¹ Ava ndivo vakuru vemhatso dzemadzibaba avo, nouku ndikwo kuerengwa kwemazina emibarirwana yavo, aavo vakakwira neni kubva Bhabhuroni, mukutonga kwaArthazekizesi mambo: ² Vemibarirwana yaFinehasi, Gershomu; vemibarirwana vaIthama, Dhanieri; vemibarirwana yaDhavhidha, Hatushi, ³ vemibarirwana yaShekania; vemibarirwana yaPharoshi, Zekharia, pamwepo naye vakaerengwa nokunyorwa mazana emibarirwana yevamuna zana nemakumi mashanu ⁴ vemibarirwana yaPhahathimoabhi, Eriehoenai mukororo waZerahia, pamwepo naye vamuna mazana mairi . ⁵ vemibarirwana yaZatu, Shekhania mukororo waJahazieri, pamwepo naye vamuna mazana matatu. ⁶ vemibarirwana yaAdhini, Ebhedhi mukororo waJonathani, pamwepo naye vamuna makumi mashanu. ⁷ vemibarirwana yaEramu, Jeshaia mukororo waAtharia, pamwepo naye vamuna makumi manomwe ( ⁸ Vemibarirwana yaShefatia, Zebhadhia mukororo waMikhaeri, pamwepo naye vamuna makumi masere ⁹ vemibarirwana yaJoabhi, Obhadhia mukororo waJehieri, pamwepo naye vamuna mazana mairi negumi nevasere

10.

¹⁰ vemibarirwana yaBhani, Sheromithi mukororo waJosifia, pamwepo naye vamuna zana nemakumi matanhatu ¹¹ vemibarirwana yaBhebhai, Zekharia mukororo waBhebhai, pamwepo naye vamuna makumi mairi nevasere. ¹² Vemibarirwana yaAzigadhi, Johanani mukororo waHakathani, pamwepo naye vamuna zana negumi . ¹³ Vemibarirwana yaAdhonikamu, avo vakapedzisira kuuya, mazina avo ngaaya, Erifereti, Jeeri naShemaia, pamwepo navo vamuna makumi matanhatu ¹⁴ Vemibarirwana yaBhigivhai, Uthai naZakuri, pamwepo navo vamuna makumi manomwe ¹⁵ Ezura wakati ""Ndakavaunganidza pamwepo kurwizi urwo runoenda Ahavha; naapo takagarapo mazuva matatu mumatende. Naapo ndaringira vanhu nevapristi, andizi kuonapo naumwe hake wemibarirwana yaRevhi. ¹⁶ Zvino ndakatuma nhumwa koodaidza Erieza, Arieri, Shemaia, Erinathani, Jaribhi, Erinathani, Nathani, Zekharia naMeshuramu, avo vaiya vatungamiriri, naJoiaribhi naErinathani, vamuna vaiya vakangwara, ¹⁷ nokuvatuma kunaIdho, mutungamiriri pandau inozwi Khasifia, ndakavaronzera zvokuti vaerekete kunaIdho, nokunehama dzake vashandi vomutemperi, kundau inozwi Khasifia ndikwo kuti vatumire kwetiri vashandi vemhatso yaMwari wedu. ¹⁸ Ngendaa yokuti nyara yakanaka yaMwari yaiya padera pedu, vakatiunzira munhu unozwisisa wemibarirwana yaMahiri, mukororo waRevhi, mukororo waIsuraeri, ngemazina avo Sherebhia, pamwepo nevakororo vake nehama dzake gumi nevasere . ¹⁹ Hashabhiawo pamwepo naJeshaia wemibarirwana yaMerari, nehama dzake nevakororo vavo, makumi mairi . ²⁰ ngepabanze pemazana mairi nemakumi mairi , vashandi vomutemperi, avo vaakaemesa Dhavhidha nenduna dzake kuita mushando wevaRevhi. Ava veshe vakadudzwa ngemazina.. ²¹ Zvino ndakaemesapo kuti kuerwe kudya, paRwizi Ahavha, kuti tidzipfaise pamberi paMwari wedu, kuti titsvake kubva kwaari njira yakarurama kwetiri, nokunevana vedu, neyepfuma yedu yeshe. ²² Ngokuti ndakatsveruka kukumbira kunamambo chikwata chevarwi vehondo nevagadhi vemahachi kuti vatingwarire kubva kunemagaa edu munjira, ngokuti taiya takaronza kunamambo kuti, “Nyara yaMwari wedu iri padera pavo veshe kuita zvakanaka kwevari veshe vanomutsvaka; asi simba rake noushungu hwake hunobaka kwevari veshe vanomusiya.” ²³ Ndizvo takaera kudya, tikakumbira kunaMwari ngeizvi, naye wakapurutana kupota kwedu. ²⁴ Zvino ndakaemesa vapristi vakuru gumi navairi, Sherebhia, Hashabhia, nehama dzavo gumi vevaiya navo. ²⁵ Ndakavapimira sirivha, mukore, nezvidziyo, munikero wemhatso yaMwari wedu, izvo mambo, makota ake, vakuru vake, nevaIsuraeri veshe vaiyapo zvevakanikera. ²⁶ Ndakapimira munyara dzavo mametrikhi thanisi makumi mairi nemairi ezvigurwa zvesirivha, nezvidziyo zvesirivha zana zvinorema makhirogramu makumi manomwe, nezvomukore zvinorema makhirogramu makumi emazana matatu nemazana marongomuna ²⁷ mikheyo makumi mairi yomukore, inorema makhirogramu masere nezvidoko zvirongomuna, nezvidziyo zviiri zvethusi rakaeriswa, zvinomutengo wakadai ngowemukore. ²⁸ Neni ndakati kwevari, “Imwimwi muri vakacheneswa kunaMambo Mwari, nezvidziyo zvakacheneswa; sirivha nomukore zviripo zvinopuwa ngomwoyo unoda kunaMambo Mwari, Mwari wemadzibaba enyu. ²⁹ Zvirindenyi, muzvingwarire, metsa muzvipime pamberi pevapristi vakuru nevaRevhi, nevakuru vemhatso dzemadzibaba muIsuraeri, muJerusarema, mumakamera emhatso yaMambo Mwari. ³⁰ Ndizvo vapristi nevaRevhi vakatora sirivha, mukore nezvidziyo, apo zvapimwa kuti vazviunze Jerusarema kumhatso yaMwari wedu. ³¹ Zvino takabva paRwizi Ahavha ngezuva regumi nemairi romwedzi wokutanga, kuenda Jerusarema; nyara yaMambo Mwari wedu yaiya padera pedu, naye wakatirwira kubva munyara dzamagaa nedzeavo vaitihwarira munjira. ³² Takaguma Jerusarema, takagaramwo mazuva matatu. ³³ Ngezuva rechina mumhatso yaMwari wedu sirivha, mukore nezvidziyo zvakapimwa zviri munyara yomupristi Meremothi mukororo waUria; waiya naye Ereaza mukororo waFinehasi; vaiya navo vaRevhi Jozabhadhi mukororo waJeshua naNoadhia mukororo waBhinui. ³⁴ Zveshe pamwepo zvakaerengwa nokupimwa nouremu wezviro zveshe hwakanyorwa ngouwo mukuwo. ³⁵ Panguva iyo avo vakauya kubva kuusungwa, vakapetuka kubva kuuhloko, vakapira midiro yokupisha kunaMwari waIsuraeri, mikono gumi namairi, kuitira vaIsuraeri veshe, magondohwe makumi mapfumbamwe namatanhatu, makwayana makumi manomwe nemanomwe, nemagotokoto gumi namairi kuita mudiro wezvishaishi; zveshe izvi zvakaita mudiro wokupisha kunaMambo Mwari. ³⁶ Vakapazve mipango yakanyorwa yamambo kunevatungamiriri vehondo vamambo, nokuvatongi venyika yoruseri rworwizi; vakadetsera vanhu nemhatso yaMwari.