¹ Njite njaji Moabitanai neema nakjoete njaji Israelitanai mayamicayami Acab. ² Njite, Ocozias Israel italricana jliwaca pokjomwa liema-carroda licapa yenondali nakjoite lriipana lrico Samaria lricoda. Caishopa lrimeenaca njaji ideekape yaacoti licaite carro narso cayoji: "Warsa yawa, itatjacarro jimio Baal Zebub, Ecron idiote, matsia catsaotsa njoa lrioya jliaji pokjom cawa njoa. ³ Mitsa jlianji Angel WAMINALI isrodali lricaite Elias Tisbita irso: "Pjinico piawa pioketaacacarro naapiya njaji Samaria italicana irsoperi, njite pitatjaotsana: ¿Capja corrica pacapa Dio anji Israel-lrico, yaacaromtja itatja lrinai jliaji Baal Zebub, Ecron idiote? ⁴ Caishopa WAMINALI icaite: Corritsa pjinicocarroa pimaa caroda ioya; icaamitsa mayamicaotsa pjia'' Njite icamitsa Elía idiaca naoya.'' ⁵ Njite nadiaca tsakja njaji ideecape yaacoti Ocozias iderse, niini lriaco narso: "¿Coada idiawa?" ⁶ Njite nacaite lirso: Pada atsia ino waderse niini lriaco warso: ''Warsa idiawa liderse jliaji italicana imenacalri shaá, icaite liro cayoji: ''Cayo lricaiteca jliajiwa-Minali ¿Capja curica pacapa Dio Israel-lrico niini pimeenaca njaji atsianai natatja-carro njemio lrinai jliaji Baal Zebub, Ecron idiote? Caishopa, corriotsa pjinicó carroca piorsoa-carroita ioya, icamitsaotsa, mayamicaotsa pjia." ⁷ Njite Ocozias icaite narso njaji ideecape yaacoti: ''¿Cuamedalrio jliaji atsia ioketalri jia, jliaji icaiterri irso njaji iacoti?'' ⁸ Njite nacaite lirso: Jliaji atsia jlietaacacao lritsayan nawanda maficalri iiyo sho, njite licadaa liwalre naco apakja maficalri liyam. ''Njite talicanaati iaco narso: ''Jliatsa Elias Tisbita dalri.'' ⁹ Njite jliaji talricanaati lrimeenaca ape caconaite cincuenta dalri irsoca tsolodao Elías iderse. Jliaji caconaite jlirracao Elías iderse ima lriofacawa jiipanada ipolrico naco. Njite caconaite iaco lrirso: ''Pjia, atsia Dio njitedalri, lricaite jliaji talicanaati: "Piorroco noikjaolre." ¹⁰ Njite Elías jliepani, lriaco lrirso: "Dio njite dalri cadaa njoa, tiyee jiwacaotsa eeno lrikjoite liwayakeeta-carro pjia njite pjiomi njaji cincuentade atsianai pinaiperi.'' Jliadanacotsa tiye jiwacawa eeno lrikjoite njite liwayaketani napiya njaji linaiperi cincuentade atsianai. ¹¹ Njite jliaji talricanaati Ocozias lrimeenaca tsenakja Elías iderse pana tsenakja caconaite cincuenta dalri irsoca tsolodaonai. Jliaji caconaite lricaite tsakja Elías isro: Pjia atsia Dio njitedali, jliaji talricanati lricaite cayoji: " Piorrocoena kjeya ajaiterra.'' ¹² Njite Elías jliepani, lriaco lrirso: "Dio njite dalri cadaa njoa, tiyee jiwacaotsa eeno lrikjoite liwayakeeta-carro pjia njite pjiomi njaji cincuentade atsianai pinaiperi.'' Jliadanacotsa tsenakja tiye jiwacawa eeno lrikjoite njite liwayaketani napiya njaji linaiperi cincuentade atsianai. ¹³ Njite jliaj talricanati lripieta tsenakja lrimeenacaca madalri poco shopena apada tsenakja caconaite cincuenta dalri irsoca tsolodaonai. Jliaji caconaite jlirra cádanaco Elías iderse icamitsa lritodaca lriorsipadao lirso, njite lriaco lrirso caiwi ricotsa: "Pjia atsia Dio njité dalri, notatja piinai picada jliaji nokafica njite nakafica njaji cincuentade pirsoperi matsiaperri sho pipeyajle. ¹⁴ Ajadalri, tiyeé oirrococawa enolrikjoite niini lriwayakeetaca njaji yamadade caconaperri iniitacapem pia inoca napiya njaji natsolrodaonai, mitsa panaya picapá njoá cacoadadalisho jliaji nocafica.'' ¹⁵ Njite jliaji angel wa-Minalri njite dalri iaco Elías irso: Warsa piorroco lriinai. Mafiotsa lriwana." Niini Elías jinico iemao lriorrocó carro lriinai r talicanaati iderse. ¹⁶ 16Njite Elías iaco Ocozias irso: "Caiwatsa wa-Minali icaiteca: 'Pimeenaca capoa njaji atsianai ideecape iacoti naa-carro natatja njemio lrinai jliaji Baal Zebub, Ecron idiote iinai. ¿Capja corrica pacapa Dio Israel lrico pitatjaoda piicao lriinai? Caishopa corritsa pjinico carroca piorsoa-carroita ioya; icamitsaotsa, mayamica pjia." ¹⁷ Icamitsa mayamica jliaji talricanati Ocozias lricaite cajitsa jliaji wa-Mminali Elías inoma lrikjoite. Njite Joram iniita italricanaataca jliapodam, niini yamawalria naco talricanaati caami Joram, Josafat irri, Judá italricanaa, ima corri piatsa Ocozías irsoca ienipe. ¹⁸ Njite njaji Ocozías inacoapana perri, paoketacana lri-ricoda jliaji paperra nadanacawa nanaco njaji talricanaatinai Irael lricope.