¹ Apo Sarai mukadzi waAbrama aazi kumubarira vana. Asi ena Wainga nemuranda musikana waibva Egipite, zita rake ndiHaga. ² Saka Sarai wakati kunaAbrama: “Wona, Mwari wakandiita kuti ndisabara vana. Unowata nemuranda musikana wangu. Pamweni ndingaita vana ndiye.” NaAbrama waka pa kuzwa izwi raSarai. ³ Ndizvo Abrama agara makore gumi munyika yeKhenani, Sarai mukadzi waAbrama wakatora Haga muEgipite hloko yake, akamupa kunaAbrama mwamuna wake kuita mukadzi. ⁴ Wakapinda munaHaga naye akaita mimba, paakaona kuti wane mimba, wakaningira nekeyeisa mukadzi wake. ⁵ Saka, Sarai wakati kunaAbrama: “Kushaishirwa kwangu ngakugare kweuri. Ndakakupa muranda musikana wangu paditi rako, apo aona kuti waane mimba, wakandishoora mukuona kwake. Mambo Mwari ngaatonge pakati pako neni.” ⁶ Asi Abrama wakati kunaSarai: “Wona, muranda musikana wako uri munyara yako, ita kwaari kudai ngechiri chakanaka mukuona kwako.” Nekudaro Sarai wakamutambudza, ena wakatiza kubva pamberi pake. ⁷ Ngirosi yaMambo Mwari yakamuona ari pachinyuka chemvura mushango, pachinyuka chiri munjira inoenda Shuri. ⁸ Nayo yakati: “Haga, muranda musikana waSarai, wabva kuri nekaunoenda ngekuri?” Ena akati: “Ndiri kutiza kubva kuhope yatenzi wangu Sarai. ⁹ Ngirosi yaMambo Mwari yakati kwaari: “Hwirira kunatenzi wako, udzininipise pashi penyara dzake''. ¹⁰ Ngirosi yaMambo Mwari yakatizve kwaari: “Ndinozowanza kakuru mibarirwana yako, kuti isakona kuerengwa ngekuwanda. ¹¹ Nengirosi yaMambo Mwari yakati zwe kwaari: “Wona, waane mimba, unozobara mukonana, unozodudza zita rake kuti Ishumaeri, ngekuti Mambo Mwari wakazwa kutambudzika kwako. ¹² Unozodai ngembongoro yomushango pakati pewandhu. Ena inozorwisana nemunhu weshe, nenyara yemunhu weshe inozorwisana naye; ena unozogara echirwisana nehama dzake dzeshe.” ¹³ Saka Hagar wakadudza zita raMambo Mwari uwo wakareketa kwaari kuti: “Imwimwi ndimwi Mwari unondiona,” ngekuti wakati: “Ngegwinyiso ndaona Mwari neni ndikasara ndechipona ndamuona here?” ¹⁴ Ndizvo chinyuka chakadudzwa kuti, “Bheeri-rahai-roi;” chiri pakati peKadheshi neBheredhi. ¹⁵ Haga wakabarira Abrama mwana wemukomana naAbrama wakadudza zita remwana wake, waakabarirwa ndiHaga, kuti Ishumaeri. ¹⁶ Abrama wainga aane makore makumi masere nematanhatu apo Haga paakabarira Abrama Ishumaeri.