¹ Njite kjaida caami Roboam italricanaaca, njite kjaidani, mitsa lrimacaca lrioyao Dio iaco, njite cayo tsakja lriinai njaji Iraelnai lricayosho. ² Njite papia nacojle, cinco walria oonia kena talricanaatica Roboam, Sisac Egipto italricanaa inaitja oowi Jerosalén lricoperri ikjoete, nanaitja capoa maatsi Dio irso njaji inaiki aimadan. ³ Lridee mil dociento caballo irsocape carrofiape, njite sesenta mil inaiki jiecocaope nanaco. aima tsolrodaonai corriperrinatsa pataita paniwetacana egipto lrikjoite, libionai, suquienonai, njite etiopia lrikjoite perri. ⁴ Niini jlipaca lrirsowao njaji yacaalre taimí perri Roboam iyapem Judá lrico, njite lriawa Jerosalén lrico. ⁵ Njite jliaji inoparrotacada Semaía ino Roboam iderse njite naderse njaji Judá iapiyawanai njaji iwacaacalriwa Jerosalén lrico Sisac ikjaote. Semaía ioaco narso: ''Cayo lricaiteca jliaji wa-Minalri: Imacaca njoa, niini Nocadaaca jia Sisac icaapi rico.'' ⁶ Njite naapiyawanai njaji Irael lricope, njite jliaji talricanaati kjenaa najiacacawa, naaco: ''Corridalritsa imatadaca jliaji wa-Minalri.'' ⁷ Wa-Minalri icapa cádanaco coanca kjenaa nanjiacacawa, caaco tsenakja Dio Semaía irso, lriaco lrirso cayoji: ''Opoina kjena najiacacawa. Niini corrinatsa nowayakeeta crrocana; nomanacotacaotsana lricoatsa, njite corriotsa noirroa jiwá carroca Jeroslén naco Sisac icaapi nakjoite. ⁸ Mitsa nocadacaotsa narsoperri carrona, nataitá carroatsa nanjíi coanca nadenjica Norso, njite coanca nadenjia narso njaji apaana talricanaatinai pacoa jiipai nacope.'' ⁹ Niini Sisac, Egipto italricanaa iemawa Jeroslén ikjoete, njite lrideeca Dio iipana lricjoite pjiomi njaji cacoadaperri nimperri, cayo tsacja njaji cacoadaperri talricanaati dapana lricjoite.Lridee pjiomina; nadee tsacja njaji escodo Salomón inaalri pia nanaitjaca owirro sho. ¹⁰ Niini talricanati Roboam ipieta inaitja njaji escodo bronce sho njite lricadaa nja carro ianji nanaco njaji comandantenai iwapacape yacaalre ipananoma njite talricanaati ipananoma. ¹¹ Talricanaati iáa cádanaco Dio iipana lricojle, njaji tsolrodaonai iwapacapen nadee njaji escodo, njitedalri nadieta tsenakjana nawapa carroda dapana lrico. ¹² Kjenaa cádanaco Roboam ianjiacacawa, wa-Minalri irroa jiena lrioya, wadee lriwaketacantjani, njite niinitoa matsiadalri nataitalritoa nanaitjaca Judá irso. ¹³ Icaamina lrikjaidataca lritalricanaaca jliaji talricanaati Roboam Jerosalén lrico, njite cayotsa lritalricanaata piaca. Roboam irsopiaca cuarenta un walria lriniita caojli pia lritalricanaataca, diecisiete walria ritalricanaataca jerosalén lrico, jliaji yacaalre wa-Minalri jienitanda Lrirsowao nanakjoite njaji Irael poco, lricadaa carro Lriipitana niini. Naama pia roipitana rsoaji Roboam jidoa, amonita tadoa. ¹⁴ Lrinaitja maatsi corri capoa lrioma Dio lricaolre rikjoite. ¹⁵ Njite nja paana Roboam inacoanaperri lrinitaji lrinaitjaca njite njaji piketemperri, paoketacana lri ricoda jliaji paperra inoparrotacaita Semaía njite Iddo, inoparrotacada tsakja idananpe lrico, nincawa tsakja nadana coanca nadakenai naco iacawa njite coan piaca Roboam inanaitjaca oowi caidalritsa Jeroboam ikjoete. ¹⁶ Mayami Roboam lriferrinaipem iinai, njite nadawani David iyacalre rico; njite lrirri Abias italricanata jliapodam.