¹ Njite jliaji wa-Minali ioma cadanaco jlirretaca Elías caolri itsipoco cada lrico kjaida eeno lricojle, Elías idia cadanaco Gilgal rikjoite Eliseo iapiya. ² Niini Elías iaco Elíseo irso: "Pinaita matsiacalri, atsa piofawaji, ima liaji wa-Minali imeenacaca njoa Betel ricojle." Mitsa Eliseo shepani, lriaco lrirso: ''Cayoji ajádalri capisho caafica jliaji wa-Minalri, njite cayoji caafi capisho pjia, corritsa nofaa-carroca pioya anji.'' Niini naacawa yamadape Betel lricojle. ³ Njite njaji inoparrotacape ienipe iofacape Betel rico nanoca Eliseo iderse njite nacaite lirso: "¿Capja pianjintsa panayacaotsa wa-Minalri idecaotsa pioya jliaji pi-minalri?" Njite Eliseo jiepacana: "Ajaca, noanjintsa, mitsa macaitepetsa jliara." ⁴ 4Njite Elias icaite lirso: "Eliseo, pinaitja matsiacalri atsa piwapa njoaji, ima wa-Minalri imenacaca njoa Jericó lricojle.'' Mitsa Eliseo shepani, lriaco lrirso: "Cainji cafi capisho jliaji wa-Minalri njite cafi capisho pjia, corri nomacaca pjia." icamitsa naacao yamadape Jericó lricojle. ⁵ Njite njaji inoparrotacape ienipe iacape Jericó lricojle nano Eliseo iderse njite nacaite lrirso: "¿Capja pianjintsa panayacaotsa wa-Minalri idecaotsa pioya jliaji pi-minalri? Njite Eliseo shepacana: "Ajaca, noanjintsa, mitsa macaitepetsa jliara." ⁶ Njite Elías icaite lirso: "Pinaitja matsiacalri piofawa atsanji, ima jliaji wa-Minalri imenaca njoa Jordan lricojle." Njite Eliseo shepacani: "Cayoji cafi capisho jliaji wa-Minalri, cafica capisho tsakja pjia, curiotsa nomacaca pjia." Icamitsa naacawa yamadapeo. ⁷ Njite wiá shoena nano naikjaolre njaji inoparotacape ienipe cincuentade, njite néemaca napjeyale téecotsa; neema cadaana toa Ooni Jordán inomapi naco njaji yameede. ⁸ Ikena Elía jlipa lritsayanare,, njite lritsipocoitani liñaa-carro jliaji ooni lisho. Niini jlimjecoacawa jliaji ooni yaméemape, ninina nayoetacawa ooni pemajle metadalri ricotsa. ⁹ Njite nayoeta cayami pemajle, Elías iaco Eliseo irso: "Pitatjena noinai coca catsa pioma nonaitjaca pirso lripjeyatoa nadéeca njoa pioya." Njite Eliseo shépani: "Pinaitja matsiacalri, picadáa nonaco yamapiape jliaji caolriti pirsolri." ¹⁰ Njite Elías shepani: "Jirrapitinádalri jliaji pitatjalri noinai. Mitsa, picapa cadaotsa nadee cádanaco njoa pioya, cayoatsa jliyapaca pioma capisho, corri cadaa, corriotsa caicarrocan." ¹¹ Náa cádanacotoa cáacopekjena, pafiá njeco carrona tiyeefia njite apana caballo kerrane tiyee rico imoto naikjaolre, niini njenitaca naoyawacana, niini Elía jirracawa eenolricojle caolri rico itsipococada kjaida. ¹² Eliseo icapa cadanaco jliemata kjema: "¡Pjia njóniri, pjia njóniri, njaji carro Israel iyarope njite njaji pinaikite caballo nacope!" Njite dalri corritsa licapáca Elías lripieta; njite Eliseo jipa itsafaa lritsayan lrinaconda yamemape. ¹³ Njite jlipa jliaji Elías itsayanalre jiwacadam lrioya, njitenatsa lridia lriema Ooni Jordan inomapirse. ¹⁴ Eliseo iñaa ooni iecoa naco Elías itsayanalre sho jiwacadam lrioya, njite lriaco: ''¿Kjerreo jliaji wa-Minalri, Elía iDiote?'' Niini lriino cádanao ooni iecoa naco, ikeena lrimjecoacawa jliaji ooni njite Eliseo iyoatacawa pemajle rse. ¹⁵ Niini neenipe njaji onoparrotacaperri iofaacape Jericó lrico, nacapa cádanacon ooni pemajle kenacjani, naaco: ¡''Elía icaolrimi iofaacawa Eliseo naco!'' Njite nano nanoca lriderse, niini nacoanja lricjaolre jiipai naco. ¹⁶ Naaco lrirso: ''Picapa njaji cincoenta atsianai cjaidaperri nainaiperri njaji pirsoperri. Picaitena naa-carro naoma jliaji piminalri, wadecatsantja wa Minalri icaolrimi jipa idee ipeecon awacada nacojle, o pacoacaita nacojle jiipai awacada ioyawaaca.'' Mitsa Eliseo aco narso: ''Corrina, nacadatsa nawa.'' ¹⁷ Mitsa corri yamina lrioya, niini capaiman capoatsa Eliseo icao, lriaco narso: ''Imeenaca peda naawa.'' Niini nameenaca cincoenta atsianai, naji naoma madalridaa jalredaoca, mitsa corri naoketa Elía. ¹⁸ Niini nadiaca Eliseo icjaolre Jericó lricojle, njite lriaco narso: ''Nocaitjen jia, wadee iaca ioman.'' ¹⁹ Njaji atsianai Jerico lricope naaco Eliseo irso: ''Picapakje, wacaite pirso coanca, ima caitsa picapa capisho pjia icanantacaita faa, pada yacaalre matsiadalri, icaamitsa maatsirrica jliaji ooni, njite jliaji jiipai corrín matsiaca paapanaca niini.'' ²⁰ Njite Eliseo iaco narso: ''Idee norso paapi palangana walriapitoa njite icadaa iokirra lri ricoda,'' njite nadee lrison. ²¹ 1Eliseo imoto pemajle lricjaolre jliaji ooni imotocawao jiipai lricjoite njite lripeeco iokirra lri ricó, njite lriaco: ''Cayo wa Minalri icaiteca: No matsietjenina jliaji ooni. Panaya nacjoite, corrinatsa mayamí carroca jia maatsi capoa jliaji ooni, njite itaitjeninaotsa iapanaca lrinaco jliaji jiipai. ²² Cayotsa matsiaca naonite jliadaa jalredaoca, Eliseo iacoam sho. ²³ jité dalri Eliseo iawa Betel ricojle. Njite lriacayao inipolrico, pana iempetipe toa namoto yacaalre ricjoite njite necaaca lriicao, naaco lrirso: ''¡Warsa piawa capolree!'' ''¡Warsa piawa capolree!'' ²⁴ Eliseo icaboco icapa naicjaolre, njite lricaite maatsi naaco Dio naco. Njite yamana tjarro imoto naicjaolre awacada lricjoite niini nawititaca njaji coarenta do iempetipe toa. ²⁵ Njité dalri Eliseo iawa Awacada Carmelo nacojle, njité dalri lridia tsenacja Samaria lricojle.