¹ Bayeezye bantu kuti kabalibomya kubeendelezi abaleli, kabaswilila kabalibambilide kucita kufumbwa mulimo mubotu. ² Kabatasampooli muntu nabani,batabi bayandisya kulwana, okuba balibombya, kabatondezya kulemeka bantu boonseneni. ³ Nkambo lwesu aswibo cindi twali bafuba-fuba bataswilili. Twaliswekide okuba bazike be zisusi ziindene-endeni. Twali kukala muzibi mbuli kunyonokellana. Twali kusesemya akusulaikana aumwi aumwi. ⁴ Pele cindi bubotu bwaleza mufutuli wesu oluyando lwakwe kubantu lwakayubununwa. ⁵ Tichalinsi ce milimo iiluleme njilwakacita nee. pele akambo ka luse lwakwe mbwakafutula, kwiinda mukusamba kakuzyakwa bupya abuumi bomuya usalala bupiya. ⁶ Namuleza mbwakatilila swebo kwindila mumufutuli wesu jesu. ⁷ Mukuti tululamikwe muluse lwakwe,tukakonzye kuba balangizi kubuumibutamani. ⁸ Aya majwi ngamasimpe ndiyanda kuti zintu ezi uzyambe cenguzu mukuti abo basyoma muli lezabalipe mukucita milimo mibotu beni. Ezi zintu nzibotu ambi zileempindu kuli ni wense ⁹ Pele kako nkazyano zyobufuba-fuba atwambo ywa mazyalane, okkacilana akulwanina zyemilawo. Ezyo zintu tazigwasyi ambi zyobuyo. ¹⁰ Mumufutatile kufumbwa muntu weta lwangana akati kenu, kwainda cindi comwi na zyobile. ¹¹ Mukuziba kuti muntu ulipotene wasiya nzila mbotu ambi ulikubisya okulizula ngweenya. ¹² Ndazotuma Atemesi naanga Tikikasi kuliyebo, uzoofwambe kuza kulimebo ku Nikopolisi,oko nkwekanzide kuyokalila nkuko cindi cempeyo. ¹³ Cita kufumbwa cili ceense nconga wakonzya kutuma mulweendo lwabo kugwasya zensi simulawo a Apolosi, mukuti ncibabula. ¹⁴ Bantu besu baleede kulipa kumisebezi mibotu, mukuti bakonzye kuligwasya ayandika lugwasyo, okuti batabi batakwe mpindu. ¹⁵ Beense abo bali amibo balamujuzya. Amubajuzye abo batuyanda mulushomo. Luse alube kulingwibo meense.