¹ Cho chikungulwila cha Antiyoke, mwakele tupilisitu na balongethi. Bakele Mbanambase, Simiyoni (Ou bathan Nainja), Lusiyasi waku Sayilene, Manayene (Uje balelelelehamo na ngabulu Helonde), na Saulu ² Hathimbu bakele na kuthzumbwangeya Shukulu nakujela kulya, cho muthzithzime wakujela wendekele ngwendi, "Njangunwineniko Mbanambase na Saulu, bapange bipangi ebi njinabathanena." ³ Hanima yakulijeletha kulya, balombelele, nakubakambeka maboko, nakubatuma. ⁴ Cho Mbanambase na Saulu, hanima ya`kubatuma kuli Muthzithzime wakujela, baile ku Seleusiya; kutundako bajabukile ku Sapulasi. ⁵ Hathimbu bakele mu mbaka ya Salamise, bathzimbwile majwi a Njambi muma Sinangonge aba Yunda. Cho bakele nawa na Yowano wakukwatha. ⁶ Hanima yakwita muli ñanda lyoshe lya Paposi, bawanene umo muka bithaba. kapolofita waba Yunda wama kuli; lithzina lyendi wakele Mbala - Yesu. ⁷ Ou muka bithaba wakele na kulithzibathana na ngubulu, Selengiyase Paulusi; ou akele munalume wamana. Ou munalume wathanene Mbanambase na Saulu, mwafwa washakele kuthziba lijwi lya Njambi. ⁸ Oloni Elimasi "muka bithaba" (omu mukemo balumuna lithzina lyendi) wababyananganene; wethekele kwalumuna ngubulu kutunda ka lukulahelo. ⁹ Oloni Saulu, ou batumbula lalo ngwabo Paulu, kushulu na muthzithzime wa kujela, wamukengele shwii ¹⁰ na kwendeka ngwendi, "Obe muna lyabolo, unashulu na kukwitha kwoshe na bukenya. Yobe uchitothzi cha buthunga bwoshe. Kuwu kechela kwalumuna bingila bya kuthungama bya Shukulu, indi? ¹¹ Taleni, liboko lya Shukulu lili hali yobe, cho ukala ukapuputa. ku umono litangwa ha thimbu ino." Hajebene hali Elimase hawililile lyume na lithuthulungu; waputukile kwitangana nakuthetela banu bakumukwata kuliboko nakumutwamenena. ¹² Hanima ya ngubulu kumona ebi bya lingiwile, wakulahelele, mwafwa walikomokelele ha kulongetha hali Shukulu. ¹³ Cho Paulu naba buthendo bwendi bajabukilile kununda ku Paposi nakwija ku Pelinga mu Pamufiliya. Oloni Yowano wabathethzele nakwiluka ku Yelusalema. ¹⁴ Paulu naba buthendo bwendi bendele kununda ku Pelinga nakwija ku Antiyoke ya Pisindiya. Kuje bakobelele mu Sinangonge halitangwa lya Sabata na kutumamamo. ¹⁵ Hanima ya kutanga mashiko nabu Polofita, bantwame ba Sinangonge babatumininine muthzimbu, ngwabo, "Bandolome, oshe muliko na muthzimbu wa kutakametha banu kuno, wendekeni." ¹⁶ Cho Paulu wakatukile na kwendeketha loboko lyendi; wendekele ngwendi, "Banalume baku Isalela neni mukalemetha Njambi, thzibilileni. ¹⁷ Ou Njambi waba banu Isalela washakwile batate yetu na kunenetha banu kutuma thimbu batumamene mu lifuti lya Ingitu, cho naliboko lyakujundula wabatundithilemo. ¹⁸ Hamyaka yakweta ku makumi awana wabanyungile mu mambo. ¹⁹ Amo mabulu a kunthzeñulu bathoneka ngwabo, Hamyaka yakweta kumakumi wana wabalithile mu mambo. Hanima yakunyongetha mafuti atanu na abali mu Kenana, wanene banu betu lifuti lyabo lya bushwana. ²⁰ Ebi byoshe byasholokele kutubakana myaka bita biwana na makumi atanu (450). Hanima yabyuma byoshe, Njambi wabanene maako kweta nakuli Kapolofita Samwele. ²¹ Cho banu balombele kubanako mwene, cho Njambi wabanene Saulu muna Kishi, munaluma wakutunda ku muyati wa Mbenjameni, kukala mwene ha myaka makumi awama. ²² Hanima Njambi kumutunditha habu mwene, wajundwile Ndabiti kukala mwene. Chakele hali Ndabiti aha Njambi wendekele, ngwendi, 'Njina wana Ndabiti muna Jese kukala munalume waku mbunge yange, ou akalingi choshe chi njitonda alinge.' ²³ Kutunda kuchithemunwina chowu munalume Njambi nanene kuli ba Isalela muyoyethi, Yesu, ngwe muje ashikile kulingamo. ²⁴ Thimbu kanda Yesu kweta, Yowano wambulwile ha kumbwitika cha kwalumuka kubanu boshe bamu Isalela. ²⁵ Omu Yowano wakele na kumanetha chipangii chendi, wendekele ngwendi, 'Mukaliyongola ngwe yange iya? Kethi yange. Choni thibilileni, umo anakwinja yange. Choni thibilileni, umo anakwinja yendi kunjapandele kubithzitula.' ²⁶ Bandolome, banu bamuchithemunwina cha Ambalahama, naba bali hakati keni baka thzumbangeya Njambi, chilu kuli yetu oku uno muthzimbu wabwoboke bana utumu. ²⁷ Mwafwa kuli baje bakayoyela mu Yelusalema nabantwama kubamuthzibukile, cho bethekele majwi a tupolofita awa bakatanda hama Sabata oshe mukumulwitha. ²⁸ Nambe kubawanene chuma chakumutumbwila kuthsa, oloni bathanene hali Pilato linga amuthsiye. ²⁹ Omu bamanethele byuma byoshe ebi bathonekele hali ikeye, bamutundithile ha chiti na kumu langekamu mbumbo. ³⁰ Oloni Njambi wamwindwile kutunda ku bathsi. ³¹ Bamumwene ha matangwa amengi kuli baje bethzile nendi kutunda ku Ngalileya kweta ku Yelusalema. aba banu banapu bakaleho ku banu. ³² Cho tunakumileka muthzimbu wa ubwa, kulishika chije chethzile kuli bakuku ³³ yetu Natwetethelacho, yetu bana babo, mukuthangula Yesu, Ngwe omu banachithoneka mu mwatho wamuchibali: 'Yobe umunange, lelo njinaija nakupwa nji isho.' ³⁴ Ngwabo wamu shakwile kutunda ku bathsi kethi akeluke, Njambi wendekele mungileyi: 'Njikamyana kithu yabuthunga yakujela eyi bashikile Ndabita.' ³⁵ Echi chikecho chinanenetha kwendeka mu mwatho ukwabo, 'Kumukatabetha uje wa kujela weni kumona kubola.' ³⁶ Mwafwa omu Ndabiti wapangele kushaka cha Njambi mu shoko yendi, walalele tulo; bamulangekele na ba kukulwila bendi ho mubila wendi wa mwene kubola. ³⁷ Oloni ou bathangwile kuli Njambi kamwene kubola. ³⁸ Cho echeleni muthzibuke, bandolome, ngweni kwitila muli ou manalume banamithzimbwile kuthamba kwa bubi. ³⁹ Muli ikeye munu woshe ou nakulahela banamupatula ku byuma byoshe ebi mashiko a Mosesa onowele kumi Patula. ⁴⁰ Cho kaleni bakunyanyama mangana bije byuma bendekele tupolofita kethi bika lingiwe kuli yeni: ⁴¹ 'Kengeni, yeni bakakulumbilitha, nakukala bakulikomokela cho munyonge; mwafwa njinakunena chipangi mumatangwa eni, chipangi echi ku muka kukulahela, nambe kukakale umo akachambulula kuli yeni.'" ⁴² Omu baile ba Paulu na Mbanambase, banu babalombele ngwabo bakendeke awabene majwi amolika halitanga lya Sabata likwabo. ⁴³ Omu kuliwana chamu Sinangonge chahwile, ba Yunda na baje kethi ba Yunda bakabele Paulu na Mbanambase, aba bendekele kuli bakebo kubaleka kutwalelela mu ngothzi ya Njambi. ⁴⁴ Ha Sabata yakabeleho, kwathalele Kwakundende ngwe nganda yoshe yakumgulukile kwije nakuthziba majwi a Shukulu. ⁴⁵ Omu ba Yunda bamwene ije mbunga, bashulile na chipululu nakubyana byoshe byuma bije endekele Paulu nakumutuka. ⁴⁶ Oloni Paulu na Mbanambase bendekele nakuthimpa ngwabo, "Chakele chakutamo lijwi lya Njambi kulibanga kulyendeka kuli yeni. Hakumona kulibyana cheni eni babenya na kuliyongola eni babenya ngweni kumwapandele kutambula mwonyo wa myaka yoshe, kengeni, twalumukila kuba Njentile. ⁴⁷ Mwafwa mukemo natuleke Shukulu, ngwendi, 'Njina mi shakula kukala cheke chaba Njentile, mangana mukanene bwoboke mu byela byoshe bya kaye koshe.'" ⁴⁸ Omu bachithzible ba Njentile, babwahelelele nakwana bumpahu kuli ha lijwi lya Shukulu. Mukutuma cha baje bakungulwile ku mwonyo wa haya myaka yoshe bakulahelele. ⁴⁹ Lijwi lya Shukulu lyatandelele mu mutambela wa kaye koshe. ⁵⁰ Oloni ba Yunda bashongangeyeye banakathzi bakuthsimana naba ntwame ba munganda. Cho bashangumwine kupaketha Paulu na Mbanambase naku basheka mu mutambela wa lifuti lyabo. ⁵¹ Oloni Paulu na Mbanambase batotomwene likungu ku myanja yabo hali bakebo. Cho baile ku nganda ya Ikoniyamu. ⁵² Cho naba Ndongethi bashulile na njolela na muthzithzime wa kujela.