¹ Vanhu vamweni vakadzaka vechibva Judhia, vaidzidzisa hama vechiti: “Ngepabanze pokuti mwachekwa, kudai ngomushuma waMosi, amungaponeswi.” ² Naapo Phauri naBhanabhasi vaitirana hasha navo nokubvunzisana, Phauri naBhanabhasi nevamweni vavo vakaemeswa kuti vakwire Jerusarema kuvapostori nevakuru ngeiyi ndaa. ³ Ndizvo vechitumwa ngechiara, vakahamba ngemuFoenisia nomuSamaria, vechivaronzera ngokutenderuka kwevemadzinza, navo vakaita kuti hama dzeshe dzidakare kakura. ⁴ Naapo vaguma Jerusarema, vakaashirwa ngechiara nevapostori nevakuru, navo vakashumira zveshe zvaiwa waita Mwari ndivo. ⁵ Asi vakamiruka vamweni vorudzidziso rwevaFarisi, avo vakatenda vechiti:“Kunosisira kuti vachekwe nokupangwa kuti vangwarire Mipango yaMosi.” ⁶ Vapostori nevakuru vakaungana kuti vapangane ngeiyi ndaa. ⁷ Ngesure kwokuphikisana kukurutu, Petro wakamiruka, akati kwavari: “Hama, munozia kuti kubvira mazuva okutanga Mwari wakatsanangura pakati penyu, kuti kubudikidza ngomuromo wangu vemadzinza vazwe izwi revhangeri, vatende. ⁸ Mwari uwo unozia mwoyo wakaita chapupu ndivo, ngokuvapa Mweya Wakachena kudai ngezvaakaita kwetiri; ⁹ naye aazi kuita mupauko pakati pedu navo, echichenesa mwoyo yavo ngokugonda. ¹⁰ Ndizvo zvino munoedza Mwari ngenyi, ngokuisa joka mumutsipa mwevadzidzi, revasikazi kukona kutwara madzibaba edu nokuti isusu?, ¹¹ Asi tinotenda kuti tinozoponeswa ngenyasha dzaMambo Jesu kudai ndivo.” ¹² Mbungano yeshe yakanyarara, nayo yakapurutana kunaBhanabhasi naPhauri vechivaronzera ngezvioniso nemishamiso zvaakaita Mwari. ¹³ Naapo vapedza kuereketa, Jakobe wakapingura echiti: “Hama, vakoma, mwechindizwai., kubudikidza ndivo pakati pevemadzinza. ¹⁴ Simeoni wadudzira njira yaakatanga ndiyo Mwari kuhambira vemadzinza, kuti atore kubva kwaari vanhu vezina rake. ¹⁵ Nemazwi evaprofeti anotenderana neizvi, kudai ngezvakanyorwa,, ¹⁶ ‘Ngesure kweizvi ndinozopetuka, ndinozoakisazve ugaro hwaDhavhidha hwakaputsika, neni ndinozoakisazve matongo ahwo, ndinozohuemesa, ¹⁷ kuti vakasara veavo vanhu vatsvake Mambo Mwari, nevemadzinza veshe, avo vanodaidzwa ngezina rangu, unoronza Mambo Mwari uwo wakaita izvi zveshe, ¹⁸ kuti zviziikanwe kubvira karetu.’ ¹⁹ “Ndizvo kugura kwangu inini ndinoti atisisiri kutambudza avo vemadzinza vanotenderukira kunaMwari,, ²⁰ asi ngativanyorere kuti vasasvipiswa ngokudya zvakadirwa miedzaniso, kuomba, vasadya zvinodzipwa nengazi. ²¹ Ngokuti kubvira kumibarirwana yekaretu, Mosi unavo kumadhorobha eshe vanochumaira ndiye, echidzidzwa mumhatso dzokudira Sabatha rimwe ngarimwe.” ²² Naapo vapostori nevakuru vakatenderana pamwepo nechiara cheshe, kuti vatsanagure vanhu kubva pakati pavo kuti vavatume kuenda Antiokhi, pamwepo naPhauri naBhanabhasi. Vakatuma Judhasi unozwi Bharsabhasi naSirasi, avo vaiya vanhu vakuru pakati pehama,, ²³ vakanyora tsamba vechiti: “Hama, veshe vapostori nevakuru, kunehama dzemadzinza dzinogara muAntiokhi nomuSiria nevari muSirisia, tinomuchingamidza. ²⁴ Takazwa kuti vanhu vamweni vakabva kwetiri vakamutambudza ngemazwi, vechipaukisa mweya yenyu, vetisikazi kutuma kuita izvo,, ²⁵ zvakaoneka kwetiri zvakanaka, apo taungana ngechisungo chimwe, kuti titsanangure vanhu nokuvatuma kwomuri pamwepo nevanodikanwa vedu, Bhanabhasi naPhauri, ²⁶ vanhu avo vakaisa kupona kwavo mungozi ngendaa yezina raMambo wedu Jesu Kristu. ²⁷ Ndizvo tatuma Judhasi naSirasi, ivo vanozomuronzera vemene zviro izvi ngomuromo.,” ²⁸ Ngokuti zvakaoneka zvakanaka kuMweya Wakachena nokwetiri kuti tisamutwarisa mutwaro unorema kupinda izvo zviro zvinosisira: ²⁹ kuti murekere kudya izvo zvinopirwa miedzaniso yokudira nengazi nezvinodzipwa nokuomba. Kudai mwechidzingwarira kubva kuneizvi pachenyu, zvinozonaka kwomuri. Chisarai zvakanaka. ³⁰ Ndizvo vakatumwa kuti vaende, vakadzaka Antiokhi; naapo vaiya vaunganidza mbungano pamwepo, vakavapa tsamba. ³¹ Naapo vaidzidza, vakadakara ngemazwi okugwinyiswa. ³² Judhasi naSirasi vemene vaiya vaprofeti, vakaembedzera hama ngemazwi mazhinji nokuvagwinyisa. ³³ Ngesure vagarapo kamukuwo, vakaendeswa ngehama ngokunyarara kuneavo vakavatuma. ³⁴ Asi zvakanakira Sirasi kugarapo. ³⁵ Asi Phauri naBhanabhasi vakagara muAntiokhi, vechidzidzisa nokuchumaira izwi raMambo, nevamweniwo vazhinji. ³⁶ Ngesure kwamazuva Phauri wakati kunaBhanabhasi: “Ngatihwirire zvino, tihambire hama mumadhorobha eshe etakachumaira izwi raMambo, tione kugara kwavanoita ³⁷ Asi Bhanabhasi waida kutora Johani, waizwi Marako, kuhamba navo. ³⁸ Asi Phauri wakakarakadza kuti azvizi kunaka kutora uwo wakadzipaura kubva kwavari vari muPhamufiria, usikazi kuenda navo kumushando. ³⁹ Vakaitirana hasha dzakashata, vakaparadzana umwe kubva kunoumweni, naBhanabhasi wakatora Marako kuenda naye, akahamba ngengarava kuenda Saipurasi., ⁴⁰ Asi Phauri wakatsanangura Sirasi, akaenda, apirwa kunyasha yaMambo ngehama. ⁴¹ Naye wakahamba muSiria nomuSirisia, echigwinyisa zviara.