¹ Dieciocho walria oonia talricanaati cayami Jeroboam, Abias iniita italricanaataca Judá lrico. ² Madalriwalria lritalricanaataca Jerosalén lrico; Micaía pia jlidoa iipitana, Uriel, Guibeá dalri iito. Njite nanaitja mana oowi Abia Jeroam iapiya. ³ Jeroboam iawa oowi rico aima tsolrodaonai kjaidá perri, mafio caperritsa iapiya, cuatrociento mil atsianai naniwaji matsia. Jeroboam iema lrikjoete ochociento mil atsianai matsiaperri naniwanaca, tsolrodaonai kjaidá perri, mafio caperritsa iapiya. ⁴ Abia jinico awacada Zemaraim naco, jliaji awacada njepaite ricoda njaji Efraín poco, njite lriaco: ''¿Pjimi norso, Jeroboam njite pjiomi jia Iraelnai!'' ⁵ ¿Capja corrica ianjíi Dio icadaa piaca David irso, jlia carro ianjíi nanaco njaji Irael caidalriwetsa, David njite njaji lrienipe, Dio inaitja cádanaco iacoti lriapiya? ⁶ Caicayatsa, Jeroboam, Nabat irri, jliaji Salomón irsodalri, David irri, lriema lri.talricanaa ikjoete. ⁷ Atsianai maatsiperritsa, wakitsiñape matsiperritsa iwaopiakje iawa lriinai. Nanoca Roboam, Salomón irri ikjoete, iempeti manjicadalrim pia catoa Roboam, corri piacatoa lritaita lriemaca nakjoete. ⁸ Panaya icaiteca itaitaca iemaca wa-Minalri jiida ikjoete lricadanda nacaapi rico njaji David inakjoite perri. Ajádalri aimadanca jia, njite iinaica jliaji baken owirrona Jeroboam inaitjanda idiotewa. ⁹ Oopi imotoita ioyawa njaji wa-Minalri isacerdotenaipe, Aarón inakjoite perri, njite imotoita tsakja njaji levitanai. Icadaa isacerdoteniwa nacadaa capisho njaji apaana inaiki pada jiipai nacoperri. Coandalri catsa idee apana baken njite sietena carnero, lritaitena sacerdotecani narso njaji idiote. ¹⁰ Mitsa warso faa, wa-Diote catsa jliaji wa-Minalri, ima corrica wamacacani. Warso sacerdotenai Aarón inakjoite perri, idenjicaperri Dio irso, wainai tsakja njaji levitanai njite nadenji catsa jliaji nadenjicalre. ¹¹ Piyompinacojle njite dainomajle, namjaita mana maaficalri Dio irso ofrenda sho, njite namjaita tsakja incienso matsiaperri. Nacadaa tsakja njaji peetje Dio ipeyajle matsiadalri mesa naco; nakerrata tsakja njaji lampara owirronape dainoma icoam. Wanaitja toa cayoji lricaite capisho wa-Minalri Dio iaco, mitsa jia, corrinatsa inaitja cayo. ¹² Ianjíi carro, Dio catsa jliaji fewidaapo, njite njaji lrisacerdotenaipe, icatsa wainaica panaya natrompetan iapiya nakjematá carrona ikjoete. Jia Iraelnai aimadan, meematsawa Dio ikjoete, naDiote njaji iferrinaipemi, ima corriotsa jiama carrocani.'' ¹³ Mitsa Jeroboam imeenaca lrinaikite njapodamte, neema cadaanatsa Judá ipeyajle nja lritsolrodaoperre. ¹⁴ Njaji Judánai nacapa cádanaco njapodamrsewa, nacapa nacoema iemacawa papeyajle njite njapodamtje tsakja. Ikena natatjaca kjaida Dio iinai, njite njaji sacerdotenai napjiaca natrompetani. ¹⁵ Njite njaji tsolrodao Judánai nawana kjaida, nawana cadaana toa, ikena Dio iñaaca jeroboam njite pjiomi njaji Iraelnai Abia ipeyajle njite Judánai. ¹⁶ Niini napitocawa njaji iraelitanai Judánai ioya, Dio icadaana Judá icaapi ricona. ¹⁷ Judá njite njaji tsolrodaonai aimadan, naino aimana; quiniento mil atsianai naomaji naino jliada. ¹⁸ Cayopiatsa Judá iapirsetaca njaji iraelitanai jliawajli. Njaji Judánai njaamana nacadaa capoa nacaolre Dio naco, naferrinaipemi iDiote. ¹⁹ Abia ipinieta Jeroboam; Abia jipa Jeroboam ioya njaji yacaare Betel njite pjiomi iofacaewa lrinomapi naco, cayo tsakja Jesana, njite njaji lrimomapi nacope, caitsakja Efraín, njite njaji lrinomapi naccop. ²⁰ Corrinatsa Jeroboam idieta njaji yacaalre Abia jiawajli; wa-Minalri iñaani njite mayamini. ²¹ Njite Abia ikjaidataca pjawa; jlita catorse lrininaiwa, lrirso pia venti-do lrienipe atsianai, njite diecisiete lriitonaipe. ²² Njaji paana Abia inacoapanaperri, coanca lrinaikica, njaji iacoti lricaiteji, paoketacana lri-ricoda jliaji paperra inoparrotacada Iddo idananda lrico.