, mesaita, camarrai jirricona, njaji altar, njaji njenitaji teecojle nadenjishopa niini, njaji yamacatimaca, njite pjiomi lriwaida nacó tsakja. ³² Eleazar, sacerdote Aarón irri, icatsaotsa njewidaapoca pjiomi njaji iwapacape Levitanai poco. Lrirsotsa lriwapaca lricapa njaji iwapacaperri jliaji patawajle njenitanda nadejishopa matsiaperri. ³³ Yamapocon njaji Merari iipaneta: njaji mahlitanai njite njaji musitanai. Icatsa njaji Merari pococa. ³⁴ Naniweta sei mil dociento atsianai irsocape toa aapapi nakjoite njite njaji pekipenaipena. ³⁵ Zuriel, Abihail irri, icatsaotsa njewidaapoca njaji Merari iipaneta poco. Nanaitjaotsa napana poco atsialriemajle iwacaaca-carroda irso. ³⁶ Njaji Merari poco inakjoiteperri narsotsaotsa nawapaca njaji nemetashopa nawacaaca-carrodawa, coanjai, lripje, lripje yemacarro poco, padenirri njaji lricaonaperri, njie tsakja njaji ³⁷ lriwaipoco jliaji nawacaaca-carroda ipje, neema-carro poco, lriiñada njite napapi carrona lriiñada tsakja. ³⁸ Moise, Aarón njite neenipe nanaitjaotsa napanapocowa jérri imoto kema nacojle lrirso jliaji nawacaacacarrodawa, lricoemjete jliaji iwacaaca-carrodawa. Icatsaotsa njaji icapalriotsa nadejicatsa matsia pjiomi matsiá-carro njaji Iraelnai pjiomi. Coca cada itsoomita jliaji nawacaaca-carrodawa, corridalritsa inakjoité-dalrica mayamicaotsan. ³⁹ Moise, Aarón yapiya naniweta pjiomi njaji atsianai Leví poco iipaneta inakjoiteperri irsocape aapapi toa kérri nakjoite njite pjiomi pekipenai, cayoji Dio inaa capisho. Vente mil atsianai padenirri. ⁴⁰ Lriaco jliaji Iminalriti Moise irso: ''Piniweta pjiomi atsianai pjerritinaipe Iraelnai yénipe, njaji irsocape aapapi toa nakjoite njite pekipenai pjiomi. Pidana neepitana pjiomi. ⁴¹ Pirsotsa pjienitaca Norsowao njaji Levitanai naoyawalreo njaji Iraelitanai yénipe pjerritinaipe. Caitsakja na-vacan njaji Levitanai, na-vacan pjerritinaipe oyawalre njaji Iraelitanai. Icatsa Iminalriti-ca Njoa." ⁴² Moise iniweta pjiomi atsianai pjerritinaipe Iraelnai yénipe catsaji Dio inaa capisho lrinaitjaca. ⁴³ Lriniweta pjiomi atsianai pjerritinaipe neepitana nacó, nanakjoite njaji irsocape toa aapapi kérri njite njaji pekipenai. Lriniweta ventido mil dociento setenta tre atsianai padenirri. ⁴⁴ Caaco tsenakja Dio Moise irso. Lriaco lrirso: ⁴⁵ ''Pirsotsa pjienitaca Norsowao njaji Levitanai naoyawalreo njaji Iraelitanai yénipe pjerritinaipe. Caitsakja navacan njaji Levitanai, na-vacan pjerritinaipe oyawalre njaji Iraelitanai. Icatsa Iminalriti-ca Njoa. ⁴⁶ Nacoana njaji Iraelitanai yénipe pjerritinaipe narsotsa nacadaaca cincoenta cinco gramope palrata nacaoñaaca shopawa, icatsaotsa njaji pjitalrica naoya ima dociento setenta tre mil pjaaca namaimaca naoya njaji Levitanai. ⁴⁷ Jimiñataotsa njaji palraata cayoji íwi capisho iwacaaca-carroda lrico. Ima pada siclo icoada pacoacatsa once gramo sho palraata. ⁴⁸ Njite nacoada njaji nacaoñaca shopawa icadaotsana Aaron irso njite narso njaji lrienipe.'' ⁴⁹ Ikena Moise iniwa pjiomi nja palraata nacaoñaca shopawa njaji Iraelnai yénipe pjerritinaipe ima aimadan pjaacana levitanai ioya. ⁵⁰ Moise iniwa pjiomi nja palraata nacaoñaca shopawa njaji Iraelnai yénipe pjerritinaipe. Lriniwa mil treciento sesenta cinco palrataitape, njamiñatana cayoji náwi capisho nawacaaca-carroda lrico. ⁵¹ Moise iá njaji palraata nacaoñaacashopawa Arón irso lrienipe yapiya. Lrinaitja cayotsaji Dio iaco icaite capisho, Dio inaa capishotsani.