¹ Oi au ko Paula, nai apositolo o Jisu Karisito, ena lewa ni Kalou, vata voki lia o Timoci na taciqu, ² vi ira era sa lotu dina, ka ra sa tu vata ki Karisito, ka ra sa tiko mai Kolosa: Me nomunu na loloma, vata voki lia na vacegu mai vua na Kalou ko Tamada. ³ Kirau sa vavinavinaka vua na Kalou na Tamai Jisu Karisito na noda Turaga, ka masulaki kemunu ena visiga, ⁴ ni kirau sa rogocia na nomunu vabauti Karisito Jisu, kei na nomunu loloma vi ira kece lia e ra sa lotu, ⁵ ena vuku wale lia ni ka nu vanuinuitakia, o koya sa maroroi mai lomalagi me nomunu, ia dou a rogocia kinia ena vosa dina lia ni tukutuku vinaka, ⁶ sa yacovi kemunu, ka vaka voki lia e vuravura kece, a sa tubu tiko ka vuatakia na vuana, mai na siga dou a rogocia kinia ka kila dina kinia na loloma ni Kalou: ⁷ me vaka dou sa kila mai vei Epafira, na neirau tokani lomani, ka nomunu talatala yalodina i Karisito: ⁸ sa kaya voki lia vei keirau na nomunu loloma ena Yalo Tabu. ⁹ E na vuku ni ka ke, keirau sa tekivu masulaki kemunu mai na siga kirau sa rogocia kinia ka yali mudu, nirau masu mo dou vasinaiti me rawa ni dou kila na lomana, ena yalomatua kei na vuku vakayalo kece lia; ¹⁰ mo dou ia nai valavala kilikili vata ki ira na nona na Turaga me vinakatia kece lia ko koya, kece lia, ka me tubu cake voki lia na nomunu kila na Kalou. ¹¹ monu kaukauwa mai ena kaukauwa kece lia, me vaka na nona kaukauwa vakaidina, me tubu na vosota kece lia kei na vosota vadede ena marau; ¹² mo dou vavinavinaka vua na Tamada, ni sa varautaki ita me da rawatia na kedrai votavota era sa yalosavasava, ena rarama: ¹³ o koya sa vabulai ita mai na lewa ni butobuto, a sa yadi ita ki na matanitu ni koya na nona Gone ni toko: ¹⁴ o koya e da sa rawatia kinia na bula ena vuku ni nona dra, ni sa bokocia na nodai valavala ca: ¹⁵ o koya nai yaloyalo ni Kalou sa yali ni laurai, ka vatuburi eliu ka qai muri na ka kece lia ka caka: ¹⁶ ni sa caka na ka kece lia o koya, se ra tu mai lomalagi, se ra tu e vuravura se ra rairai se ra yali rairai, se ra tikotiko ni vaturaga, se ra vimatanitu, se ra turaga sa liu, se ra turaga kaukauwa: sa caka na ka kece lia ko koya, ka me nona voki lia. ¹⁷ Sa bula iliu o koya qai muri na ka kece lia, ka sa vataudeitakia na ka kece lia o koya. ¹⁸ O koya voki lia na ulu ni yago, nai soqosoqo lewe ni lotu: o koya nai vatekivu, na ulumatua mai na mate; me uasivi cake kinia o koya ena ka kece lia. ¹⁹ Ni sa vinakati me sinai o koya ena kakece lia; ²⁰ ka me vaveivinakatitaki ira na ka kece lia ena vukuna, ni sa ia mada na ka ni vivinakati ena nona dra, ni sa lauvako ki na kauveilatai; io, ena vukuna lia, se ra tu e vuravura se ra tu mai lomalagi. ²¹ oi kemunu voki lia, dou a kai tani eliu ka meca ena vu ni yalomunu ena cakacaka ca, sa qai vaveivinakati kemunu okoya, ²² ena yagona valewe ni sa mate, me varaitaki kemunu kinia ni dou sa yalosavasava ka yali ni beitaki rawa ka yali ni vunauci rawa e matana; ²³ kevaka dou sa vabautia tiko lia ka vataudeitaki ka vakaukauwataki, ka yali ni vukuci tani mai nai nuinui ni tukutuku-vinaka dou a rogocia, ka sa vunautaki vi ira na tamata kece lia sa tiko e rukui lomalagi; ia koi au ko Paula au sa lesi mei kenai talatala. ²⁴ Au sa qai marau niu sa vararawataki ena vukumunu, ka vayacoria ena yagoqu na vo ni rarawa ena vukui Karisito, ena vuku ni yagona, sai koya na soqosoqo lotu: ²⁵ me vaka nai lesilesi ni Kalou, au sa lesi kinia meu kenai talatala, meu vayacoria na vosa ni Kalou ena vukumunu: ²⁶ na ka vuni ka vunitaki mai vi ira na tabatamata ena gauna iliu, sa qai varaitaki mai vi ira na nona tamata yalosavasava: ²⁷ ni sa vinakatia na Kalou me vatakila vi ira na kena vakaidina kei na kena talei ni ka vuni koya ena kedra maliwa na veimataniqu, oqori na Karisito ena lomamunu, na vu ni kena nuitakia na kalougata: ²⁸ O koya keitou sa vunitakia ni kitou sa vasalatakia tiko na tamata yadua, ka vavulicia na tamata yadua ena vuku kece lia; me kitou varaitakia kinia ki na tamata yadua ni sa vinaka sara ena vukui Karisito: ²⁹ ke na kau sa daucakacaka tiko kinia, kau sa gumatua voki lia kinia me vaka na nona cakacaka sa mana tu ena lomaqu.