¹ Rsoaji talricanaati Sabá ricoda rsomi cádano Salomón iacona naco, rono lrikjaolre rotatjá carro rsomi lriinai iacoti jirrapitinaaperri naco rowí carrotsa lrianjikje. Rono lriderse aima camello iapiya idee caperri aima pomeniajaipe, aima owirro, njite aima tsacja jiipada cacoada perri. Rooca cádanaco Salomón iderse rocaite lrirso pjiomi njaji rosolri rocaolre rico rotatjaoda inaco. ² Salomón icaite rsomi pjiomi njaji iacoti rotatjaji inaco. Corrin pacapa pada iacoti corridalri Salomón jiepano rotatjalri inaco lriinai. ³ Rsoaji talricanaati Sabá ricoda rocapa cádanaco Salomón ianjíikje naco, jliaji panti talricanaati dapana lrinaitjalri, ⁴ njaji lrinjaoda lrimesan nacope, naofa carroita njaji idenjicape lrirso, nadenjicalre njaji lrirsoperri, natsayan njite njaji iirracape lriirraope lripjeya lriirraca, njite coanca lrimjaitaca njaji maaficalri Dio irso panti macade rico, corri roanji coancano. ⁵ Niini roaco Salomón irso: ''Ajadalritsa njaji njomirri noyacalre ricojle piaco naco njite pianjikje naco tsacja. ⁶ Corrin njoepaca njaji njomirri pinaco, niini nonoca nocapá carrocatsa notji sho njaji nocapalrina. ¡Corri pamoyoa miketsa njaji nacaiterri njomi pianjikje naco, pinaani matsiaperri naco cantja! Jorre pjatoa njaji piacona lrioya jliaji njomirri pinaco. ⁷ Matsia perrica njaji pinaikite aimadan, njite njaji idenjicaperi pirso, njaji iemalri pipjeyajle caidalritsa njemí carro pianjikje. ⁸ Matsiadalrica imi-Nalri Dio irso, matsia capoa lricapaca pirso niini lricadaaca pjia carro talricanaati pi-Minalri Dio irso. Ima pi-Minalri Dio lripeyoca njaji Irelnai, lricadaa carrona caidalriwetsa, Lricadaa talricanaati carro pjia nanaco, pinaitja carro matsia.'' ⁹ Rsoaji talricanaati iáa Salomón irso jorre pja coatro mil kilo ioya owirro, jorre tsacja pomeniajaipe, njite jiipada cacoada perri. Corritsa coca iáa pja jorre pomeniperri Salomón irso nacayosho njaji talricanaati Sabá ricoda ianji lrirso ¹⁰ Njaji Hiram irsoperri naapiya njaji Salomón rsoperri , njaji ideecaperri owirro Ofir lrikjoite, nawenta tsakja jaico sándalo nape njite jiipada cacoadaperri. ¹¹ Nasho njaji jaico sandalo, Salomón inaa nanaitjaca papjoa carronao Dio iipana lrico, njite cayo tsakja lrirso jliaji talricanaati dapana, nanaitja tsakja arpa, jaicoita irsocape neeñada tsakja narso njaji icantacaperri. Corrin natsa coancaojli napieta nawaketaca aima jaico sándalo jliawajli shopia atee panajiete. ¹² Talricanaati Salomón iáa pia talricanaati Sabá ricoda irso pjiomi njai romalr, cocatsa rotatjalri lriinai, naoya tsacja njaji Salomón iampe rorso. Njitedalrina rodiawa naapiya njaji rorsoperri royacalre ricojle. ¹³ Nápia Salomón irso venti tre mil kilo owirro pawalria icoam, ¹⁴ naoya tsacja njaji comerciantenai ideji njite njaji irsocape almacen. Pjiomi njaji talricanaatinai Arabia lricope njite njaji iwapacape yacaalre macacoepe Salomón irso jlipaite ricotsa, nadee trsacja owirro Salomón irso. ¹⁵ Salomón inaa napatsicaca sei kilo pada nacojle pja owirro nanaitja carro pada escudo, caipe minitsa lrinaa nanaitjaca dociento escodo pjiomi. ¹⁶ Lrinaa tsacja nanaitjaca treciento escodo tsoitepe owirro sho irsocape pada kilo lrinacojle pja paitape, caiminitsa nacoanaa. Njite lricanaada lrirricoda jliaji panti irsocada iipitana Líbano Iawacadate. ¹⁷ Jliaji talricanaati inaa tsacja nanaitjaca lriofaa carrodao marfil sho, njite nadaatani owirro matsiapedalri sho pjiomi. ¹⁸ Niini pia sei papjoa carrona pjerrá carro nirse. Nanaitja matojledadalri lriorsoa carrona lridanjitjete, nanaitja tsakja lricadaa carrona lrinaapa iorsoawa yameemape. Yaamana león nanaitjaji iemawa lrinaapa kema yameemape. ¹⁹ Doce león nanaitjaji iemawa nawayacacawao njaji papjoa carrona, sei pema, sei tsacja pema. Corri piatsa paca naofa carona lricayosho jliaji pada talricati irso. ²⁰ Owirroapipe minitsa pjiomi njaji Salomón irracarrodape, pjiomi njaji nairra carrodape lrirricodape jliaji panti Líbano Iawacada tena ricoda njawacatsa owirroapjipe. Corrin pacapa nanaitjanda palrataitape sho cantja, ima njaji palrataitape macoada perrim piacatsana Salomón jiawajlri. ²¹ Salomón irso pia aima iita macafianipe itaitacape iyoetaca manoá lrico, papocotsa nanijicawa Hiram iyaape iinai. Papiatsa pawalria icoam naaca naoma nerricoda owirro, palrata, marfil, njite powenape tsacja. ²² Corripiatsa cocaca caanjikjé dalri njite cananí dalri pja Salomón ioya nanacjoite nja paana talricanatinai. ²³ Pjiomi njaji inaiki jalredaoca lricoperri naoma mana Salomón njemí carro lrianjikje, njaji ianjikjeti Dio icadalri lrirso lricaolre ricó. ²⁴ Njaji iacape icapa lriderse nadee nacoadao lrirso, palrata naaroda lrico, owiro, tsaya, nainoacashopao, njite pomeniajaope; nadee tsacja lrirso caballo, mula tsacja, caidalri manatsa oonia icoami. ²⁵ Salomón irsopia cuatro mil caballo ipananaa njite lrimatsietacawa tsakja njaji carretafiape, njite doce mil atsianai jiecocaope caballo naco. Lricadaana nerricoda njaji yacaalre nawapacawana, njite nja paana lriinaitsa Jerosalén rico. ²⁶ Salomón italricanaata pia nanaco njaji talricanaatinai ooni Eufrate lrikjoite, nanaco njaji talricanaatinai filisteonai jipaite ricope, njite nanaco njaji iofacapewa lriocacawa lrico jliaji jiipai Egipto iyada. ²⁷ Salomón irso pia aima palrata, jiipai shotsa namaimaca. Lriapana aima cedro, cayoji aima capisho sicómoro naapanaji tjewacajle cawa. ²⁸ Nadee Salomón irso caballo Egipto lrikjoite njite pada jiipai nakjoite tsakja. ²⁹ Njite nja paana Salomón inacoapanaperri, lrinitaji lrinaitjaca njite njaji lrinaitjaji piketem, pacapacana profeta Natán idananda naco, Ahías silonita tairri inoparrotacawa lrico, njite Iddo, inoparrotacaita jitaponialre rico, lricapacawa lrinaco jliaji Jeroboam, Nabat irri. ³⁰ Salomón italricanaata pia Irael naco, Jerosalén lrico couarenta walria. ³¹ lrimaa shocatsa nanai njaji lriferrinaipemi, njite njaji inaiki aimadan nadawani jlinirri David iyacalre ricotsa. Njite lrirri Roboam jimao talricanaatica jliapodam.