Capítulo 23 - Njatsa njaji itaitacape iaca matsiadalri Dio irso
1
Njaji atsianai capatsiperri iefe o nayoaji ioya naatsiaca, corrin nataita njetacana Dio inaikité carroni.
2
Njaji yempetipe mapatsica clrrkin nataita nainai njaji iwaketaacacapewa Dio irso, papienirriotsa die coma shapodan njaji mapatsica inakjoiteperri nataita njewacawa Dio inaikite carroenana.
3
Pada amonita o moabita cadaa corrin lritaita Dio ienipecani, papienirriotsa die coma shapodan njaji mapatsica inakjoiteperri nataita njewacawa Dio inaikite carroenana.
4
Corri capoa nacoadataca sha ooni sho, injaodati sho naacadanaco inipolrico imoto caojli pia Egipto lrikjoite, nacaoña capoa Balaam, Beor irri lrinoparrotá-carro maatsi ikjoete Aram-naharaim lricó.
5
Mitsa jliaji pi-Minalri Dio corrin jlimi Balaam irso; icaamitsa pi-Minalri Dio ipadametaca jliaji matsidalri lricaiterri matsiadalri sho pirso, ima lripeyoca pjia Jliaji pi-Minalri Dio.
6
Maoma tsaotsa matsiacarrona o namaodacá-carrotsa cafi cadanaco sha.
7
Corrin pitaita maatsica picapaca pada edomita irso, ima pikitsinda-cani, manatsicatsa picapaca egipocionai irsio, ima piofa piacawa inocaperri sho jlipaite ricó.
8
Nanakjoite njaji iofacapena ipecolrico, madalricoma nakjoite njaji njaji dakenai nataitena njewaca iinai Dio inaikitécarrona tsakja.
9
Njite ia cádanacoa pafe ricojle inoacá-carro icoema ikjoete, irsotsa iwapacacawa pjiomi matsidalri ioya.
10
Niini cada ape ipecolrico maatsídalritoa kjewi capoani deepi ricó, icamitsaotsa lrirsotsa lrimotocatoa naofacawa lrikjoite toa njaji tsolrodaonai, njite corri toatsa lritaitá carroca lridia catoa naikjaolre .
11
Dainomajlena, ikena lripitaca matsia lrioyawa, njite lritaitena jliewa tsenakjawa naofacawa lricojle.
12
Irso tsakjaotsa irsoca pada nácarroda lricojle cayo cádanacotoana, naa cádanaco naofacawa ioya toa;
13
njite pirsotsa pirsoca pjicashopa jiipai, ima pirsotsa pjicaca jiipai pipeecó-carro pimatsicanda pjicanda lrico njitepoitaita cayami, pidia tsenakja piitani.
14
Ima jliaji pi-Minalri Dio lriemajicawa iofacawa ipecolrico Lricadacarro irso jidawa shamacarro njite Lricadacarro irso icapi rico icoema. Niní corriotsa pacapá carroca pada matsidalri iofacawa lrico, lrirsotsa matsiaca pjiomi wadentja Lricapaca pada matsidalri ipecolrico njitenantja jlienaca ioya.
15
Corrin pitaita pidietaca pada irsolri ipitocadawa lrisodalri ioya.
16
Icadena lriofacawa inai iyacalre ricó. Mjerrapitetatsani idejikjeti kjaidaperri sho.
17
Corriotsa pacapá carroca pada atsia o apama inarro cawilreperrimi naikjaote njaji dionai miperritsa Irael lrico.
18
Corrin itaita ideeca Dio iipana lricojle nacaoña shopa natatjanda Diio iinai nawilre icoada njaji inaitjepe, o nacoadawa njaji atsianai tsino icayoshoperri, ima matsiperricfa Dio icapaca narso njaji cayoperri.
19
Matatjatsa picoadao pja pikitsinda Irael iinai lrinakjoite jliaji jlitalri piinai palrata, iñjaodati cadaa, o coca nacocatsa lriomacawa pacaoña pjaaca lrinacojle.
20
Narso dekja itaita inaitjaca cayo njaji apanatsa inaiki ioya; corrin dekja lrirso jliaji pikinda Irael tsa, Lritaitá carroatsa lrinaitjaca matsia pirso Jliaji pi-Minalri Dio nasho njaji lricadalri picaapi ricó, lri-ricoda jliaji jiipai iofalriotsa niini.
21
Picaite cadaotsa pi-Minalri Dio irso pada pinaitjaoda Lrirso, pirsotsa pinaitjacani kjeya, ima
Jliaji pi-Minalri Dio lritatjacaotsa pinaini, ima pecadoca pirsoni corri cadaa pinaitja cayoji picaite capisho.
22
Mitsa corri cadatsa coca picaite pinaitjá-carro, corriotsa pacapá carroca matsidalri iofacawa lrico.
23
Pirsotsa piwapaca matsia njaji yacoti picaiterri pinoma sho, pirsotsa pinaitjacani; pjiomi njaji picaiterri pinaitjaca pi-Minalri Dio naco, njaji picaiterri pinaitsaca picaolre rikjoite pinoma sho pinaitja caotsa.
24
Pia cádanacoatsa pikitsinda ikinikerre lricojle,
pitaita piñjaca njaji lripania inaca lri-ricoperri cosho catsa pioma, mitsa mjetatsa nanakjoite pitsetó lrico pidecarro pipana lricojle.
25
Pimoto cádanaco pikitsinda icanapji ricojle pitaita piñjaca cadalriapa catsa pioma, mitsa matsopatsa pidecarro nanakjoite piipana lricojle.