Capítulo 22 - Aima yácoti kjaidaperri inacoapana
1
Corrin pitaita picapa caacatsa pikitsinda íbueyni o lriovejani cadaa naa cádanaco papecolrico inipo njite corrin picaite naminalri itrso; matsia pja pirsotsa pidietacana.
2
Teeco cadaa jliaji pikitsinda iraelita o corrica pianjialricani, pirso peda piodeeca njaji maaficalri piipana lricojle a kjerreca naminalri yanjiotsa iomana, njite pidietaca naminalri irso.
3
Cayo tsakjaotsa pirsotsa pinaitjaca manalre cádanaco lri-borron, lripatjepi, o coanji dalricatsa manalre pikitsinda iyarro njite pjia cadaa ioketani, corrin pitaita piodawacani pirsowaoni.
4
Picapa cádanaco pikitsinda iraelita iborroni o lri bueyni jiwacadawa jiipai nacojle, corrin pitaita picapa catsani, icamitsa pirsotsa pikitsindatacani jlinico carroa tsenakja.
5
Apama inarro corrin rotaita rsoetacacawa atsia itsayampe sho, corrin tsakja ape atsia itaita
shetacacawa ínarro itsayampe sho; ima coca cadaa inaitja cayo maatídalricani pi-Minalri Dio ipeyajle.
6
Niini cada papoco wipjiarro yarropoco piapowa lrico jaico naco o jiipai lrico, njite irsocada roenipena o roefe toa, njite njadoa iorshoawa roarropoco lrico corrin piotaita pidecano roenipeda lrico piipana lricojle.
7
Pimaca catsaotsa rsoaji njadoa, nja dekja pitaita pideeca njaji roenipe. Pinaitjaotsa njaji yácoti nonalri pinaitjaca matsia carroatsa pjia njite wia carroatsa piofacawa jalredaoca lrico.
8
Pinaitja cádanaco piipanao walridalri nakja, pinaitjaotsa piipana idanawa yenondalri naco wadee pada jiwacawa njiteo njite mayami pikjaolrenawa njite naikjaolrenata pjia lrikjaote.
9
Corrin pitaita piapanaca pikinikerre kefietsa lripaniana, wade corrica sacerdote jipaca pioyana pjiomi Dio ípana lrico corri capoa matsiana, njaji paniati ishi piapanaji pikinikerre lrico, aimadalri.
10
Corrin pitaita pipapica jliaji buey apana borro ínaitsa pimoyetá-carro jiipai nasho.
11
Corrin pitaita pjietaca tsaya pinacoa nanaitjanda pjirrintsida sho njite nanaitjanda yerriwaikja sho.
12
Pinaitjaotsa jolrojolro-dalri pi-tsayanalre itonjiwi naco coatroema, jliaji pjietanda pinacoa.
13
Niini cadantja ape atsia jitacada apama inarro lrinowa, njite lrima cayami roapiya matsinakja
lricapano,
14
njite lridia lricaite ronaco yácoti capaimanaperri njite lricaite maatsi roacona naco mikjapantsa, lricaite capoantja ronaco cayoji: ''Njota pia catja rsoaji inarro, mitsa noma cádanacoena roapioya, nooca noanji jiyapacada kenano ape atsia iapiya.''
15
Njite rsonirri njite rsodoa rsoaji yempeti toa, narsotsa nadeeca nadeeca pada nacaite shopa mjeyapa cadarro catoa sroaji neenipe caconaperri ikjaolre nayacalre ipananoma lricojle.
16
Rsonirri rsoaji yempeti lricaiteotsa cayoji narso njaji caconaperri: ''Noa noenipe mjeyapa cadarro toa ape atsia yapiya lrinowa jliaji atsia, mitsa matsinakja lricapaca rorso.
17
Njite panaya, matsi nakja lricaiteca ronaco, yácoti capaimanaperri, lriaco cayoji: ''Corritsa itacadarroca rsoaji pienipe.'' mitsa nodeeca irso corrica cayocaniji lricaite capisho ronaco, ima alrica nodeca irso jliaji rotsayani riñjetanda roirrana sho jliada pia lrimaaca roapiya.
18
Njaji caconaperri lri-ricodaperri yacalreca narsotsa nadeecani njerrapitetacarro jliaji atsia;
19
njite narsotsa nacadata lricaoñá-carro cien moneda sho palrata njite lriacani lrirso jliaji ínarro jinirri, lrima capoa maatsica roacona rsoaji inarro itacadarroto Irael lricoda. Lrirsotsa jlitaca lrinoano; corrin lritaita lrimenacacano tecoa cafi cádanacotoano.
20
Mitsa corri cada ajádalrica naoketaca roiñjetanda inaco roirranapem rsoaji itacadarrotoa,
21
niini narsotsa nadeeca rsoaji inarro rsonirri iyacalre rico, njite njaji atsianai lriyacalre ricope narsotsa nainocano jiipada sho a kjerreca mayamino, ima ronaitjaca capaimanadalri Irael irso, cawilredarroca rsonirri ipana lrico; njite icatsa jitaca ioyao jliaji imatsicanati.
22
Naoketa cada ape atsia imaacada pama inarro cainirretsa, niini njaji yamadade narsotsa mayamicana, jliaji atsia njitenrsoaji inarro cainirridarro. Icatsa cayoji jita ioyawa jliaji imatsicanati.
23
Niini cadaa apama inarro itacadarro toa mitsa pada atsia itatjandenano, njite ape atsia icapano royacalre ricoda njite lridakitaca roapiya,
24
ideotsa yamadape yacaalre ipananoma lricojle inócarrona nirse jiipada sho. Inoatsa rsoaji inarro ima corrica rowana cayo cádanaco lrinaitjaca maatsi rorso jliaji atsia, yacaalre ricó cadanano. inoatsa jliaji atsia ima jlipaca jidati rico lrikitsinda inoape, icatsa cayoji jita ioyawa jliaji imatsicanati.
25
Mitsa lrioketa cadaa lricodapidalri inoape pemajle yacaalre ioya, njite jlipaacawa roapiya, niini jliatsaotsa mayami jliaji atsia.
26
Mitsa corrin itaita inoca rsoaji inarro; ima corrica pacapa imatsicanati ronaco mayamirrintja ikjaoteno. Ima cayo cádanaco cayocaniji ape atsia iinoca pada lricodapidalri lria capoa lrinoaca lriapiya mikjapantsa.
27
Ima lricapaca rsoaji inarro pemajle yacalre ioya, njite rowana tja rsoaji inarro mitsa corrin coca ia ikitsindatano corri capoa coca pacapa niini jliada nacó.
28
Ape atsia ioketa cadaa apama inarro itacada toa, mitsa corri-darrotoa coca iweñino, njite jlipaacawa roapiya njite nacapana cayo cádanacona,
29
niini jliaji atsia lrirsotsa lriaca cicuenta moneda palrata rsonirri irso, njite lrirsotsa jlitaca lrinoano, ima lripaimanietacano. Corrin lritaita lrimeenaca cano teeco lrioyawano.
30
Corrin pitaita pjitaca pjinirri inomi pino carroenakjano; ima corrin pitaita piyamitaca pjinirri cawa roinirri.