¹ Njite paia nacojle njapodamina pjiomi njaji jiyapalrio, nano njaji Moab lricope, Amón lricope njite padape nanakjoite njaji meunitanai nainoacá carro Josafat ikjoete. ² Niini naaca nacaite Josafat irso cayoji: ''Aima inaiki inoca pikjoete inocapeMar Muerto lricope, Edom lricope tsakja. Ena naocawa Hazezon Tamar lrico.'' En Gadi lrico. ³ Njite Josafat ifiocawa pekirritsa niini lriomaca Dio lricaolre rikjoite. Lricaite narso njaji Judá lricope maijacá carrona pjiomi. ⁴ Nawacaacawa pjiomi njaji Judá lricope naoma carro Dio; nano pjiomi nayacalre rikjoite naomá carro Dio. ⁵ Josafá iemawa napecolrico njaji inaiki iwacacalrio judal lricope njite Iraelnai Dio iipana lrico, lricoemjete jliaji walridalri yacalrecoa, ⁶ lriaco narso: Jliaji Talricanaati, naDiote njaji waferrinaipemi, ¿capja corrica Dioca pjia eenolricojle? ¿Capja corrica pjiaca Natalricanaa pjiomi njaji talricanaatinai jalredaoca lricoperri? Pirsoentsa pjiomi jiidati, corrin coca itaita iemaca pikjoete. ⁷ Pjia wa-Diote. ´¿Capja corrica pjiaca jliaji jitalri pia njaji inaiki aperri pia iofawaji napeyajle njaji pinaikite aimadan iraelitanai, njite picadaa naofaa niini caidalriwrnatsa njaji Abraham idakenai? ⁸ Naofa niini njite nanaitja padapana panti Piipitana iofacarrodao, naaco cayoji: ⁹ Imatsicakjeti íno cadaa waikjaolre, matseeta, jirrapitakjeti, ipoati cadaa, maawitacai cadaa, weemacaotsa lripeyajle jliaji panti, Pipeyejle (Ima niinica piipitana iofawa) njite wawanaaotsa pikjaolre lrikjaote jliaji ferrapitalri, njite Pjimicaotsa warso pimanacotá carro fáa. ¹⁰ Picapena panaya, nanokena wakjoete njaji Amón perri, Moab perri njite njaji Awacada Seir perri, njaji corriperri Picadaa Iraelnai jitacana njenai paite ioya namoto caojli pia Egipto lrikjoite; icaamitsa Irael jienaca naoya corrin nawayaketana. ¹¹ Picapena coanca nacaoñaca fáa; nanoca njetá carro fáa Pjipaite ioya, jliaji picadaalri wayadá carrón. ¹² Pjia wa-Diote, ¿Coajeotsa pinaitjacana? Ima corritsa wataitá carroca nakjoete njaji aimadani tsolrodaoai inolri wakjoete. Cotsa wanjíi coanca wanaitjaca, niini waoma pikitsindataca fáa.'' ¹³ Pjiomi njaji Judá lricope neema-catsawa Dio ipeyajle, pjiomi njaji neenipe njite naninai tskja. ¹⁴ Njite napecolrico njaji iwacacalriwa, Dio Icaolrini iorroco Jahaziel naco, Zacaria irri, Benaía irri, Jaiel irri, Matania irri, jliaji levitatairri, pada nanakjoite njaji Asaf ienipe. ¹⁵ Jahaziel iaco: ''Iwapa jimi, jia Judá lricope, jia tsakja iocape Jerosalén lrico, njite talricanaati Josafat tsakja. Cayo Dio icaiteca irso: ''Mafiotsawa, mjetatja icaolre nanaco njaji tsolrodaonai aimadan, ima jliaji owicalri cajliaji corritsa iyadacani, mitsa Dio iyadacan. ¹⁶ Tjewenaotsa irsotsa iaca yema nakjoete. Panaya jliaji, njerraacawa Sis iapowa lrico. Ioketaotsana lriwayacacawa jliaji jiipai ioyawaaca pacoacaita dalri, lripeyatoa paocacawa lrirso jliaji jalrapocolri Jeruel dalri. ¹⁷ Corriotsa inoacá carroca nakjoete. Iema catsaotsa mananitsawa iyarroema nacojle, icapá carroatsa coanca Dio iáa caotsa imanacota jia Judánai njite jia Jerosalén lricoperri. Mafiotsawa, wadee jitaca icaolre. Tjewenaotsa iáa nakjoete, ima iinaicatsa Dio.'' ¹⁸ Josafat icoaja jliwida njite lritoda lriecoa jiipai nacojle. Pjiomi njaji Judá lricope njite njaji Jerosalén lricoperri nacoaja Dio ipeyajle naaca lrirso matsiadalri. ¹⁹ Njaji levitanai, nanakjoiteperri njaji Coatitanai njite njaji Coretitanai, njenico nemawa naacarro matsiadalri Dio irso, na Diote njaji Iraelnai, iacoti kjaidadalri sho. ²⁰ Njenicowa piyompinaco toa naacarro jalrapocolri ricojle Tecoa ricoda. Naa cadanacotoa, Josafat jinico iemawa, lriaco narso: ''¡Jimi norso jiáa Judanai njite jia Irael lricoperri! Icadaa icaolre apadatsa iDiote naco, lrikitsindatá carro jia. Jiepaotsa coanca naaco njaji iprofetanai, njiteotsa matsiatsa itso pjiomi.'' ²¹ Lricaite cayami narso njaji inaiki aimadan, lricaite kjaitenaica njaji icantalriotsa Dio irso, naaca matsiadalri Dio irso lrimatsiaca matsiadalri ikjaote. Namoto cadanacotoa napeyajle njaji tsolrodaonai aimadan, naaco: ''Iaca matsiadalri Dio irso, ima corrin lrimacaca lriacoam caidalriwetsa.'' ²² Naitita cádanaco nacantaca njite naaca matsiadalri Dio irso, Dio icadaa pana atsianai idanataca njaji aimadan Amón lricope, Moab njite njaji Awacada Seir lricoperri, njaji inolri inoacawa Judá icjoete. Oopi njamana. ²³ Ima njaji Amón lricope njite njaji Moab lricope njenico neema nainoacawa nakjoete njaji Awacada Seir lricoperri, naino nawayaketa pjiomina. Naino cayami pjiomina, icamina nainoacawa nakjoetewacatsa. ²⁴ Naoca cádanaco njaji Judánai pacapacawena jalrapocolri ricojle, naoma nacapa naikjaolre njaji nacoema tsolrodaonai. Mitsa nja, oopina mayamina, narsoawa jiipai rico; corrin yomje pada. ²⁵ Josafat iáa cádanaco naapiya njaji lrinaikite njepá carro narsowao njaji nayaarroajipem, aima naoketaca yamacati, nanaani cacoadaperri, njepa nacoana narsowao, njite corrinatsa nataita nadeeca aima coa njaji njepalri. Aima jalredaoca njewajica njaji nayarropem ima aima piacana. ²⁶ Coatro jalredaoca naco nawacaacawa jiipai ioyawaca pacoacaita cawa lrico Beraca dalri. Icatsa naaca matsiadalri Dio irso niini, icatsa lriipitanaca niini, atee panajiete, '' Jiipai ioyawaca pacoacaita cawa Beraca dalri.'' ²⁷ Njitedalri nadiawa pjiomiwa, njaji atsianai Judánai, njite Jerosalén lricope, Josafat iáa napjeya, nadiá carro naocawa Jerosalén lricojle tsenakja catiimawa, ima wa-Minalri icadaa catiimana jliama capoa naikjaote nacoema. ²⁸ Naawa Jerosalén lrico njite Dio iipana lricojle natocaji iapiya jaicoitape, arpa, njite tropmpeta tsakja. ²⁹ Dio icadaa nafiocawa pekirritsa pjiomi njaji pacoa talricanaatinai iwapacawa njemi cádanaco wa-MINALRI inoacacawa nakjoete njaji Iraelnai icoema. ³⁰ Ninina, jliaji jiipai Josafat iwapacawa namaodacatsa naofacawa, ima Dio icadaa namaodacá carro naofacawa pjiomi njaji iofacapewa tsoomi Josafat iyacalre lrioya. ³¹ Josafat italricanaata nanaco njaji Judánai; lrirso piakena trenta cinco walria lriniita cádanaco lritalricanaataca, venti cinco walria lritalricanaataca Jerosalén lrico. Azuba pia jlidoa iipitana, Silhi iito. ³² Lrinaitjatsa cayoji lrinirri Asa inaitja capisho, corrin jlienaca naoya; lrinaitja matsia Dio ipeyajle. ³³ Mitsa, njaji yenondalripe corrin lripeeco piacana. Njite njaji inaiki corrin nacadaa nacaolre ajádalri naferrinaipemi iDiote naco. ³⁴ Njaji paana Josafat nanacoapanaperri, njaji lrinaitjaji lriinita, njite njaji piketemperri, pacapacana Jehú, Anani irri idanampe lrico lricaitecawa coanca lrinaco, njite nadanani lri ricoda jliaji paperra nadanacawa nanaco njaji talricanaatinai Judá lricope. ³⁵ Njapodamina njaji, Josafat, Judá italricanaa, lrikitsindata Ocozia, Irael italricanaa, jliaji inaitjacada aima imatsicanaati. ³⁶ Lrikitsindacani nanaitjácarro iita macafianipe yacaope Tarsis lricojle. Nanaitja njaji iita macafianipe Ezión Geber lrico. ³⁷ Njite Eliezer, Dovada irri, meresa lricoda inoparrota Josafat ikjoete; lriaco lrirso: ''Pikitsindaji capoa Ocozia, oopi Dio imatsica njaji pidejicalre.'' Njaji iita macafianipe, oopi tocotocopena, corrinatsa nataita naacawa Tarsis lricojle.