¹ Ono na siga ni bere na laka sivitia,Jisu a laka mai Vecani, a no valika o Lasarusa, na vanua o Jisu a vadure ni koya ka mai na mate. ² A re tara mai vua a lia me vayaviyavi so ke ni;O Marica a viqwaravi no ka o Lasarusa a lia i vuara na doki no ina teveli vata qani Jisu. ³ O Meri a qaratia mai a lia na tavaya i lumi a tara mai nai saluwaki garuvina na navita du,a lumitia e la ruarua ni Jisu nai lumi so kwe, qa kuse e la ruarua e rau ni ulu .Na were a vasinaitia na garuvina ni lumi so kwe. ⁴ Jiutasa Isikarioti, a lia i vuara na tisaiveli o koya a soli koya, a kwaya, ⁵ "Na yava a ma tam volitakitaki nai lumi garuvina kwe me tolu na drau na veni qa soli i vuara na tam rewa kwa? ⁶ A kwaya na kwa sokwe, tam baletia a kauwaitakinira na tam rewa kwa, baleti koya a lia na drivadriva.A qulu vali na taga ni lavo ei rewa ni drivatia na kwa ei tau i buto. ⁷ Jisu a kwaya,"vadeinia na vibulou kwe me maroroya na vibulou na kwa a lea me yacovia na siga ni leqi au bulu. ⁸ O kem om na no qai kora tu na tam rewa kwa.Ia om na tam no vakalia tu qai au." ⁹ A lia nai nono levu na Jiu a re vulicia nio Jisu a nodoki no so kweni, qa re laka mai, tam baleti Jisu boto, a re laka muni mai mere dani Lasarusa, o koya o Jisu a va dure ni koya mai na mate. ¹⁰ O kora na bete levu a re bose vata mere rewa ni deini Lasarusa me mate. ¹¹ So kwe ei vavunia o koya qa levu mara na Jiu a re sa laka yati qa vadu ni Jisu. ¹² na siga taravia a lia na inono levu a re laka mai na solevu.Na gauna a re rogo ka nio Jisu a laka mai Jerusalemi, ¹³ Are kakau mai na rauni niu qa re laka mai sota qai koya qa re gisataki mai ," Osana !Sa kalougata o koya sa laka mai ina yaca ni momo levu , Na ledra Momo na Isireli." ¹⁴ Jisu a dania a lia na asa driadria qa vodokia mai , qa na kwa sa volai, ¹⁵ "Kua ni mataku, vibulou ni saioni; tolavia, na tuisa laka no mai , vodo kia mai, vodokiano mai ei lia na Asa driadria. ¹⁶ O kora na tisaiveli a re tam kilatia rewa na vikwa a tara no mai mata ; ia o Jisu sa kabe cake ka, a re numia lesu na vikwa kece sa volai rewa baleti koya qa na vikwa a re sa tara baleti koya . ¹⁷ O kora a re vatovele ni o kora a re no qai koya na gauna a covi Lasarusa mai na i bulubulu qa vadure ni koya cake mai na mate. ¹⁸ Qalia muni na kwa baletia o kora a re laka yati mere lai sota qai koya , baletia a re rogo ni sa tara kwa mana. ¹⁹ O kora na Varisi a kwaya vakataki nira , dania om na tam tara rewa ei lia na kwa,tolavia , na vuravura sa takuci koya.'' ²⁰ O kora na koi matanitu teni a re no qai kora na laka cake i lotu ina solevu. ²¹ O kora a re laka i va Vilive, na koi Peciseita i Kaleki,momo ,mam mata tolavi Jisu sara ga. ²² Vilive a laka qa kwaya iva Adriu ; Adriu laka qa Vilive qoru lai kwa i va Jisu . ²³ Jisu a saumia vuaru qa kwaya,"na gauna sa laka mai baletia na luve ni tamata me lave cake. ²⁴ Ei du,qi kwaya iva iko,maga qele ni sila ei lutu i vuravura qa mate,ina tau ga no so kwe vataki koya,maga ei mate,ina levu e vua. ²⁵ O koya ei lomani koya ei na vavelenia lea cola ina vuravura ina maroroi me a yacovia na cola tam vai yalayala. ²⁶ Maga ei lia ei qwaravi au,vadei ni koya me takuci au,na vanua qi no ka na leqi au dauniqwaravi i na nomuni ka,maga ei lia ei qwaravi o vava ina rokovi koya. ²⁷ Ina gauna kwe qu yalo i cakaca na yava mequ qei kwaya?vava, vacola ni yau i na gauna kwe?baletia qu laka taki mai na gauna kwe. ²⁸ Vava,ei laveti cake mu yaca, a lia na domo a rogo mai lomagi qa kwa ,qu sa lavetia cake oti , qi na lavetia cake leqwa.'' ²⁹ So kwe o kora na korokoro na tamata a re dure qai koya tu a re rogo ni kwaya ei wetai na kurukuru."A re sewa e re kwaya,Na agilosi ei tata i vua". ³⁰ Asa qei saumia o Jisu qa kwaya," Na tata a tam` laka mai iva au,a laka mai iva iko. <sup>31</sup> Ni kua sa na lewai na vuravura:Ni kua o kora na viliutaki ina vuravurakwe ere na lai viritaki dei. <sup>32</sup> Na gauna qi na laveti cake mai i vuravura ,qi na dreti kem` mai va au. ³³ A kwaya o koya ko kwe me vatakeya nai vakarau ni mate i na mate kwa o koya. ³⁴ A re qai saumia na korokoro na tamata qa re kwaya i vua, Mam` sa rogo ei kwaya na lawa na i Karisito ei no vakalia .Qo qei kwaya vaka yava ," Na Luve ni Tamata ei dododnu me lave cake "? " O ei na luve ni tamata "? <sup>35</sup> Sa qei kwaya o Jisu i vuara." Na cece i na tau no iva kem` i na lia na gauna lekeleke.Lakwa nisi tau no va iko na cece,na gilogilo me kua ni qulumiko o koya i lakwa no i na gigilo ei tam vakilatia na vanua ei laka tu ka. ³⁶ Na gauna ei tauno kwa iva iko na cece vabautia na cece mo rewa ni luve ni cece". Sa qei kwaya o Jisu na vikwa kece kwe a deidei qa lai cu tira. ³⁷ Ia o Jisu a tara oti a levu nai vakatakilakila si bere o kora,ia a lala vuara me re vabauti koya. ³⁸ Ia na lea tata o Aisea na varovita ei dodonu me yaco a qei kwaya: "Momo ,o ei vakadu nia na vatilem i tukutuku qa oei me tia lima ni momo me vatakea. ³⁹ Ina vikwa so kwe a lala i vuara na vadu nia ,o Aisea qei kwaya, ⁴⁰ "A sa vabuwawataki nia medra loma,lakalaka ei tola leqa medra mata qa vakilatia medra loma qa visau,qi na vacola nia leqa." ⁴¹ Aisea a kwaya na vikwa kece baletia a sa dania na lea tetelagi o Jisu qa tata baleti koya. ⁴² Ina lia leqa e tiki, levu i vuara na daunilewa are vadu ni Jisu ;Ia baleti kora na Varaisi ,are tam` kwaya so kwe ei lakalaka ei sogo mai vuara na were ni lotu. <sup>43</sup> A re gadretakinia na vacaucau a laka vua na Momo levu. <sup>44</sup> Jisu a gisataki qa kwaya ,O koya ei vakadu ni au ,ei tam` vadu ni au boto o koya muni a vatala ti au mai. ⁴⁵ Qa o koya muni ei dani koya muni a vatalati au mai. ⁴⁶ O au qu laka mai mequ tia cece ina vuravura,o koya qa ei vadu ni au ei tam` no leqa no i na gilogilo. <sup>47</sup> Maga i lia ei rogo na leqi au tata qa tam` maroroya,qi na tam` vilewaitaki ni koya ,o au qu tam laka mai mequ mai vilewaitaki ni vuravura ,ia mequ mai vacola ni vuravura. <sup>48</sup> Maga e lia ei dei ni au qa tam` qulumia na leqi au tata ,o koya ina vilewaitaki ni koya. Na tata qu sa kwaya oti ina vilewaitaki ni koya inai otioti ni siga. ⁴⁹ Qi tam` tata no me baleti au,ia o Vava a vatalati au mai ,qa vagani au mai na lea i vakaro na vikwa mequ tatakwa. <sup>50</sup> Qi sa kilatia na lea i vakaro na cola tam` vai yalayala, so kwe na kwa qi kwaya,me wetai o Vava a vecei au,qu sa vecera.