¹ Ni sa kilatia o Jisu ni re s rogo na Varisi ni sa bi cake a vatisaivelitaki ni ra qa vavitaisotaki ni ra mai va Joni. ² [Ia o Jisu vataki ni koya a si tam vavitaisotaki vali, o kora ga na lea tisaiveli]. ³ A sa dei ni Jiutia mai qa lesu leqwa i Kaleli. ⁴ Ia, a ganitia me ru siviti Samaria mai. ⁵ A laka mai o koya i tauni mai Samaria, e yaca o Saika, valeketia a lia na tiki ni qwele a solia o Jekove iva luvea o Joseva. ⁶ Na moto keli lei Jekove a tauno so keni. A sa watete o Jisu i na lea i yatoyato qa mai gatule ina tiki ni moto keli. Donumaki nia na i ka ono ni auwa. ⁷ A lia na vibulou ni Samaria a laka mai me take wai, a kwaya i vua o Jisu," Solia mai e i sewa na wai mequ som re". ⁸ Ni o kora na lea tisaiveli a re laka tu i tauni me re lai voli magiti. ⁹ A kwaya na vibulou ni Samaria i vua ,"E i rewa vaka yava, o iko na Jiu, mo kerevi au, ni qu tia vibulou ni Samaria, me lia na kwa mo somia?"o kora na Jiu e ere tam virogoi qa ni kora na koi Samaria. ¹⁰ A saumia o Jisu qa kwaya i vua," Maga e kilatia na i solisoli ni Kalou, qa o koya i tata no ya i va iko, solia mai mequ som, ma ga e na qei kerevia i vua, i na qei solia iva iko na wai ni cola." ¹¹ Na vibulou kwe a kwaya i vua," Momo, ei lala iva kem na vokete, na moto keli ei diro" E na rewatia mai vei na wai ni cola e ? ¹² O kem om tam tetelagi i yata, se i kua, mai va tamai meda o Jekove, o koya a solia vakemam na moto keli a som no ka o koya, o kora na luvea qa na lea bulumakau?" ¹³ A saumia lesu qa kwaya o Jisu vua, o koya ga ei somia na wai kwe ei na mata som ga no. ¹⁴ Ia o koya ga ei som mai na wai qi solia vua ei na tam som leqwa, ia, na wai qi solia i vua i na yaco me vure tuga maga i vua, me tia mata ni wai tovure yati ina cola tam vai yalayala" ¹⁵ A kwaya i vua na vibulou," Momo solia mai va au, na wai e mequ kua ni mata som leqwa, qa mequ kua ni laka leqwa mai ka kwe me qu mai take wai. ¹⁶ A kwaya i vua o Jisu," Laka lai covi mlewe, qo laka leqwa mai ka kwe" ¹⁷ Saumia na vibulou qa kwaya i vua," E i lala o qu lewe ," Saumia lesu o Jisu," i du no lem kwaya, e i lala om lewe,'. ¹⁸ A tam lima oti sila om lewe i mata, qa o koya o ru no qa no kwe e i tam ni m lewe. Na kwa e kwaya ni mai e i kwa du." ¹⁹ A kwaya na vibulou i vua," Momo, qu sa qei dania o kem e i lia na varovita. ²⁰ O kora na lemam vava a re lotu i vua na Kalou e dela kwe, ia o kwaya ni tau mai Jerusalemi na vanua me re soro ka. ²¹ A kwaya o Jisu i vua," Va du ni au re vibulou, i na gauna e i laka no mai kwe oba na tam lotu i va Tamai meda se i e dela kwe, se i Jerusalemi. ²² O ba lotu i vua oba tam kilatia. O kemam ma lotu i vua mam kilatia, nai vakacola e i na laka mai vuara na Jiu. ²³ So kwe, na auwa e i laka no mai, qa sa nia sara tu ga kwe, o kora na lotu du ere na lotu i va Tamai meda vakayalo qa du, ei vadania no o Tamai meda me wetai kwe, o kora mere lotu i vua. ²⁴ Na Kalou i yalo, o kora me re lotu i vua ei dodonu me re lotu vakayalo qa du. ²⁵ A kwaya i vua na vibulou," qi kilatia na Mesaia ei laka ni mai[o koya e yaca na Karisito] Ni sa laka mai, ina mai vakamacalataki nia na kwa coko i va keta." ²⁶ A kwaya vua o Jisu," O au o koya, koi tata no ya iva iko" ²⁷ Sa donumaki nia ledru lesu mai na tisaiveli qaru sa vinumiyaki nia na yava ei ma tata no ka i vua na vibulou a lala lia a cacania," Na yava e vinatia?" se " Na yava o ma tata no ka i vua?". ²⁸ A sa qei deinia tu na vibulou kwe na lea i taketake ni wai, lesu leqwa i tauni, qa kwaya i vuara na tamata. ²⁹ "Mlaka mlai dania re ei lia na tamata a kwaya i va au na vikwa coko qu vatara vali. Mani koya kwe na Karisito ei rewa mom kwaya?" ³⁰ Re deinia tu mai na tauni qa re laka mai vua. ³¹ Ia na auwa vata ga muni so kwe o kora na tisaiveli a re kwaya i vua," Vavuvuli, kani re." ³² Ia , a kwaya i vuara," I tau no iva au na i voqwa mequ kania o ba tam kilatia." A re sa qei vicacani na tisaiveli qa re kwaya vataki ni ra." ³³ A lala lia a kau mai vua a lia na kwa me kania, a bau lia i vuara? ³⁴ A kwaya i vuara o Jisu." Na keqiau i voqwa mequ tara e loma o koya a vatalati au mai, qa mequ va oti nia na lea cakacaka. ³⁵ O ba tam kwaya," Sa vo ei va leqwa na vula me tara na cavucavu ? O au qi kwaya i va vatikem ba tola cake qo ba tolavia na vanua ni laulau, a re sa bota tu me re cavu. ³⁶ O koya ei cavucavu i na visaumi qa koronia e vua i na cola tam vai yalayala, ia o koya e i laulau qa o koya i cavucavu me ru gadretakinia vata. ³⁷ Ko na i tatata ei dau lei kwai,' ei lia i laulau qa lia ei cavucavu,' so kwe ei du. ³⁸ Qu vatalati vatikem mo ba cavucavu mai na vikwa oba tam cakacakataki nia. A re sewa leqwa a re cakacaka ka, qo lai rusu i na ledra vanua ni qwaravi cakacaka." ³⁹ A re bi na koi Samaria i na tauni sokwe a re vabauti koya baletia na lea i tukutuku na vibulou ko a vadudutakinia," A kwaya i va au na vikwa coko qu vatara tu mai." ⁴⁰ Ni re sa qei laka mai na koi Samaria i vua , a re kerevi koya me no qai kora, qa sa qei no qai kora tu me rua na siga ⁴¹ A re sa bi leqwa a re vabautia baletia na lea tata. ⁴² A re kwaya i vua na vibulou." Mam sa tam vadunia baletia na kwa o kwaya, o kemam vataki ni kemam mam sa rogo, qa mam sa kilatia o koya talia ga kwe na i vakacola du i na vuravura kwe." ⁴³ A sa oti a rua na siga, sokw a sa deidei mai sokeni me laka i Kaleli. ⁴⁴ O Jisu vataki nia a serekia e i lia na varovita e i na tam lei lagiti i na lea vanua du. ⁴⁵ Na gauna a laka i Kaleli, o kora na koi Kaleli a re tavaki ni koya mai. A re sa dania na kwa coko a tara i Jerusalemi i na solevu, ni re laka muni i na solevu. ^{46 47} I na gauna a rogo ka me laka mai Jutia me laka i Kaleli o Jisu, a laka i va Jisu qa kerevia koya me laka civo mai me vacola ni luvea, sa vakolo ni cibuta tu na lea i cegu. ⁴⁸ A qei kwaya o Jisu i vua," Vaka vo na siga e dania na i vatakilakila qa na vikwa mana e na tam vadunia". ⁴⁹ A qei kwaya na tamata vaitutu i vua," Momo, laka civo mai ni si bere ni cibuta lea i cegu o luvei au." ⁵⁰ A kwaya o Jisu i vua, " Laka o luvem sa cola." A vadunia na tamata sokwe na tata a kwaya o Jisu i vua, qa sa laka dei yati. ⁵¹ Na gauna a sa laka civo tovo ka, a ru sota qa lea dauniviqwaravi, qa kwaya vua o luvem sa cola. Sa qei tarogia na auwa sa dei ni koya ka na raraci. O lea vava a sa qei vadania so kwe na auwa a vecei koya ka o Jisu," O luvem sa cola." ⁵² O koya qa na lea vuniwere coko a re qei vabautia. Ko kwe na i karua ni vatakilakila a tara o Jisu i na lea laka dei mai Jiutia i Kaleli.