¹ Ino masiku omunsabata, kubucedo bo buzuba bo kusanguna bwe nsunda Maliya Magadalena o Maliya umwi bakaza kuzobona bita. ² Amubone, kwali muzuzumo mupati, nkambo mungelo wo mwami wakaza ku julu, wakaza okuzo gwisya bbwe, oku kala ali ndilyo. ³ Kulibonya kwakwe kwabese mbuli kalabi ape ezibya zyakwe zyali mbuli sikunkwe. ⁴ Balindizi bakatuntuma mubuyofu okuba mbuli balumi bafwide. ⁵ Mungelo wakambozya banakazi okwamba kuli mbabo,'mutayowi, nkambo ndilizi kuti muyandola Jesu. ⁶ Tawo awa, kono wabuka, mbuli mbwakamba. Amuze muzobone acibaka awo mwami palede. ⁷ Amwinke mufwambane mukambile basikwiya bakwe,'wabuka ku bafu. Amubone, wa wamuzulwida kunembo lyenu uyobuya ku Galilaya. Okuya muyo mubona. Amubone, ndamwambila! ⁸ Banakazi kufwambana bakazwa kubita obuyofu oku botelwa kapati, okuzuza kuyo amibila ba sikwiya bakwe . ⁹ Amubone, Jesu wakabaswana okuti, kamulumela!'banakazi bakaza, bajata maulu akwe oku mukomba. ¹⁰ Pawo Jesu wakati kuli,'mutayowi, amwinke mu ka bambile bazyalwama batalikizye kwinka ku Galilaya okuya bayondibona, ¹¹ Íno nibalikuyobuya banakazi, amubone, bamwi ba sikulonda bainka mu dolopo okuyo ambila bapaizi bapati zyoonse zintu zyakacitika. ¹² Mponya ba paizi nibakaswanana abaalu babakambozyana makani ambabo, bakapa mali manji kuti ba silumamba. ¹³ Okubambila, amwambile bamwi, basikwiya ba Jesu bakaza masiku okuzo bba mubili wakwe swebo katu cilede. ¹⁴ Kuti na nkani eyi isike kumwendelezi, tuyo mu songelezya okugwisya matongosi kuli nguwe. ¹⁵ Mponya ba silumamba baka tola mali okuyocita mbuli mbuba kalaililwa, nkani eyi yakasabalangana ati ka ba Juda okwindilizya kusikila sunu. ¹⁶ Kono basikwiya bali kumi oumwi bakainka ku Galilaya, kucilundu oko Jesu nkwa kabalailila. ¹⁷ Nibakamubona, baka mukomba, kono bamwi bakazumbozya. ¹⁸ Jesu wakasika kuli mbabo o kwambola ambabo okuti, 'nguzu zyoonse zyapegwa kuli mebo kujulu ansi, ¹⁹ Amwinke oku yo panga ba sikwiya bezisi zyoonse. Mukabababatizye muzina lya tata lyo mwana,elyo muya usalala. ²⁰ Amubaisye kumvwa zyoonse zintu zinda malailile. Amubone, ndila lanywibo, mane ku sikila ku mamanino.