¹ Josafat irso pia aima lrinaani cacoadaperri, njite matsia nacapaca lriso; njite lrikitsindajica Acab lricadaa capoa pada lrinakjoite dalri jitaca Acab iito lrinowa. ² Njite madalri walria jiapodam, Josafat iáa icapa Acab iderse, Samaria lricojle. acab iino aima oveja, vaaca Josafat irso njite narso njaji inaiki lriinaiperri. Acab ipomenata tsakja Josafat lria carro lriinai naino carro Ramot, Galaad ricoda lriinai. ³ Niini Acab, Irael italricanaa iaco Josafat irso, Judá italricanaa, cayoji: ''Capaotsa pinoca noinai oowi rico Ramot Galaat ricoda lricojle?'' njite Josafat jiepani: ''Pjia capishotsa njoa, njaji nonaikite pinaikitecana shocatsana, weniotsa piinai oowi rico'' ⁴ Josafat iaco pja lrirso jliaji Irael italricanaa: ''Pinaitja matsiacalri pitatja wa Minalri iinai lricaité carro pirso cocaca jliaji pirsolritsa piinita pinaitjca.'' ⁵ Niini Irael italricanaa iwakeeta cuatrociento atsianai inoparrotacape, lriaco narso: ''¿Capja matsiatsa waacawa oowi rico Ramot Galaat ricoda ikjoete?'' Njite naaco lrirso: Piena pinaitja oowi nacjoete, ima wa Minalri icadacaotsa poicaapi ricona, pjia talricanaati.'' ⁶ Njite Josafat jiepani, lriaco: ''¿Corrinatsa pacapa anji pada pja inoparrotacada wa Minalri irsodalri watatjaoda waicao?'' ⁷ Nini Irael itarlianaa iaco Josafat irso: ''Niini toa pada atsia waoda watatjá femio lriinai coanca wa Minalri icaiteca, lriipitana Micaia, Imla irrí, mitsa maatsi nocapaca lrirso ima corritsa coancadanaco-ca lrinoparrotá nonaco matsia, icaamitsa lricaiteca iñaakjeti naco.'' Nini Josafat iaco lrirso wadee caacoca cayo jliaji talricanaati Acab. ⁸ Njité dalri jliaji talricanaati Irael ricoda iwana pada caconaite lrinaa carron, lriacarro lriwana Micaia, Imla irri lricjaolre. ⁹ Cayocadanatoa Acab, Irael Italricanaa njite Josafat, Judá italricanaa naofaa catoa nacoana naofaa carroda naco caconaadalri, njite atsayan caacona carroda lricona, naofawa pantinomajle pjeewacawa Samaria lrico, njite njaji iniparrotacaperri nanoparrotaca napeyajle njaji talricanaatinai. ¹⁰ Njite Sedequia, Quenana irrí inaitja lritsowao tsípalra sho, njite lriaco: ''Cayo wa Minalri icaiteca: ''Nasho njaji, itodacaotsa njaji arameonai a kjerrecatsa iwayakeetana.'' ¹¹ Njite pjiomi njaji inoparrotacape nacaite tsacja cayo: ''Iáa iino njajji Ramot ricope Galaad ricoda ima jiameeta caotsana, ima wa Minalri icadaacana talricanaati icaapi ricona.'' ¹² Njite jliaji ideecada iacoti Micaia irso, iaco lrirso cayoji: ''Picapakjee, pjiome njaji inoparrotacaperri nacaite iacoti matsiaperri pacoacatsa wa talricanaa irso nanoma sho. Pinaitja matsiacalri picaite tsacja iacoti matsiaperri cayotsa nacayosho.'' ¹³ Mitsa Micaia icaite cayoji: ''Ajádalrica caafidalricatsa jliaji wa Minalri, coca cadaa no Minalri icadaa nocaite carro icatsaotsa njaji nocaiterrica.'' ¹⁴ Njite Micaia ioca cádanaco talricanaati ipjeyajle, talricanaati iaco lrirso: ''¿Micaia, capja warsotsa waaca oowi rico Ramot ricojle Galaad ricoda o corrim?'' Njite Micaia jiepani, lriaco: ''Pia piinoacawa panaya, ima wa Minalri icada picaapi ricona.'' ¹⁵ Njite talricanaati iaco lrirso: ''Caidalri manatsa nocaiteca pirso picaité carro norso iacoti ajádalri sho wa Minalri iipitana nacó.'' ¹⁶ Niini Micaia iaco jiepacan: ''Nocapa pjiomi njaji Iraelnai macada nanjicawa awacadalrico, cayoji oveja maminalripem sho, njite wa Minalri iaco cayoji: ''Njaji, corritsa narsoenca iwapacadana. Picadaa nadiá carro naapana lricojle matsiatsa.'' ¹⁷ Nini jliaji Irael italricanaa iaco Josafat irso: ''Nocaite capa pjia, corritsa lricaité carroca nonaco iacoti mtsiadalri, icaamitsa lricaiteca nonaco iacoti maatsí perritsa.'' ¹⁸ Ikeena Micaia icaite pjaaca lrirso: ''panaya jimica pjiomi jia wa-Minalri iaco: Nocapa wa Minalri iofacawa lriofa carroda naco, njite pjiomi njaji inoaca cápewa lrirsoperri neemacawa Lripeyajle lriyekema nacó njite lripatolriema kema naco tsacja. ¹⁹ Nini lriaco jliaji wa Minalri: ¿''Coca itaita iacawa lrimanalrietá carro Acab iwaopiakje, lriá carro lrinoacawa Ramot Galaad ricoda ikjoete nainó carro nirseni? Niini nja paana nacaite pada iacoti, njite nja papoco nacaite tsakja pada. ²⁰ Cayo cádamaco, pada caolriti ino iemao wa Minalri ipeyajle, lriaco cayoji: ''Njoa watsa imanalrieta lriwaopiakje.'' Njite wa Minalri iaco lrirso: ¿''Coanjeotsa pinaitjacan?'' ²¹ Nini jliaji caolriti jiepani: ''Caolriti cashadalrimca njoa, nini noawatsa nocadaa carro namotoetaca ishaatitsa nanoma lrikjoite pjiomi njaji inoparrotacape. Njite wa Minalri jiepani: Pjia pedaotsa icadaa jliepá carro ishaati, njite matsia caotsa lrimotoca pirso lrinaco jliaji pialriotsa pinaitja. Warsena pia pianitja jliaji picaiterri. ²² Nini Panaya, wa Minalri icadaa pada caolriti cashaadalrim nacaite carro ishaatitsa njaji inoparrotacape pirso, wa Minalri icaite cadaana maatsidalri ínoca pinacojle.'' ²³ Nini Sedequia, Quenana irrí jinico iñaa Micaia icacoda naco, njite lriaco lrirso: ''¿Coan tsakja lriaca nooya jliaji Caolrito waMinalri iyada caacó carro njoa pirso?'' ²⁴ Njite Micaia jiepani: Enaotsa pianjíi coanca jliadenaotsa pianji cádanacoena pjiewawa panticoam pidawaca carro. ²⁵ Njite jliaji talricanaati Irael ricoda iaco narso njaji lrirsoperri: ''Jipa idee Micaia Amón iderse, jliaji yacaalre italricana, njite nirrí Joás, iderse tsakja. ²⁶ Icaite lrirso nonacjoite, cai lriaco jliaji talricanaati: Ipresota jliaji atsia, matsaotsa lrijao aima, caitsakja lriirrao a kjerrecaotsa nodia nocao matsiatsao.'' ²⁷ Njite Micaia icaite: ''Pidia cadaotsa matsiatsao, noanji pedaotsa corricatsa wa Minalrica jliaji caacolri norso.'' Njite lriaco pja narso:'' Jimi jliaji nocaiterri, pjiomi jia.'' ²⁸ Nini Acab, Irael italricanaa njite Josafat, Judá italricanaa, naawa Ramot Galaad ricoda ikjoete. ²⁹ Jliaji Irael italricanaa iaco Josafat irso: ''Noawatsa noinoacawa nainai, mitsa njotaotsa nooya notsayan talricanaati carroda njoa wadee naanjica njoaca, mitsa pjia talricanaati sho catsaotsa pjietacawa.'' Cayotsa lrinaitjaca jliaji Irael italricanaa lriá carro lriinoacawa oowi ricó nainai. ³⁰ Njite jliaji talricanaati Aram lricaite narso njaja trenta y do lricapitamanai jiecojicape caballo naco, irso cape carretafiape njapoda, wadee nainoca njaji coamperri catsa tsolrodaonai, icaamitsa lrinaa nainó carro jliaji talricanaati Irael ricoda. ³¹ Nini njaji capitamanai nacapa cádanaco Josafat iemacao njeeco lriicjaolre nainó carron nawada capoa jliaca Irael italricanaa. Mitsa Josafat jiemataca cjaida Dio irso niini Dio ikitsindatani. Lricadaa naawa teeco lrioya. ³² Njite nacapa cádanaco njaji capitamanai corrica jliaca Irael italricanaa, nadia lrioya. ³³ Mitsa pada atsia iyawitaá macadatsa niini lriyawitaca jliaji Irael italricanaa lritsayan taimi dalri ipecolricotsa. Nini Acab iaco lrirso jliaji ideecada lriapiya, lridieta carroni nainoacacawa ioya ima nayawitacani matsinaa. ³⁴ Matsinaa nainoacacawa oowi rico jliadaa jeecoapica njite jliaji talricanaati Acab lriemacatsao lri carretan lrico nakjoete njaji arameonai. Mitsa jliadatsa dainoma mayamini.