¹ Mukumbiro waHabhakuki muprofeti, unoembwa kudai ngeShigionothi. ² O Mambo Mwari, ndakazwa mbiri yako, ndinoema mukutya, O Mambo Mwari, mushando wako. Mumukuwo wedu umusire; munguva yedu uuziise; muushungu karakadza nyasha. ³ Mwari wakauya kubva Themani, Uwo Wakachena kubva kuMutunhu wePharani. Sela. Uthende hwake hwakafukidza matenga, nenyika yakazara ngokukudzwa kwake. ⁴ Kun'anikira kwake kwaiya kwakadai ngokujeka kwezuva; mirazvu yaibuda munyara yake, apo panogara simba rake rakafishika. ⁵ Wakatuma nhenda pamberi pake, echipanga rufu kuti rumuteere. ⁶ Wakaema, akazungunyisa nyika; wakaringira, akaita kuti madzinza ahute. Mitunhu yemhera nariini yakaparadzwa; kuteera njira dzake dzekaretu zvimitunhu zvemhera nariini zvakanzvaira. ⁷ Ndakaona matende evaKhushani pashi pokutambudzika, nemachira epamafasitera enyika yeMidhiani akahuta ⁸ Ushungu hwako hwaiya hwokurwisana nerwizi here, O Mambo Mwari? Nokuti kutsamwa kwako kurwisana nendwizi, nokuti kuzonda kwako kurwisana noruandhle, apo wakakwira padera pemahachi ako, nepadera pengoro dzako dzokunyisa? ⁹ Uta hwako hwakabudiswa pamhene; wakaisa misee pasinga. Sela. Wakamwesa nyika ngendwizi.. ¹⁰ Mitunhu yakakuona, ikatya; ndambi yemvura yakakukuza yechipinda; ruandhle rwakaereketa ngeizwi rarwo. Rwakamirudza nyara dzarwo mudenga. ¹¹ Zuva nomwedzi zvakaema paugaro hwazvo hwakakwirira; ngokujeka kwemisee yako zvakapinda ndipo, nokujeka kwomukhondo wako unon'anikira.. ¹² Muushungu wakatsikatsika nyika, mukunyangadzwa wakatsikatsika madzinza. ¹³ Wakabuda pamberi kuponesa vanhu vako, kooponesa wakadzodzwa wako. Wakapwanya soro rewemhatso yakashata, wechiradzika pamhene kubvira padzeyo metsa kuguma padenga. Sela. ¹⁴ Wakabaya ngemisee yake mukuru wengwazi dzake, wakauya kudai ngechipupuri kundiparadza; kudakara kwavo kwaiya kwakadai ngokwaavo vanopedza varombo ngokufishika. ¹⁵ Wakatsikatsika ruandhle ngemahachi ako, nokuvhundura mvura inesimba. ¹⁶ Ndinozwa, ndani yangu inohuta, miromo yangu inohuta ngeizwi. Kuora kwakapotera mumagodo angu, kuhamba kwangu kunohuta pashi pangu. Ndinogarira mukunyarara zuva rokutambudzika pakuuya kwaro padera pevanhu vanotirwisa ¹⁷ Kunyazwi muonde ukarekera kutumbuka maruwa, pasina michero pamuvhini; kunyazwi kubarwa kwemaorivhi kukakorera, neminda isikazobari kudya; kunyazwi amuna makwai muchibaya, nokuti amuna n'ombe muchibaya, ¹⁸ asi ndinozodakara munaMambo Mwari, ndinozodakara munaMwari woruponeso rwangu. ¹⁹ Mwari, Mambo Mwari isimba rangu; unoita kuti tsoka dzangu dzidai ngetsoka dzeshoma; unoita kuti ndihambe padera pendau dzangu dzakakwirira. Kumuembi mukuru pachidangari changu.