¹ Asi kwakanga kune vaporofita vekunyepa pakati pevanhu, sezvavachavapo pakati penyu vo vadzidzisi vekunyepa. Vachapinza pakavanda dzidziso dzakapauka dzinoparadza, vachamuramba Tenzi akavatenga, vechizviunziira kuparadzwa. ² Vajinji vachateera vutere wavo, nokuda kwavo nzira yechokwadi ichazvidzwa. ³ Pakukarira kwavo mari vachamunyengera nemashoko amano-mano. Kutongwa kwavo, akunonoki, nekuparadzwa kwavo hakunonoki. ⁴ Nokuti Mwari wainga asina kuregarera vatumwa vakatadza, asi wakavakandira muTartaro nekuvaisa kumakomba erima, kuti vachengeterwe kutongwa. ⁵ Nekuti vo aazi kuregerera nyika yekare, asi wakaponesa Nowa ainga ari muparidzi wakanaka pamwe nevamwe vanomwe, nguva yaakaunzwa mvura jinji panyika yevanhu vakanga vasingadi Mwari. ⁶ Mwari akashandura vo maguta eSodhoma neGomora akaaita madota, akaatongera kuti aparadzwe, akaaita chive chiratidzo kune avo vachagara vasingadi Mwari. ⁷ Asi, akasunungura Roti, wakanga akanaka, wakazvirha moyo nekuda kemufambiro akasvipa wevanhu vakashata vasina murairo. ⁸ Nokuti munhu uyu wakanaka, aigara pakati pavo echivona nekunzwa, wakarwadzisa mweya wake wakanaka zuva nezuva nemabasa avo akanga asina kunaka. ⁹ Nekudaro, Ishe unoziva kusunungura pamiedzo vanonamata Mwari, nokuchengeta vasakanaka vave pakurobwa kusvikira pazuva rekutongwa; ¹⁰ zvikuru ivo vanofamba nomutovo wenyama pakuchiva kunosvipisa nokuyeisa vakuru vanosunga. Vona vanoiita nokuda kwavo, vasingatyi kutuka avo vanekugwinya. ¹¹ Vatumwa, kunyange zvavo vanesimba neukuru, havauyi pamberi paShe nemhosva yokuvapomera. ¹² Asi ava zvavanotuka zvavasingazivi, vakaita semhuka dzisinamurangariro, dzakaberekwa kuti dzibatwe, dziparadzwe, navo vachaparadzwa pakuora kwavo, ¹³ vechiitirwa

zvisakanaka, uri mubairo wokusanaka kwavo; sevaya vanoti, mafaro kuita zvakachata masikati, avo makwapa nemavara, vanofara nokunyengera kwavo kana vechidya nemi.

¹⁴ Vane maziso akadzara neupombwe, asingaregi kutadza; vanonyengera vanhu vasinasimba; vanemoyo wakadzidziswa kuchiva; avo vana vekutukwa. ¹⁵ Vakasiya nzira yakanaka, vakapauka, vakateera nzira yaBharami, mwanakomana waBheori, akada mubairo

wekusanaka.

¹⁶ Asi wakarairwa pamusoro pokudarika kwake, nokuti mbongoro, isingagoni kureketa, yakareketa nezwi remunhu, ikadziisa kupenga kwemuporofita. ¹⁷ Aya matsime asinemvura, mhute inodzingwa nemhepo. Avo vakachengeterwa kusvipa kwerima nokusingaperi peri. ¹⁸ Nokuti nokureketa kwavo mashoko mazhinji okuzvikudza asina

maturo, vanonyengera pakuchiva kwenyama ne utere, avo vachangotiza vechibva kune vanogara pakutsauka.

¹⁹ Vechivapikira kusunungurwa, nyamba avo vamene varanda vekuora, nokuti waakundwa naye, munhu unoitwa muranda wake. ²⁰ Nokuti avo, kana nenzira yokuziva Ishe, Muponesi Jesu Kristu, vambotiza havo zvinosvipisa zvenyika, kana vakabatwa nekukundwa zve nazvo, kuguma kwavo kwaipa kupfuura kutanga

kwavo.

²¹ Nokuti zvainga nane kwavari kana vasaiziva nzira yokunaka, pakuti vadzoke pamurairo mutsvene wavakapiwa, wavakanga vambouziva havo. ²² Chirevo ichi chinorewa neshumo

yechokwadi ndizvo zvakaitwa kwavari, zvinoti: Imbwa yakadzokera kumarutso ayo, nenguruve yakanga yashambidzwa, yo petuka mumadaka.