¹ Cakaba mbuli Jesu nakamana kwamba twambo utu, wakazwa a mu Galilaya okunjila mu cisi ca Judiya mutalal o mulonga wa Jodani. ² Makamu mapati abantu bakamucilila mponya wakabaponya nkonya oko. ³ Bafalisi bakaza kulinguwe,"bakamusunka bakati kulinguwe," ino cililuleme kumuntu kuleka mwanakazi wakwe mukambo kufumbwa? ⁴ Jesu wakataba wakati, takwe nimwakabala kuli oyo wakabalenga kuzwa kumatalikilo wakabalenga mwalumi o mwanakazi? ⁵ Oyo wakabalenga ape oyo wakabalenga mwalumi uyosiya baisi abanyina okukakatila kumwanakazi wakwe, mponya bobile bayoba nyama yomwe. ⁶ Ape tabacinsi bobile, pele yaba myama yomwi . Nkokuti leaz cakaswanganya kutabi muntu uci andanya. ⁷ Bakati kulinguwe,' nkambonzi Mozesi ncakalailila kuti amupe lugwalo lokulekana mponya umuleke.' ⁹ Wakati kulimbabo,' Akambo kobuyumu bwe myoyo yenu, Mozesi wakamuzumizya kuleka banakazi benu, pele kumatalikilo tekwalinsi namuya. ⁸ Ndati kuli nywebo, kufumbwa uleka mwanakazi wakwe, kakutakwe kambo kobumambe, okukwata umbi, nkokuti wabalika; ape o mwalumi ukwete mwanakazi wakalekwa, ulalika.' ¹⁰ Basikwiya bakati kuli Jesu,' kuti na nkambo ko mwalumi o mwanakazi wakwe, takwinsi kambotu kukwata.' ¹¹ Pele Jesu wakati kuli mbabo, Tainsi bense bakonzya kutambula cambyo eci, pele kuti abo bakacipegwa. ¹² Nkambo nkubali bangomwa bali mbubonya kuzwa mumatumbu amanyina, ape nkubali bangomwa bakalicita namuya ankambo ka bwami bo kujulu. Oyo ukonzya kutambula njisyo eyi, amumuleke ayitambule. ¹³ Mponya bamwi bana banini baketwa kulinguwe kuti abike manza alimbabo okukomba, pele basikwiya bakabanyemena. ¹⁴ Pele Jesu wakati,' Amubaleke bana banini, ape mutabakasyi kusika kuli mebo, nkambo bwami no kujulu mbubwabo bali namuya,' ¹⁵ Wakabika manza akwe abana, mponya wakazwa awo. ¹⁶ Amulange umwi mwalumi wakaza kuli Jesu wakati o mufundisi, cintunzi cibotu cenga ndacita kuti ndibr abwami butamani?' ¹⁷ Jesu wakati kuli nguwe, nkambozi nondibuzya kuti ncecili cibotu? comwi buyo ncecibotu, pele kuti koyanda kujila mu mwami, bamba milawo.' ¹⁸ Mwalumi wakati kulinguwe, iili milawo?' Jesu wakati, 'utajayi, utaciti bumambe, utabbi, utapi bumboni bokubejekelwzya. ¹⁹ Lemeka uso abanyoko, ape uyande mwenzinyoko mbubonya mbuli mboliyanda lwako.' ²⁰ Mujatajayi wakti kulinguwe,' ezyi zyense ndakacilizya, ndiciyandanzi? ²¹ Jesu wakati kulinguwe,' kuti koyanda kululama, koya, ukauzye nzyajesi, okupa bapengide, mponya uyoba olubono kujulu; wamana uze undicilile. ²² Pele mujaha nakamvwa zyakamba Jesu, wakainka kalisendide, nkambo wajesi lubono lunji. ²³ Jesu wakati kuli basikwiya bakwe,' nconzyo ndamwambila nciyumu kumuntu muvubi kunjila mu bwami bwa kuleza.' ²⁴ Ape ndati ku nkamela kwinda mu liso lye ndonga kwinda muvubi kunjila mu bwami bwa leza. ²⁵ Awo basikwyiya nibakamvwa eci bakanyandwa bakati,' ino mponya ngwani ukonzya kunununwa?' ²⁶ Jesu wakabalanga wakati,' kubantu eci tacikonzeki, pele kuli leza zintu zyense zilakonzeka. ²⁷ Mponya Pita wakataba kuli nguwe, langa twasiya nzyense okukucilila. Ino mponya buyo jana nzi?' ²⁸ Jesu wakati kulimbabo,' nconzyo ndamwambila kuti, mucindi cipya awo mwana o muntu nayokala acibbula cakwe cobulemu, anywibo nomwandicilila muyokala azibbula zili makumi ezibili, kamubeteka mishobo yo Izilaeli iili kumi eibili. ²⁹ Kufumbwa wakasiya manda, bazyalwanyina balumi na banakazi, baisi, banyina, bana, niba nyika akambo kezina lyangu uyotambula kwinda mwanda ape uyokona bumi butamani. ³⁰ Pele banji batanzi bayoba basyalizi, ape basyalizi bayoba batanzi.