¹ Ino kuti kuli kuyumisigwa muli kilisito, kuti na kuli kumbulizigwa kuzwide luyando kuti na kuli kuswanganizigwa mu muya, kuna kuli lubomba olwengelelo, ² Nkokuti amundicite kuti kunonenwa kwangu kuzuzikizigwa omoyo omwi, kandijesi luyando luswana, kandiswangene mu muya, ape omuzezo omwi. ³ Mutaciti cizwa mukuliyanda nanga kulikankaizya. Pele kwinda mukulibombya okuyeya bamwi kuti balamwinda. ⁴ Umwi oumwi atalangi buyo kuli zimunonezya, pele apwe okulizinonezya bamwi. ⁵ Amube omuzezo oyu mulinywebo oyo wali muli kilisito Jesu, ⁶ Oyu nikuba kuti wali mucimo ca Leza mbuli cimwi cintu cokujatilila. ⁷ Nikuba namuya, wakalicesya okulitola kuba mbuli muzike, ape wakazyalwa mucikozyano co buntu. ⁸ Wakalibombya ape wakazumina kufwa nanga lufu lwacingano. ⁹ Mponya awo Leza anguwe wakamusumpula okumupa zina linda mazina ense ¹⁰ Wakacita namuya kucitila kuti muzina lya Jesu mazwi ense akafugama, mazwi abo bali kujulu ape ansi ape okunsi enyika. ¹¹ Wakacita namuwa kuti indimi zyense zikazumine kuti Jesu kilisito mwani, kubulemu bwa Leza isi. ¹² Ino mponya, nobayandwa bangu,mbuli mbomuswilila cindi cense, kutainsi buyo neliwo pele ino cakwinda loko cindi ncetawo, amubeleke lufutuko lwenu cokuyowa ape okunzyangama. ¹³ Nkambo ngu Leza ulimukubeleka mulinywebo nwense mukukanza ape omukubelekela nzyayanda. ¹⁴ Amucite zintu zyense kakutakwe kutongoka nanga kukazyanya. ¹⁵ Nkokuti mukabe batakwe mulandu ape basalala,bana ba Leza batakwe kampenda akati kabantu bapilingene, abo bakalitantamuna, omo mumumweka mbuli mumuni munyika. ¹⁶ Amujatasye kujwi lyo bumi nkokuti mubuzuba bnwa kilisito ndikalikankaizye kuti takwe nindakazuzaa cobuyo nanga kubeleka cobuyo. ¹⁷ Pele nikuba kuti ndatililwa mbuli cipego ce citulo ape ecipaizyo co lushomo lwenu, ndilinonenidwe ape okusekelela anywibo ¹⁸ Mulielede kunonenwa ape okusekelela amibo. ¹⁹ Pele ndilangila mu mwami Jesu ku tuma Timosi kuli nywebo inawa, nkokuti amibo ndizyosugwazigwa ndazoziba zyenu. ²⁰ Kambo tandikwe nanga umbi uli mbuli nguwe, oyo uli nconzyo kuyeya zyenu. ²¹ Nkambo beense bayondola zyabo zibanonezya, kutainsi zintu zya Jesu kilisito. ²² Pele mulizi bukale bwakwe, nkambo mbuli mwana abaisi, anguwe wabeleka amibo kwinda mumulumbe. ²³ Ino ndilangila kumutuma kufumbwa ndabona mbuli zintu mbwatazindendele. ²⁴ Pele ndilomushomo mu mwami kuti mebo lwangu nduyoza inawa. ²⁵ Pele ndayeya kuti kulelede kumutumina Epafulodita kuti apiluke kuli nywebo . Muzyalwama, simulimoma, silumambama,ape ngo muapositolo wenu okuba mubelesi kuli nzyeyanda. ²⁶ Nkambo walipengide loko,ape walikuyandisya kuba anyibo nwense , nkambo mwakamvwa kuti walikuciswa . ²⁷ Ncozyo walikuciswa loko cokuti wali wafwa. Pele Leza wakaba o luzyalo ali nguwe, ape kutainsi ali nguwe alike, pele ape ali mebo , kuti nditabi amapenzi atala amapezi. ²⁸ Ino ncecico eco nceyanda kumubwedezya, nkokuti mwamubona ape munonenwe, nkokuti kuusa kwangu kuceye. ²⁹ Watambulwa Epafuloditasi mu mwami olukondo lwense. Mulemeke bantu mbuli nguwe. ³⁰ Ankambo kokuti walimulimo wa kilisito cokuti wali afwifwi okufwa. Wakaaba bumi bwakwe kufutula mebo okuzuzikizya eco ncimutakonzi kucita mukugwazya mebo.