¹ Abrahama wakaroora mukadzi umweni, zita rake raizwi Ketura. ² Wakamubarira Zimrani, Jokishani, Medhani, Midhiani, Ishibhaki naShua. ³ Jokishani wakabara Shebha naDhedhani. Vana vaDhedhani vainga. ⁴ Vana vaMidhiani ndiEfa, Efe, Hanokhi, Abhidha naEridhaa. Veshe ava vainga vana vaKetura. ⁵ Abrahama wakapa zveshe zvaainga nazvo kunaIsaka. ⁶ Zwakadharo, paainga achapona waka[pa chipo kune wana wezwikwashura zwake akavaendesa kunyika kumabvazuva, kuretu na Isaka, mwana wake. ⁷ Aya ndiwo mazuva nemakore ekupona kwaAbrahama, makore zana nemakumi manomwe namashanu. ⁸ Abrahama wakafema kwokugumisira, akafa aamusharuka mukuro, nemakore majinji, wakaunganidzwa kune vanhu vake. ⁹ Isaka naIshumaeri vana vake vakamuika mubako reMakhipera, mumunda waEfroni mwana waZoha muHiti, pakaningirana neMamure. ¹⁰ Abrahama wainga waakatenga Munda uwokubva kuvaHiti, ndimwo mwaakaikwa Abrahama naSara mukadzi wake. ¹¹ Ngesure kwokufa kwaAbrahama Mwari wakafumisa Isaka mwana wake, naIsaka wakagara paBheeri-rahai-roi. ¹² Iyi ndiyo mubarirwana yaIshumaeri mwana waAbrahama waakabarirwa Abrahama ndiHaga muEgipite murandakadzi waSara. ¹³ Aya ndiyo mazita evana vaIshumaeri, anodudzwa ngokuteererana kudai ngekubarwa kwavo, dangwe raIshumaeri ndiNebhaiothi, Khedha, Adhibheeri, Mibhisamu, ¹⁴ Mishima, Dhuma, Masa, ¹⁵ Hadhadhi, Thema, Jeturi, Nafishi naKedhema. ¹⁶ Ava ndivo vanakomana vaIshumaeri nemazita avo, ngekuteererana kwemaguta avonepamatende avo; vainga vazvare gumi navairi ngokuteererana kwemadzinza avo. ¹⁷ Aya ndiona makore ekupona kwaIsmael: makore zana nemakumi matatu namanomwe. Ena wakafema kwekupedzisira akafa, azokaunganidzwa kune vanhu vake. ¹⁸ Nona vakagara kubvira Havhira kuguma Shuri iyo yakaringirana neEgipite, ngenjira inoenda Asiria. Wakagara akaringisana nehama dzake dzeshe. ¹⁹ Iyi ndiyo mibarirwana yaIsaka, muwana waAbrahama. Abrahama ndiye baba vaIsaka. ²⁰ Isaka wainga aane makore makumi marongomuna apo paakaroora Rebheka, mwana waBhethueri muAramu wePadhana-aramu, mukunda waRabhani muAramu. ²¹ NaIsaka wakakumbirira mukadzi wake kunaMambo Mwari, ngekuti wainga ngomwa, naMambo Mwari wakaashira mukumbiro wake, naRebheka mukadzi wake akaita mimba. ²² Vana vakaphinyaukirana mukati mwake, ena akati: “Ngeyi izwi zweshi itika kwendiri?” Wakaenda koobvunza Mambo Mwari. ²³ Mambo Mwari wakati kwaari: “Madzinza mairi ari mundani yako, nevanhu vairi vanobarwa ndiwe vanozoparadzana. Umwe unozogwinya kupinda umweni, nemukuru unozoshandira mudoko.” ²⁴ Apo mazuva ake ekubara akwana, Painga pane matwindzi ainga mundani yake. ²⁵ Dangwe rakabuda riri shava, muiri waro weshe wakadai ngechokufuka chine mviri, vakadudza zita rake kuti Isau. ²⁶ Chinguwa chinguwa, kwaka uya munukuna wake, nenyara yake yainga yakabata chisisinho chaIsau, nezita rake rakadudzwa kuti Jakobe. Isaka wainga aane makore makumi matanhatu apo paakavabara. ²⁷ Apo vakomana vakura, Isau wainga muvhimi mukuru, munhu wemushango; naJakobe wainga munhu wakanyararisa, waigara mumatende. ²⁸ Isaka wakada Isau, ngekuti wairha nyama dzaaivhimwa mwana wake, asi Rebheka wakada Jako. ²⁹ Kamwe apo Jakobe paakabika muriwo, Isau wakauya echibva mushango, wainga anendzara. ³⁰ Saka, Isau wakati kunaJakobe: “Ndipe, ndidye, uwo muriwo wakatsvuka, ndapota ngekuti ndaitandzara!” Sake zita rake rakadudzwa kuti Edhomu. ³¹ Jakobe wakati kwaari, “Kutanga nditengesere udangwe wako.” ³² Isau wakati: “Wona, inini ndiri paduze pekufa. Udangwe hunozondidetsereyi?” ³³ Jakobe akapinda echiti: “Pika kwendiri kutanga.” Saka, Isau wakapika kwaari, nazvo, akatengesa udangwe wake. ³⁴ Jakobe wakapa Isau chingwa nemuriwo werupiza, naye wakarha, akamwa, akamuruka, akaenda ngenjira yake. Ngekudaro Isau wakashoora udangwe wake.