¹ Jesu wakaita basikwiya bakwe bali kumi ababili antomwi okubapa nguzu zyokugwisya myuya mibi, okuponya malwazi kufumbwa amalwazi ense. ² INo mazina abapositolo bali kumi ababili ali aya. Wakusanguna, Saimoni(oyo ngwali kuti Pita), Andulu muzyalwanyina,Jemusi mwana Zebbedi, Joni muzyalwanyina, ³ Filipo,Basolomiyo, Tomasi,Mateyo sikutezya, Jemusi mwana wa Alufayusi, Tadeyasi, Tadeyasi, ⁴ Saimoni munkutwe, o Juda sikalioti wakamwaba. ⁵ Aba bali kumi ababili Jesu wakabatuma. Wakalailila wakati,"mutainki kufumbwa kubusena oku bamasi nkubakala. Mponya mutakajili kufumbwa dolopo lua masamaliya. ⁶ Amwinke nanga namuya ku mbelele ziswekide zye nganda ya izilayeli. ⁷ Nimuciyobwenda kamuyobukambauka kamuti, bwami bokujulu bwaswena afwafwi. ⁸ Mukaponye balwazi, mukabusye bafwide, mukasalazye basicinseda, mukagwisye madaimona. Mwapegwa buyo, mukape buyo. ⁹ Mutakabwezi mali naba ngolide muzikwama zywnu. ¹⁰ Mutakabwezi zikobodo mu ngendo zyenu, nanga zibaki zimwi, niziba ndyasyo, niba nkoli nkambo mubelesi ulya zilyo zyakwe. ¹¹ Kufumbwa dolopo nanga munzi mumuyonjila, mukajane muntu welede mulinguwo, mukakale mumo kusikila mukainke. ¹² Mponya mwakujila munganda mukabajuzye. ¹³ Kuti na balelede; lumuno lwenu alube alimbabo. Pele kuti na tabaelede lumuno lwenu lukapiluke kuli nywebo. ¹⁴ Kuli abo batamutambuli nanga kumuswilila ku majwi enu, mwakuzwa muganda eyo nanga cisi, mukalikunkumune lusuko kumaulu enu. ¹⁵ Nconzyo ndamwambila, kuyobabuyumuyumu kucisi ca sodoma o gomola mubuzuba bolubeta kwinda cisi ciya. ¹⁶ "Amulange , ndamutuma mbuli mbelele akati kabaumpe, pele amucenjele mbuli nzoka mubombe mbuli nziba. ¹⁷ Mucenjele abantu! bayomutola mulubeta, mponya bayomuma muzikombelo zyabo. ¹⁸ Muyotolwa kubendelezi abami nkambo kangu, ciyoba citondezyo kuli mbabo okulibamasi. ¹⁹ Awo bamwaba mutalibiliki ezyo kuti ino muyoamba buti, nkambo cokwamba ciyoza kuli nywebo ali eco cindi. ²⁰ Nkambo tainsi nywebo muyoambola, pele muya wa uso nguyoambola muli nywebo. ²¹ Muzyalwanyina uyoaba muzyalwanyina kulufu, ape o isi kumwanakwe. Bana bayobukila bazyali babo okubajaya. ²² Muyosulwa omuntu wense nkambo ke zina lyangu. Pele kufumbwa uyozumanana kusikila kumamanino, oyo muntu uyofutulwa. ²³ Awo bakumupenzya mu cisi eci, mukainke kuli umbi, nkambo ndamwambila kuti, kamutana kwimana munzi ya izilayili mwana omuntu katana kusika. ²⁴ "Sikwiya tainsi mupati kwinda mufundisi wakwe, nanga mubelesi kwinda simalelo wakwe. ²⁵ Cilelede kuli sikwiya kuti abe mbuli mufundisi wakwe, ape omubelesi kuba mbuli simalelo wakwe. Kuti baita mweni nganda kuti Belizebule, ino ciyoba buti mbukuyoba ku mazina ngatabakaite bantu bomu nganda yakwe. ²⁶ Mponya mutabayowi, nkambo takwe cisisikidwe citakwe kuyubunuka, ape cisisikidwe citakwe kuzibwa. ²⁷ Eco ncemwambila mumudima, amucambe mumumuni, ape ncimunvwa mubutetete mumatwi enu, amucambilizye atala ezilulizyenu. ²⁸ Mutayowi kuli abo bajaya mubili pele tabakonzi kujaya muya. Nikuba namuya amuyowe oyo ukonzya kujaya mubili antomwe amuya mu gehena. ²⁹ Ino tutiti tobile tatukonzyi kulwa mali manini? nikuba namuya takwe komwi kantu kanga kawide uso katazi. ³⁰ Pele nanga masusu ali amutwe wenu alibalidwe, ³¹ Mutayowi. Mulayandika kwinda tutiti tunji. ³² Mponya kufumbwa undizuminina kubantu, amibo ndiyomuzuminina kuli tata uli kujulu. ³³ Pele oyo undikaka kubantu amibo ndiyomukaka kuli tata uli kujulu. ³⁴ "Mutayeyi kuti ndakazida kweta lumuno munyika, takwe nindazida kweta lumuno pele ceba. ³⁵ Ndakazida kwanzyanya mwana oisi, mwana mwanakazi abanyina, musangakazi abanyinazyala. ³⁶ Basinkondonyina bo muntu bayoba mbabonya bazyalwanyina. ³⁷ Oyo uyanda isi na banyina kwinda mebo; taelede kuba wangu. ³⁸ Oyo utayumuni mpanda yakwe okundicilila taelede kuba wangu. ³⁹ Oyo uyanda bumi bwakwe uyobuswekelwa. Pele uswekelwa bumi bwakwe ankambo kangu uyobujana. ⁴⁰ Öyo umutambula utambula mebo, ape oyo utambula mebo utambula oyo wakandituma. ⁴¹ Oyo utambula musinsimi muzina lyo businsimi uyotambula muntu mululami muzina lyo businsimi uyotambula bulumbu bo musinsimi. ape oyo utambula muntu mululami muzina lyo mululami uyotambula bulumbu bobululami. ⁴² Kufumbwa oyo upa kuli ezi zice nikuba nkomoki ya manzi antontola kuti anguwe muzina lyasikwiya, nconzyo ndamwambila kuti takwe nanga waswekelwa bulumbu bwakwe".