¹ Jesu wakanjila mubwato, wakazubuka,mponya wakainka mumunzi wokuli mbabo. ² Mponya, bakamwetela mwalumi ulivukide kalede alusasa. Mukubona lushomo lwabo, jesu wakati kumwalumi ulivukide,"mwanangu,uma. Zibi zyako zyalekelelwa." ³ Mponya, bamwi balembi bakalyambozya mulicabo,"oyo mwalumi ulimukusampola." ⁴ Jesu walizi zibalikuyeya wakati,"ninzi nimuyeya bubi myoyo yenu? ⁵ Ino ncecili cubauba, kwambakuti, zibi zyako zyalekelelwa, nanga kwambakuti,nyamuka wende? ⁶ Pele mulizi kuti mwana omuntu ulijisi nguzu munyika zyokulekelela zibi,"wakati kuli sikulivuka mubili,"nyamuka,bwezalusasa lwako, mponya winke kuganda yako. ⁷ Mponya mwalumi wakanyamuka wakainka kuganda yakwe. ⁸ Imbungano yabantu niyakabona eci, bakayowa bakalumbaizya leza, wakapanguzu zili namuya kubantu. ⁹ Ino Jesu nakainda awo wakabona mwalumi utegwa Mateyo ulikede atente lyakwe lyecitezezyo. Wakati kulinguwe,"ndicilila."wakanyamuka mponya wakamucilila. ¹⁰ Ino jesu nakakala ansi kuti alye munganda, mponya basimitelo banji abasizibi bakasika okulalila o jesu abasikwiya bakwe. ¹¹ Mponya bafalisi nibakabona, bakati kuli basikwiya bakwe,"nkambo nzi mufundisi wenu nalya abasimitelo nape abasizibi? ¹² Mponya jesu nakamvwa namuya, wakati"bantu bayumu mumubili takwe nebayanda musilisi, pele buyo abo baciswa. ¹³ Mwelelede kwinka mukaiye ncicamba eci: 'ndiyanda luse kutainsi cipaizyo.' nkambo takwe nindakazide kwita baluleme kuti balilekelele pele abasizibi ¹⁶ "Takwe muntu ukonzya kubika kasila kapya asila lye cindi, kambo cigamba ciyozwa asila, mponya cigamba cipati ciyoba. ¹⁷ Nanga bantu kubika waini mupya mutobo twe cindi, kuti bacita namuya, tutobo tulayauka, mponya waini iyokunka, ape tutobo tunyonyoka. Mucindi cokuti, babike waini mututobo tupya, mponya zyense ziyolondolwa. ¹⁸ Awo Jesu nalikwamba ezi zintu kulimbabo, mponya, kwakasika mwami wamufugamina, wakati,"mwanangu wazwa akufwa inawa, pele koza uzoampe janza lyako alinguwe, mponya ulapona." ¹⁹ Mponya Jesu wakanyamuka wamucilila, mbubonya mbubakacita abasikwiya bakwe. ²⁰ Mponya, umwi mwanakazi wakaciswa kalobola kwe myaka kumi aibili wakaza kusule lya Jesu okujata kumpele ecizwato cakwe. ²¹ Nkambo wakalyambozya alike,"kuti kufumbwa ndajata buyo zibya zyakwe, ndilaba kabotu. ²² Pele Jesu wakacebuka wamubona, mponya wakati"mwanangu, ba ecamba; lushomo lwako lwakuponya."mponya mwanakazi oyo wakapona mponya acindi awo. ²³ Ino Jesu nakasika kuganda yomwendelezi, wakabona basimpeta embunga ya bantu bali mukupanga congo cinji. ²⁴ Wakati,"nkambo musimbi tafwide, pele wona buyo, mponya bakamuseka cokumufubazya. ²⁵ Mbunga yabantu niyakatandilwa anze, wakajila munganda okumujatila ku janza, mponya musimbi wakabuka ²⁶ Mpuwo. eyo yakamwaika mucisi cense. ²⁷ Ino Jesu nakazwa oko, balumi bofu bobile bakamucilila. Balikuyobongolola kabati,"Tufwide luzyalo, mwana Davida!" ²⁸ Jesu nakasika kuganda, balumi bofu bakaza kuli nguwe, Jesu wakati kulimbabo,"mulashoma kuti ndilakonzya kucita eci?"bakati kulinguwe Ïyi, mwami. ²⁹ "Mponya Jesu wakajata menso abo wakati, acicitike kulinywebo kwinda mulushomo lwenu," ³⁰ Mponya menso abo akajuka. Amane Jesu wakalailila wakati Ämubone kuti takwe waziba zintu ezi." ³¹ Pele balumi bobile bakainka okutalika kumwaya nkani mucisi eco cense ³² Ino abo balumi nibacili kuyobwenda, mponya syatabi unjilidwe ma daimona waketwa kuli Jesu. ³³ Awo daimona nilyakagwisigwa, mwalumi syatambi wakambola. Imbunga ya bantu yakakomokwa yakati,"eci tacina kubonwa mu izilaeli." ³⁴ Pele bafalisi balikuti,"kwiinda mupati wa madaimoni, ulagwisya ma daimona ³⁵ Jesu wakainka muminzi o mutunzi. Wakazumanana kwisya mu ma sinagogo, kukambauka mulumbe o bwami okuponya malwazi amaciswe ense aindene indene. ³⁶ Nakabona mbunga yabantu, wakafwida luzyalo, nkambo balipengide okulengwala, bali mbuli mbelele zitakwe mwendelezi. ³⁷ Wakati kuli basikwiya bakwe,"butebuzi bwavula, pele babelesi baceya. ³⁸ Mponya amufwambane mukuombe ku mwami obutebuzi, kuti amutumine babelisi mubutebuzi bwakwe.