¹ Paulo 0 Timosi bazike ba kilisito Jesu 0ku bantu bonse ba Leza basalala muli kilisito Jesu abo bali ku filip, antomwe amabbishopu ama dikoni. ² Luse alube anywibo ape olumuno kuzwa kuli Leza tata wesu ape o Leza Jesu kilisito. ³ Ndilamulumba Leza wangu kufumbwa cindi nemuyeya nywebo. ⁴ Kufumbwa , munkombyo yangu ili yense kuli nywebo nwense,nkombyo yangu ndilaikomba nkenonenidwe . ⁵ Ankambo kolugwasyanyo lwenu mu mulumbe kuzwa buzuba bokusanguna kusikila sunu. ⁶ Ndilisinizizye ecintu nciconya eci,kuti oyo nguwenya wakatalika mulimo mubotu muli nywebo uyozwidilila kukumaninizya kusikila buzuba bwa Jesu kilisito ⁷ Cilikabotu kuli mebo kuyeya namu ankambo kenu nwense nkambo momuli mukati mu moyo wangu. Nywebo mwense mwali bezuma mu luse mwense mu bwange bwangu omubupanduluzi ape omuku sisimpisya ko mulumbe . ⁸ Ankambo kokuti Leza ngo kamboni wangu,mbuli mbwekaza kuli ywebo nwense antomwi oluyandisya lwa kilisito Jesu. ⁹ Ino eyi nje nkombyo yangu, yokuti luyando lwenu kaluciyobuvula kwinda mu luzibo omulumvwisisyo ¹⁰ .Camba kuti musale zinda kubota,ape kuti mube beni beni batakwe mulandu kusikila mubuzuba bwa kilisito , ¹¹ Izwide micelo yo bulemu obuzuba kwindila muli Jesu kilisito okubulemu ape okutembaula Leza. ¹² Ino ndiyanda kuti muzibe , nobazyalwama, kuti eco cakacitika kuli mebo nconzyo cakagwasya kutola kunembo mulumbe mubotu. ¹³ Mponya awo, bwange bwangu muli kilisito bwakaza antangalala mwense munganda yabasimbi ape oku bantu bamwi bense. ¹⁴ Bunji bwabazyalwama bakajana nguzu zindilila mu mwami nkambo ko bwage bwangu ,mponya bukabe olwanguluko lokutayowa kwamba majwi. ¹⁵ Bamwi ncozyo mane balakambauka kilisito kwinda mumunyono omubulwani,pele ape bamwi kwinda mulusinizyo. ¹⁶ Ba mwi balacita kwinda mu kuyando, kabazi kuti ndilibikidwe ano kwinda mu kwamba makani mabotu. ¹⁷ Pele abo bantu nzi bakakambauka kilisito cokuliyanda ape ecokutasinsimizya bayeya kuti bazondikatazye awo necili mu bwange. ¹⁸ Ino nzi kuti muziyanza zyense buyo nikuba mukupaupa ameso nikuba mulusinizyo kilisito ulakambaukawa ,ape ndiyononenwa, ¹⁹ Mbonya mbuli mbwezi kuti eci ciyondetela kuvunwa kwinda mu nkombyo zyenu ape olugwasyo lomuya usalala lwa Jesu kilisito. ²⁰ Kulangila okuyeya kwangu, kuyopa kuti nditakabi ensoni,pele okushoma kwangu ino awa mbuli cindi cense, kilisito uyolemekwa mumubili wangu, nikuba kubumi nanga kulufu. ²¹ Kuli lwangu kupona ngu kilisito ape kufwa nimpindu. ²² Pele kuti na nkepona munyama, camba kuti micelo yamilimo njiyangu. ²³ Mponya ncezyosala tandicizi. Nkambo ndajata maka maka azintu zyobile kuyandisya kwangu nkokwinka kuli kilisito eco ncibotu kwindilila, ²⁴ Mponyina kuba mubuntu kulelede nkambo ka nywebo. ²⁵ Mbuli mbonda kutila eci, ndilizi kuti ndiyosya okuzumanana anywibo nwense , mukuzwidilila kwenu ape okukondwa mulushomo, ²⁶ Camba kuti muli mebo muyoba obupanduluzi buzwide mukuyotembaula Jesu kilisito awo ape ndakubola kutli nywebo . ²⁷ Amwendele buyo mu bumibwelede bo mulumbe wa kilisito,nkokuti nanga nandazakuzomubona nanga nketawo,ndino mwvwa omwi,omuzezo omwi kwambilizya antomwi zyo lushomo lwa makani mabotu. ²⁸ Mutabi nimuyowa nikuba buti kuli abo balwaniyoko. Eci ncecitodwezyo kuli mbabo cokunyonyoka, pele colufutuko lwenu ape eci kuzzwa kuli Leza . ²⁹ Nkambo cakapegwa buyo kutlinywebo ankambo ka kilisito kutainsi buyo kushoma mulinguwe pele ape kupenga ankambo ka nguwe , ³⁰ Kamujesi mazwangano ngaonya ngi mwakabona muli mebo, ape eino muyo amvwa muli mebo.