¹ Jliaji Isboset, Saul irri, lrimicadanaco opica mayamica Abner, Hebron lrico, njite mjaidacani, nitse njetaa nacaolreo pjiomi njaji Israelistanai. ² Misha, lriaji Saul irri lrirsoca yamada caconaape aashianai napiyeterri njaji lrisholrodaonai. Lripitana lriaji apadaa Baana pia nitse lriaji apadaa Recab, Rimon ienipe adalriji beerotita lrico icasha njaji Benjamin pococa ( ima Beerot icasha papococa lrinaperri lriaji Benjamin, ³ nitse njaji beerotitasnai ipitocapeo ajii Gitaim lrico nitse icasha naofacaawa panashetse nini). ⁴ Jonatan, Saul irri, lrirsopia apadaa lrienipe memacadalin. lrirsocadanaco cinco malria camoy nitse njemicadanaco nanaco njaji Saul nitse jonatan naocacadanaco Jezreel lricoitse, rjoaji iwapacadan rjotani ropitocaroa lriapia, nitse rjoecocadanaco lriapiya lriaji iempetsi Jonatan irri lriwacao nitse memacacacan. lripitanapia Mefiboset. ⁵ Caipia njaji lrienipe lriaji Rimon beerotitas njitsedalri, Recab nitse Baana, nacao Isboset ipanalricolree mayacacandanaco Jerri, lriwafetawerrico dainomalree. ⁶ Nitse rjoaji inarro iwapacada lripananoma romaca rotsacayami trigo icao, nini Recat nitse Baana njewacao mjemitsa njeyapacarrono. ⁷ Nini njewacadanaco lripanarico, njepani nitse nainocani lriorsoacadanaco ajii lrimacawa. Nitse, nayoaca lriwidaa nitse nadecani, nini nacao inipolrico depirrico nacao Araba icaolree. ⁸ Nadeca Isboset jiwidan David iiderse ajii Hebronlrico, nitse naco lrirso lriaji tsalricanatsi: ''Picapaa, icasha lriaji Isboset jiwidacan lriaji Saul irri, pjiponda, icapiasha iomalrica inocapiaa. Misha panaya lriaji WAMINALRI lrioma lricoadao lriaji watsalricana lricoema lriaji Saul nitse pjiomi njaji lriapotsetseperri.'' ⁹ Nitse David jiepaca lriaji Recab nitse lriashaca lriaji Baana lriwerri, Rimon ienipe lriaji beerotitas nitsedalri; lriaco narso: ''Cafidalricasha lriaji WAMINALRI jlienita noya nacoansha lriaji mashirri, ¹⁰ imaa apadacada icaite norso, 'Picapaa, oopina mayamica Saul,' nowaopiantja lrideca mashiadalri iacotsi, nitse njopanii noinocarron ajii Siclaglrico. Icasha lricoadaca noanda lrirso lricaotse lriaji iacotsi. ¹¹ Caishopa jia mashiperrisha aashianai itsaitacape inoca apadaa inaiki mamashicanadalrisha ajii lripanalrico lrimacawa, ¿ iwadantja corricarro notsaita nomaca lricoadado lriaaca iinolri, nitse nowayaketa jia lrioya lriaji jalredaoca? ¨ ¹² Nitse David imenaca njaji lriyenpetsitee, nitse nayoaca nacapi nitse njaipashaca nainocarrona nitse nerroetaca nerroa ajii ooni iarroda nini ajii Hebronlrico. Misha lriaji lriwidan lriaji Isboset nadecani nadawarronji ajii nadawalri nini Abner ajii Hebronlrico.