Capítulo 17 - Maatsi Dio icapaca idolonai irso
1
Mainotsaotsa pi-Minalri Dio irso maficalri, apana buey cadaa, oveja cadaa irsocada lrimatsica lridada nacó, ima matsiperrica pi-Minalri Dio irso njaji cayoperri.
2
Naoketa cadaa ape atsia o apama ínarro iyacalre ricó pi-Minalri Dio cadaji pirso inaitjacada maatsiperritsa njite lrimacoadataca jliaji yácoti pi-MinalrimDio iaco,
3
njite nanaitja njaji matsiperritsa Dio ifarroji pinaitjaca, naacantja matsiadalri apana dionai irso, jérri irso, kérri irso o jiwirsida imaimaca irso cadaa,
4
Njite jimi cádanaco nanaco, pirsotsa piwapa pjimi matsia ajádalri cadaa. Njite ioca cadaa yanjí ajádalrica nanaitjaca jliaji imatsicanati Irael lrico;
5
ikena pirsotsa pideeca jliaji atsia o ínarro cadaa inaitjacada jliaji mátsirrirri piyacalre ricó, icamitsa pirsotsa pinoca mayami jliaji atsia o rsoaji ínarro cada jiipada sho.
6
Niini cada yamada o madalrida icapacapen njite nacaite jliaji nacapalri, jliaji o njaji inaitjacape maatsi narsotsa mayamicana; mitsa pada cadatsa jliaji icaiterri coajica, corrin itaita ínocana.
7
Njaji icapacaperri nanaitjaca namatsicana, icatsa njaji ínitalrica ínocana jiipada sho, njitena njaji aimadan nataitena nainocani jiipada sho; icatsa cayoji ipiyoca ioyawa njaji imatsicanaati.
8
Niini cadaa pada imatsivcanati jirrapitinádalri pimatsietacani, pada íno capisho inaiki, o
nainoacacawa, o nayoacacawa nainoacakje, o coajidalri pjaca imatsicanati jiyapalriwa picalre rico, pirsotsa piacawa lri-ricoda jliaji pi-Minalri Dio iniwananda lrirsowawa. Lriipana lricojle.
9
Piawatsa sacerdotenai ikjaolre, njaji Levita inakjoité-perrimi njite lrikjaolre jliaji icaitecaita iacona idejirri jliwajli; pjimiotsa coajica nacaiteca pjimi njite njá watsa yanjí coajica nanaitjaca lriapiya jliaji imatsicanati.
10
Pirsotsa pinaitjaca cayoji lricaite capisho jliaji yácoti kjaidadalri nacadanda pirso, lri-ricoda jliaji pi-Minalri Dio iniwananda lrirsowawa. Lriipana lricojle. Cayekjaotsa pinaitjaca njaji nanalri pinaitjaca.
11
Pinaitja cayoji nacanta capisho pjia yácoti kjaidadalri naco njite pinaitja njatsa njaji nacaite capoisho poinaitjaca. Manaitjatsa teecojle lrioya jliaji nacaiterri poirso, wadee pjienacawa atsialriemajle o inarroemajle.
12
Padalre cada pada corrica capoa jlimica lrirso jliaji sacerdote jliaji yemalri pi-Minalri Dio ipeyajle,
corrin tsakja jlimica lrirso jliaji icaite cada naacona, jliajimatsia caidalri lrirsotsa mayamicani. Pipecoatsa téco Israel imatsicana.
13
Pjiomi njajiinaiki aimadan narsotsa njemica coajica lrinaco, nafiócarro wade padalreca minitsana, narsotsa nacadacawa kjenaperri catsana njemí-carro njite nanaitjá-carro njaji yácoti kjaidaperri.
14
Pioca cadanacoenaotsa lri-ricoda jliaji jiipai pi-Minalri Dio icadalri pirso, piyada cádanacoenaotsa jliaji jiipai njite piofa kenaotsa lri-ricoda, njite picaite cayoji: ''Nocadacaotsa pada notalricanawa jliacarro yanjí nonaco, cayo carro njoaji nacyosho njaji inaiki apacoa lricope jiipai irsocape natalricana,''
15
niini pirsotsa picadaca pitalricanawa apada piMinalri Dio iniwananda jliá-carro pitalricana. Pada talricanati nanakjoité-dalritsa njaji pikitsiñapetsa. Corrin pitaita picadaca pitalricanawa apadatairritsa inaiki pioya jliá carrontja italricanata pinaco.
16
Mitsa jliaji talricanaati corrin lritaita lrimaimataca njaji lricaballoni, o lrimenacaca inaiki nácarro pja naoma caballo lrirso aimacarrona, ima cayo Lricaiteca Jliaji pi-Minalri: ''Corrinatsa coancaojlica pipieta pidiacawa lricokja inipo tsenakja.''
17
Corrin tsakja lritaita lrimaimataca lrininaiwa lrirsowawa, wadee yamica lripeyoca Dio lricaolre rikjoite; corrin tsakja lritaita lrimaimataca aicalretsa lrirsowawa owirro o palrata cadaa.
18
Njite lriofá cádanacoenaotsa lriofa carroda nacó lritalricanatá carroena jlipaite naco, lrirsotsa lridanaca lrirsowawa pada paperra macadalri lrinakjoité-dalri jliaji paperra yácoti kjaidadalri inakjoité-dalri, nawapanda njaji sacerdote levitanai.
19
Lrirsotsa lricadaca lricodapi jliaji paperra macadalri njite lrirsotsa lrileecani jalredaoca icoam caafi cádanacotoani, lriají-carro nanaco njite lritaitá-carro lrinaitjaca matsia piMinalri Dio irso, njite lrinaitjá-carro cayoji nacaite capisho njaji yácoti kjaidaperri, caaficarrotsa njaji yácoti kjaidaperri
inacoapanaperri.
20
Lrirsotsa lrinaitjaca cayo wadee padalrecani natrso njaji lrikitsiñape njite lriwadantja matsia pjaca naoya. Corrin lritaita jlienacawa naoya njaji Dio inashonana atsialriemajle o inarroemajle; lritaitá carroatsa lritalricanataca aima walria lritalricanatacawa naco, jlia, njaji lrienipe napecolrico njaji Iraelnai.