¹ Papia nacojle, Dio icadaa yacoti Joná irso, jliaji Itamai irri, lricaitecawa lrirso cayoji: ² ''Warsa piawa lrikjaolre jliaji yacaalre caaconadalri Nínive, Njite picaiteotsa narso lrinaco jliaji maatsirri inolri naikjaolre, ima corrica yaami nanaitjaca namatsicanaa Nokjoete.'' ³ Mitsa, icaamitsa Joná jinocoa lripitó-carrotsa Dio ioya niini lriacawa Tarsis lrircojle. Lriorrocoa inipjioda Jope lrico njite lrioketa apafia lancha iacadawa Tarsis lricojle. Lricaoña lriapowa lancha iminalri irso lria carroenawa Tarsis lricojle, lriwaadatsa lriacaotsa teecoa wa-Minalri ioya. ⁴ Mitsa wa-Minalri imeenaca caolri kjaidadalri manoá nacojle njite cafaináa caolri inaitjaca. Wadeepe pacapa caolri jitaca toco-toco jliaji lancha. ⁵ Aima nafiocawa njaji yaacapewa manoá nacó lancha lrico, niini nacoanaa natatjaca kjaidape nainai njaji nadiote. Napeeco lancha iitada yanamí-carro pja naapiya. Mitsa Joná iorrocowa tjewajle lancha iwawalrico, icatsa lriaca lriorsoa lrimaa nirse njite corrin coca lriajíi. ⁶ Niini jliaji capitama lancha irso iawa lriderse, njite lriaco Joná irso, ''¿Coada pimaodacatsa piorsoa pimaa?'' ¡Warsa pjinico pitatja pi-Diote iinai! Wade tsantja kjenaaca lricapaca warso jliaji pi-Diote niniotsa corriotsa lricadaa mayamica faa.'' ⁷ Njite pjiomi yaacapewa lancha lrico naaco natrsowaaca: ''Warsa wapeco wanacowaaca jliaji panjishopa, niniotsa wataita wanjica kjaiterrica jliaji camatsicanaalri wanakjoite imalri caica faa.'' Ikena nanapeeco nanjishopa nanacowaaca, njite jliwacawa Joná nacó. ⁸ Njite naaco Joná irso, ''Pinaitja matsiacalri, picaite femi kjaiterrica jliaji inaitjalri warso jliaji maatsirri. ¿Cocao pidejicalre, njite kjaité pinoji? ¿Coandalrio pjitaite, njite cocao pinaikika?'' ⁹ Niini Joná iaco narso: ''Hebreo-ca njoa; ifiocadaca Dio iiwana njoa, jliaji Dio eenolricojledalri, jliaji inaitjacadam manoá njite jiipai meetadalri.'' ¹⁰ Niini nafio pjaacawa njaji atsianai njite naaco Joná irso: ''¿Coadao pinaitja cayó?'' Njaji inaiki yajíi Joná ipitocawa Dio Dio ipjeya, ima jliatsa icaite njemi. ¹¹ Njite naaco Joná irso: ''¿Coan wanaitjaca piapiya yaamí-carro waoya jliaji maná?'' Ima cafainaaca narso jliaji manoá. ¹² Niini Joná iaco narso: ''Jipa ipeeco njoa ooni ricojle niniotsa yaamica ooni ifaina ioya, ima noikjaoteca kjaida jliaji caolri ikjoete.'' ¹³ Mitsa, njaji idejicape lancha lrico kjaida tja nadenaaca naocá carroa metadalri ricojle, mitsa corrin nataitenatsa ima kjadacayao pjaca nakjoete jliaji onoñokja. ¹⁴ Njite nawana Dio ikjaolre, naaco: ''Watatjca piinai Pjia Dio caiwi-rictsa wade Picadaca mayamica faa, macadaa tsakja camatsicanaaca faa mayami capo jliaji atsia, ima Pjia wa-Minalri, Pinaitjaca cayoji pioma capisho.'' ¹⁵ Ikena njepaca Joná, napeconi ooni icojleni njite mananiketsa jliaji ooni. ¹⁶ Njaji atsianai lancha lricope aima nafiocawa Dio iiwana. Namjaita maaficalri Dio irso njite nanaitja tsakja yaacoti Dio iinai. ¹⁷ Njite Dio imeenaca apana copje macáne lriñjá-carro Joná, njite Joná iofawa madalridaa jaalrewerrico njite madalridaa deepi tsakja cope iwawalrico.