¹ Balaam iaco Balac irso: ''Pinaitja norso sietena altar anji njite pimatsieta sietena toro njite siete cordero.'' ² Ikena Balac inaitja cayoji Balaam inaa capisho lrinaitjaca. Njite Balac, Balaam iapiya nacadaa apana toro njite apana cordero nanaco njaji altar nacoanaa. ³ Njite Balaam iaco Balac irso: ''Piema pi-ofrenda imacadawa icodapi njite noá noaca pioya. Wadetsa DIo inoca icapa noikjaolre. Coca cadatsa Dio icañjata nocapa nocaiteotsa pjiiomi.'' Ikema Balaam iacawa njite jlirrawa apana jiipana ípolrico meyoni nacó. ⁴ Jiipana ípolrico cádanaco piatoani, Dio íno lrikjaolre, njite Balaam iaco DIo irso: ''Njorreta sietena altar, njite nocadaa apana toro njite apana cordero apana nacó nacoanaa.'' ⁵ Njite Dio icadaa pada yácoti nanjishopa Balaam inoma lricó, lriaco cayoji: ''Pidiawa Balac ikjaolre, njite caacoatsa pjuia lrirso.'' ⁶ Balaam idiawa Balac iderse jliaji yemacadawa lri-ofrenda imacadawa icodapi, njite pjiomi njaji Moab jiwidapo tsakja lriinai. ⁷ Njitedalri Balaam inita caacoca lrinoparrota cádanaco, lriuaco cayoji: Balac ideca njoa Aram lrikjoite, jliaji jiipana italricanaa jérri imoto kema nakjoite. lriaco norso cayoji: ''Caaco pjia mátsi Jacob nacó noikjaote. Piema Irael ikjoete.'' ⁸ ¿Coajintja caaco njoa maatsi nanaco njaji ciorriperritsa caaco Duio maatsi inacó? ¿Coajintja noemaca nacoete njaji corriperritsa Dio iemalri ikjoete? ⁹ Yenonjite jiipada nakjoite nocapa lriemacawa; jiipana nakjoite nocapani. Picapana, pacoa yacalre tsocoe tsa, tecodalritsa pjiomi ioya njite corrin pacapacana pacoa yacalre capishontjana. ¹⁰ ¿Coca itaita iniwetaca njaji Iraelnai cayoperri aimadanca jiipai shó, njite njaji corrin naocawa pamoyoa narsó? ¡Picadaa mayamica njoa matsia mayami capisho njaji inaiki matsiaperritsa. Njite picadaa nowayacaacawa cayotsa nacayosho.'' ¹¹ Balac iaco Balaam irso: ''¿Ccao jliaji pinaitjalri? Nodee pjia ajerreji picaitecarro maatsi mátsí-carro njaji nocoema, mitsa pjia, icaamitsa caacoca matsia nanaco.'' ¹² Balaam shepani, lriaco: ''Norsotsa noajica matsia notaitá-carro nomotoitaca nonomalrico njatsa njaji yacoti Dio icadaalri cacoca njoa inacó.'' ¹³ Njite balac iaco lrirso tsenaja: ''Pinaitja matsiacalri, pino noinai pafe ricojle picapacawana lrikjoite matsia. Picapá crroatsa njite pjiomina ima njacatsa picapa njaji tsomiperritsa. Icatsaotsa picaitecaotsa maatsi nanacó noikjaote.'' ¹⁴ Niini lrideeca Balaam Zofim (pacapacawa) lricojle, lripolrico nacojle jliaji jiipana Pisga, njite lrinaitja pja tsenakja nirse sietena altar. Lriino nanaco apanape toro njite apanape cordero nacoanaa njaji altar. ¹⁵ Njite Balaam iaco Balac irso: ''Piema pi-ofrenda imacadawa icodapi, noá cadana toa nowapa Dio iorroco noikjaolre.'' ¹⁶ Ikena Dio iorroco Balaam ikjaolre njite lricadaa lrinoma lricó iacoti lricaiteoda. Lriaco: ''Pidiawa Balac ikjaolre picaité-carro lrirso njaji iacoti Nonakjoitedalri lrirso.'' ¹⁷ Balaam idiawa Balac iderse jliaji yemacadawa lri-ofrenda imacadawa icodapi, njite pjiomi njaji Moab jiwidapo tsakja lriinai. Njite Balac iaco lrirso: ''¿Coaji Dio iaco pirso?'' ¹⁸ Ikena Balaam inita inoparrotaca, lriaco: Pjinico pjimi piicao Balac. Pjimica norso, pjia Zipor irri. ¹⁹ Corrin atsiaca jliaji Dio, niini corrin Lritaita lricashataca, corrin tsakja atsia yenipecani niini corrin Lritaita lritecojletá lriwaopiakje lriaco ioya. Corrin coancaojlica lrimaodacaca lrioya jliaji lricaiterri. Coca cadaa lricaite lrinaitjaca, Lrinaitjani. Njite njaji lricaiteji Lrinaitjacaotsa, corrin Lrimaodaca lriacoam ioya. ²⁰ Piají-carro, icamitsa notaita nocaiteca iacoti matsiaperri matsiácarro. Dio icadaca pada matsiadalri, njite corrin notaita njopaca nonacoani. ²¹ Corrin Nocapa maatsídalri, corrin tsakja nacatsataca Njoa njaji iraelitanai, Jacob iyacalre. Njite nainai catsa Naminalri Dio, njite catima nawanaca nají capoa nainaica Natalricanaa. ²² Dio jitana Egipto lrikjoite jídati mataita canaadalri shó. ²³ Corrin pacapa malrirricalri jiida itaita cada Jacob ikjoete, corrin pacpa pada inoparrotakjeti itaita cada imatsicaca Irael. Mitsa, icamitsaotsa nacaiteca nanaco cayoji: ¡Icapa coajica matsiaca Dio inaitjaca Iraelnai irso!'' ²⁴ Picapa, njaji inaiki aimadan njenicocawa yawi kerroaperri shó naoma cádanaco nainjao. Corrin lrimacaca lriwini, lripinetana a kjerreca nainoni njite nairra tsakja nawini írrana.'' ²⁵ Njiye Balaciaco Balaam irso: ''Macaitetsa nanaco yacoti matsiaperri corrin tsakja yacoti matsiperri.'' ²⁶ Mitsa Balaam iaco Balac irso: ''Nocaitenina pirso, icamicatsa notaita nocaiteca njatsa njaji Dio inalritsa nocaiteca.'' ²⁷ Niini Balac iaco Balaam irso: ''Pino nodee pjia pafe ricojlenakja. Wadetsa matsiaca Dio icapaca pjia njite picaité-carro maatsi nanaco noikjaote. ²⁸ Ikena lrideeca Balaam Jiipana Peor ipolrico nacojle, pacapa cawa matsia njiteo jalrapocolri nacojle. ²⁹ Balamam iaco Balac irso: ''Pinaitja norso sietena altar anji njite pimatsieta sietena toro njite siete cordero.'' ³⁰ Ikena Balac inaitja cayoji Balaam inaa capisho lrinaitjaca. Njite nacadaa apana toro njite apana cordero nanaco njaji altar nacoanaa.