¹ Abrahama wakabvepo akaenda kunyika yeNegebhi, akagara pakati peKadheshi neShuri. Ena wainga asiri emunyika iyo waigara muGera. ² NaAbrahama wakati ngemaererano naSara mukadzi wake: “ Ena Mukunda wangu.” Saka NaAbhimerekhi mambo weGera wakatuma vanhu, akatora Sara. ³ Asi Mwari wakauya kunaAbhimerekhi mukurota usiku, akati kwaari: “Iwewe uchafa, ngendaa yemukadzi wewakatora; ngokuti mukadzi wemunhu.” ⁴ Apo, Abhimerekhi wainga asati akwedzera kwaari; wakati: “Mambo Mwari, unozouraya here nedzinza rakatendeka? ⁵ Aasi ena akandi bwira kuti: ‘ Ena Mukunda wangu?’ Naye emene wakabuya kuti: ‘Ena Mukoma wangu.’ Ndakaita ichi Mugwinyiso remwoyo wangu nekutama ndaa kwenyara dzangu.” ⁶ Saka, Mwari wakati kwaari mukurota: “Eya, ndinozia kuti wakaita ichi mugwinyiso remwoyo wako; ndini ndakakupinga kuti usandishaishira; ndizvo andizi kukutendera kuti umugwame. ⁷ Ndizvo zvino hwirinza mukadzi womunhu; ngokuti iye muprofeti, naye unozokukumbirira, newe unozorarama. Asi kuti ukarekera kumuhwirinza, zia kuti ngegwinyiso unozofa, iwewe navo veshe vari vako.”, ⁸ Abhimerekhi wakafumira kumiruka mangwanani, akadaidza varanda vake veshe, akavaronzera zviro zveshe izvi; vamuna vakatya kakurutu. ⁹ Apo Abhimerekhi wakadaidza Abrahama, akati kwaari, “Waitenyi kwetiri? Ndakakushaishirenyi, zvaita kuti uunze padera pangu nepoumambo chishaishi chikuru? Waita kwendiri zvisikasisiri kuti zviitwe. ¹⁰ Abhimerekhi wakati kunaAbrahama: “Chiinyi chowakaona iwewe kuti uite ichi chiro?”. ¹¹ Abrahama wakadaira echiti: “Ngekuti inini ndaiti kewndiri kuti: ‘Ngegwinyiso akuna vanotya Mwari kundau iyi vanozondiuraya ngendaa yomukadzi wangu.’ ” ¹² Zvakanyadaro, ngegwinyiso mukunda wangu, mwana wababa angu, asi haiwa mwana wamai angu; naye wakaita mukadzi wangu. ¹³ Mwari paakaita kuti ndipepesheke kubva kumhatso yababa angu, ndakati kuna Sara: “Iwewe unofanira kundiitira chakanaka se mukadzi wangu. kuti, kundau dzeshe kwetinozoguma, uronze ngezwangu kuti: ‘ Ena Mukoma wangu.'' ¹⁴ Saka, Abhimerekhi wakatora makwai, mombe nevaranda vamuna nevakadzi, akavapa kunaAbrahama, akahwirinza kwaari Sara mukadzi wake. ¹⁵ Abhimerekhi wakati: “Ningira, nyika yangu iri pamberi pako, gara apo pounoda.” ¹⁶ Wakati kunaSara: “Ningira, ndapa mukoma wako zvigurwa zvesirivha gumi remazana, kuonisa kuti wapembedzwa, auna ndaa, pamberi pemunhu weshe iwewe washeneswa.” ¹⁷ Abrahama wakakumbira kunaMwari naMwari wakaponesa Abhimerekhi nemukadzi wake, nezwikwashura zwake kuti vabare vana. ¹⁸ Ngekuti Mambo Mwari wainga atsiira ndani dzeshe dzevemhatso yaAbhimerekhi, ngendaa yaSara mukadzi waAbrahama.