¹ Nehonine awa woliyo mafumu o litunga, awo akwelume aka Isilaele a komile. Maisilaele awopo ashimba litunga ushivaka sho muvoyuwa wa Jordani oko lina velanga liyuwa, kutundelela ku mulonga wo liviya lya Arinoni kutwala kumukinya wa Hemoni, ne no Araba yomuhe kutwala mane no ku muvoyuwa. ² Sihoni, fumu wo Maamori, kuma atungile mu Heshiboni. kuma afutile kutatekela ku Aroere, lyuumbo eli lya kalile pa liviya lya Arinoni pakachi ko mulonga, ne no hafu thzo Gileadi kuhelela kuthza kuliviya lya Jaboki kumainja no Maamoni. ³ Sihoni kalo kuma afutile no peuiu thza Araba kutwala kuli kululwale lya Kinareti, kumuvoyuwa, kuli kululwale lwa Araba (likululwale lyo mungwa) kutwala kumuvoyuwa, kushimbelela kutwala noku Beti Jeshimoti ne noku twala sho mboela, kukengisha kunálo thzo muulumuko wo mukinya wa Pisiga. ⁴ Ogo, fumu wo Bashani, yumweya kowa oku shialapo wo Mareifaimi, kuma atungile mu Ashitaroti ne no mu Edrei. ⁵ kuma afutile peulu thzo mukinya wa Hermoni, no Saleka, ne no Bashani yomuhe, kutwalelela no kumainja anu oku Geshuri ne no Maakati, ne no hafu thzo Gileadi, kumainja a Sihoni, fumu wa Heshiboni. ⁶ Mushe ngamba wa Shinda sha moyo, ne no mbunga thza Isilaele kuma awa komile, ne Mushe ngamba wa Shinda sinda sha moyo, kuma apile litunga ku Marubeni echi likale lyo, no Magadi, ne no hafu thzo mukuta wa Manase. ⁷ Awa woliyo mafumu o litunga awo Joshua ne no mbunga thza Isilaele akomile ku wiko wa Jordani, kutunda ku Baale Gadi mumulonga popepi na Lebanoni kutwala kumukinya wa Halaki popepi na Edomo. Joshua ayepo tambeka litunga ku mikuta thza Isilaele echi likale lyoo. ⁸ Ayepo wa tambeka litunga lyo mikinya, no lyanda no Araba, no ivaka yo mikinya, no milundu, ne no Nageve _ litunga lyo Mahiti, Maamori, Makanana, Maperizi, Mahivi, ne no Majebusi. ⁹ Mafumu kuma akalile fumu wa Jeriko, fumu wa Ai lyuumbo eli lyalihatile na Betele, ¹⁰ fumu wa Jerusalema, fumu wa Enaimu, ¹¹ fumu wa Jarumuti, fumu wa Lakishi, ¹² fumu wa Egloni, fumu wa Gezere, ¹³ fumu wa Debire, fumu wa Gedere, ¹⁴ fumu wa Homa, fumu wa Aradi, ¹⁵ fumu wa Libina, fumu wa Adulami, ¹⁶ fumu wa Makeda, fumu wa Betele, ¹⁷ fumu wa Tapua, fumu wa Hefa, ¹⁸ fumu wa Afeki, fumu wa Lasharoni, ¹⁹ fumu wa Madoni, fumu wa Hazori, ²⁰ fumu wa Shimironi meroni, fumu wa Akishafi, ²¹ fumu wa Taanaki, fumu wa Megido, ²² fumu wa Kadeshi, fumu wa Jokineamu mu Kamele, ²³ fumu wa Doro mulitunga lya Nafoti Doro, fumu wa Goyimu mu Giligali, ²⁴ ne no fumu wa Tiriza. Palo thzo mafumu kuma thza kalile 31 wahe pofochi.