¹ Ikena Joná itatjaca lri-Minalri Dio iinai, copje iwawalrikjoite. ² Lriaco cayoji: ''Nowana Dio ikjaolre iinona-cádanaco njoa njite Jlimica norso; ¡Irrirri lrikjoite nowana yomjecalri naco! Pjimitsa norso njite ³ Pipeeco piaca njoa tewacacawa lrico, ooni macapawani ipamoyoaca lricojle, njite ooni itarracacaa iyofietaca njoa; pjiomi ooni itjewacacaa njite njaji oniñokja jiyapaca noicao. ⁴ Njite noaco: ''Teeco pipeecoca njoa; mitsa caicaya tsa nopieta tsenakja nocapaca piofacawa lrico matsiadalri.'' ⁵ Ooni itaca padenirri njoa ima tjeewaca-cawajleca njoa. Njaji malritsi ooni ricope tjewaca nañampaca njowida. ⁶ Noocawa neemacawa nakjoite njaji jiipana; yoomje jiipai iitaca njoa pikeetem nirse. ¡Mitsa Pjia, oopi piyomjeta njoa mayamicawa njoa teewaca cawa lricojle, no-Minalri Dio! ⁷ Noa cádanacoa daimi njoa, nowana no-Minalri nowaopiakje rikjoite; njite jliaji notatjalri lriocawa Pikjaolre, pifacawa lrico matsiadalri. ⁸ Njaji inaiki icadaacape icaolre nanacotsa njaji dionai mikjapamperritsa, namenataca pjia, matsia cadanatsa Pjia naapiya. ⁹ Mitsa njoa, noino watsa pirso maaficalri nocaite-caaya yacoti pimatsiaca ikjaote; nonaitjaotsa njaji nocaiteri nonaitjacaotsa Pirso. ¡Jliaji Yomjekjeti lrinoca WAMINALRI nakjoite! ¹⁰ Njité-dalri caacoca wa-Minalri copje irso niini lriaca lricatja Joná metádalri nacojle.