¹ Camamanino, nobazyalwama, amusekelele mumwami. Kumulembela zintu zinda kamulembela kale takundikatazi mebo ne, ape kulinywebo cilagwazya. ² Amucenjele babwa. Amucenjele basimilimo mibi. Amucenjele abo bapalula buyo mibili. ³ Kambo swebo ndiswe bapalule tobakombi kwinda mumuya wa Leza, tulalikankaizya kambo ka kilisito Jesu , tatusyomi munyama ne. ⁴ Nikuba buyo mebo lwangu nindakaba olusyomo munyama kutina uyeya kuti ulakonzya kusyoma munyama, mebo ndakonzya kusyoma kwinda oyo. ⁵ Ndakapalula mubuzuba bwa sanu, olutatu, ndili womusyobo wa isilayeli, ndili wo mukowa wa benjamini, ndili muhibulu wa bahibulu, mponya kumulawo ndili mufalisi. ⁶ Mukuyandisisya mdipenzya nkeleleke, kwamba zyobululami buzwa ku mulawo, ndindalikwe mulandu. ⁷ Kono kufumbwa zintu zyalye mpidu kuli mebo, ndazibona kuli zyabuyo kamba ka kilisito. ⁸ Nconzyo , zintu zyense ndizibala kuti nzyabuyo kambo kampindu mpati yoluzibo lwa kilisito Jesu mwami wangu. Kambo kanguwe ndasiya zintu zyense kuyeya kuti zyedoti mukuti ndijane kilisito. ⁹ Okujanika mulinguwe, nsilibiki kuti ndilobulemmu bwangu kuzwa mulawo, pele bululami bwangu buzwa mukusyoma kilisito bululami obu buzwa kuli Leza kwinda mulusyomo. ¹⁰ Ino awa ndiyanda kumuziba enguzu zyobubuke bwakwe kuti ndizibe mapenzi akwe, okuba mbuli nguwe mulufu lwakwe, ¹¹ Mwendi amibo ndiyojana bumi mububuke bwabafu. ¹² Tinsi kwamba kuti ndatambula kale ezi zintu, mebo ndililuleme, kono nditonta kuti ndikajate zintu ezi zindakajatilwa o kilisito Jesu. ¹³ Nobazyalwama, nsiyeyi kuti ndazijana kale ne. Pele cintu comwi ncecita nceci, ndiluba zyense zili musule okucilizya zili kunembo, ¹⁴ Ndizuzanina kumagolelo kuti ndikajane mpindu yokujulu mbwatwitila Leza muli kilisito. ¹⁵ Swebo twense notusimide kale, twelede kuyeya mulieyi nzila na kuli umwi uyeya bumbi muli zimwi zintu, Leza oyokuyu bwinida ezyo. ¹⁶ Nikuba kuti kulnganya zitwakajana kale atujatilile kulizizyo. ¹⁷ Amwiye mebo, nobazyalwama amutakisisye abo benda munzila njitwaka mwisya. ¹⁸ Banji balenda abo bindamwambila esunu ndilamwambila emisozi mbuli balwani becingano ca kilisito. ¹⁹ Kumamanino abo kunyonyoka. Kambo Leza wabo nditumpu lwabo, ape bulemu bwabo buli mukusakwabo. Bayeya buyo zintu zye nyika. ²⁰ Kono swebo munzi wesu uli kujulu, mponya awo oko kotuyolindila mufutuli, mwami Jesu kilisito. ²¹ Uyosandula mibili yesu yenyama kuti kabe mbuli wakwe wabulemu, upangidwe munguzu zyakwe kuti zintu zyense zibe kulinguwe.