¹ Sa oti na vikwa kwe a lia ledra soqo na Jiu, qa laka cake o Jisu i Jerusalemi. ² Sa bututki Jerusalemi o Jisu i na matamata ni sivi, e i tau no ka e i lia na moto keli, e yaca va Iperiu o Peciseita, qa lima kea varada tau coko medra bewa. ³ Ere no tu ka ere bi na raraci, matacika, na lokiloki qa o kora na Varalase ere doki vali ⁴ ka. ⁵ A no vali muni ka a lia na tagwane sa yabaki tolusagavulu ka walu na lea raraci tu. ⁶ Sa tolavia o Jisu lea dokino, qa vakilatia ni sa tutunulea doki vali, a kwaya i vua," E vinatia mo cola vina?" ⁷ A kwaya na tamata tauvimate,"momo ei lala lia ei dau mei au i na moto ni viasili ni sa lei yagavuli na wai. Qi sa dau tivari qa cavu la lia i mata i va au" ⁸ Sa kwaya i vua o Jisu," dure i yata qulu lem i dokidoki qo laka" ⁹ A tam bere qa sa cola na tagwane kwe, qa qaratia lea dokidoki qa yato. Ia na siga kwe na siga ni vacecegu. ¹⁰ A re sa qei vece na tagwane ko a raraci, o kem na koi Jutia," Ko kwe na siga ni vacecegu ei tam vatarai mo dagi lem i dokidoki". ¹¹ Sa qei vecera,"o koya a vacola ni au a kwaya i va au ,"qaratia lem i dokidoki qo laka" ¹² A re qei cacania," o ei na tamata ko a veceko,' qaratia i yata qo dagi?". ¹³ Ia o koya a vacolai a tam kilatia ni sa laka vailo yati o Jisu, ni re bi coko na tamata i na vanua so kwe. ¹⁴ Sa oti , sa qei ligocia leqwa o Jisu na tagwane kwe i were ni soqo qa kwaya i vua,' tolavia, o sa cola vina kua ni qei valavala ca leqwa, me kua ni qei yaco viko ei lia na kwa ei bibita cake" ¹⁵ Sa qei laka dei na tagwane kwe qa vecera na koi Jiutia ni o Jisu a vacola nia. ¹⁶ Baletia na vikwa kwe a re sa qei vatotoci Jisu, i na lea vayaconia na lawa kwe i na siga ni vakacegu. ¹⁷ Sa qei vecera o Jisu." O Tama i au e i cakacaka sara ga no ko kwe, qa o au muni qi cakacaka no". ¹⁸ Nai tukutuku kwe, a vavunia sara ga mere vadani Jisu mere vamate baletia a tam basukia boto na siga ni vacecegu, ia a kwaya muni me ni Tamaya na Kalou, Sa mei koya cake ka me tia Kalou. ¹⁹ Sa vecera o Jisu," Ei du, ei du na Luve ni tamata ei tam tara ei lia na kwa vatakinia boto, na kwa boto koi tolavia ni tara no o Tamaya, na vikwa i tara o Tamaya, ei tara muni o luvea na vikwa kwe. ²⁰ Me wetai lea lomani Luvea o Tamaya qa vatakea i vua na kwa coko ei tara, ei na qei vatakea ne vikwa tetelagi i yata mai na vikwa kwe mo ba qorovia. ²¹ Me wetai na lea vadure ni kora mate o Tamaya qa vagani kora na cola, sa wetai muni lea vagania na cola o Jisu vua ei vinataia me vagania ka. ²² Ei tam lewa lia na kwa o Tamaya ia sa vagani Luvea na lewa taucoko. Mere valagilagi Tamaya. ²³ O koya ei tam varokoroko i va Luvea, ei tam varokoroko i va Tamaya o koya a vatalai koya mai. ²⁴ Ei du, ei du, o koya ei varogo lequ tata qa vabauti koya a vatalati au mai, sa lea na cola tam mudu qa tam lei borisi, qa sa tikawa mai na mate i na cola. ²⁵ Ei du,ei du, qi vecei vatikem sa laka mai na gauna, qa na tata ni Luve ni Kalou, o kora na mate, o kora ere varogo ere na cola. ²⁶ Me wetai ni tau na cola i va Tamaya sa vagani Luvea muni me tau muni na cola i vua. ²⁷ Qa sa vagani Luvea o Tamaya na lewa me qwaravia na vilewai baletia ni tia luve ni Tamata ²⁸ Kua ni ba qorovia na kwa kwe, ei na cedre mai ei lia na gauna, o kora coko ere no tu i nai bulubulu ere na rogo e domo. ²⁹ Qa re na rusu mai i teba. O kora a re tara na vikwa vina ere na dure mere cola, qa o kora a re tara na vikwa gigilo ere dure mere lewai. ³⁰ Qi tam rewa ni tara i lia na ka vataki ni au. Ni qu varogo, qu lewa, ia lequ lewa ei dodoro baletia qi tam vadania lequ i naki, ia lea i naki o koya a vatalati au mai. ³¹ Maga qi lewai au, ei na tam du lequ i tukutuku. ³² Ei teni lia ko i kwai au, qa qu kilatia na kwa i kwaya baleti au ei du ³³ O ba vivakatala me laka mai o Joni, qa sa mai tukunia na du. ³⁴ Ia nai tukutuku me baleti au ei tam laka mai i vua na tamata. Qi kwaya na kwa kwe me rewa ni o ba vacolai. ³⁵ O Joni a lia na cina a mamaudre qa cece, qa o ba gadrevia mo ba marau i na lea cece. ³⁶ Nai tukutuku i tau i va au ei tetelagi i yata mai va Joni, me baletia na cakacaka a vagani au o Tama i au mequ vasenia, na cakacaka qi tara, ei vatakei au ni o Tamai au a vatalati au mai. ³⁷ O Tamai au a vatalai au mai, o koya vatakinia sa tukutuku me baleti au. ³⁸ O ba tam varogo e domo se dania kea i tuvaki i na lia na gauna. Ei tam tau kata i va vatikem lea tata, ni o ba tam vabauti koya a vatala mai. ³⁹ O ba vakaqetu i na i Vola Tabu ni o ba numia i so keni mo ba rewatia ka na cola tam mudu, ia nai vola e ei vatakei au no boto. ⁴⁰ Qo ba tam lawacia mo ba laka mai i va au mo ba rewatia ka na cola. ⁴¹ Qi tam ciqomia na vidokai mai vuara na tamata. ⁴² ia qi kilatia ei lala i va vatikem coko na loloma vakalou ⁴³ Qu laka mai i e yaca o Tamai au, qo ba tam vinati au. Maga ei lia leqwa ei laka mai i e yaca boto oba na ciqomia. ⁴⁴ Ei rewa vakayava mo ba vabautia, o vatikem o ba ciqonia na vvidokai mai vua ei lia leqwa i vatikem, qo ba tam vadania koi laka mai vua talia boto na kalou? ⁴⁵ Ba kua ni numia ni qu na bilitaki ni vatikem i va Tamai au. Ko i bilitaki ni vatikem o Mosese, ko ba sa taunia ka vatilem vavabauti. ⁴⁶ Maga o ba vabauti Mosese, mo vabauti au muni, baleti koya a volai au no boto. ⁴⁷ Maga o ba tam vabautia na kwa a vola o ba na vabautia vakayava na lequ tata.?"