¹ Kuzwa eco ciindi basikwiyta bakasika kuli Jesu okuti ïno ngwani mupati kubwami bwa kujulu?" ² Jesu wakaita kana kanini, wakakambila akati kabo. ³ Mponya wakati," ncobeni ndamwambila kuti mwataba mbuli twamukoyonjila mubwami bwakujulu. ⁴ Nkakako, kufumbwa ulibomya mbuli kana aka ngonyuwe ngomupati mubwami bwakujulu. ⁵ Ape kufumbwa utambula kana mbuli aka muzina lyangu utambula ndime. ⁶ Pele kufumbwa ulebya umwi wabanini bashoma kuti babisye, ninga cabota kuli waangililwa ziyo pati munsingo, akubbizigwa mumaanzi malamfu alwizi. ⁷ "Mawe kubantu bansi ano akaambo balebya beenzinyina kuti babisye! iiyi zilebyo nkozili, pele mawe kuli oyo muntu weta zilebyo nkozili, pele mawe kuli oyo muntu weta zilebyo! ⁸ Kuti na kuboko na kuulu kwako kwakulebya Kuti ubisye, kukosole ukusowe kuzwa kuliyebo. Nkaambo kubotu kuli unjile mubuumi butamani kokosokede kwinda kuti ukasowelwe mumulilo utamani kojisi maboko namaulu obile. ⁹ Ape kuti na liso lyako lyakulebya kuti ubisye ligwisye ulisowe kuzwa kuli ndiwe ncibotu kuti unjile mubuumi butamani koli sicimbolyo kwiinda kusowelwe mumulilo uutamani ameso obile. ¹⁰ Amubone kuti tamusampauli umwi wabana baniini, nkaaambo ncobeni ndamwambila kuti bangelo babo nkobali kuli tata uuli kujulu. ¹¹ Nkaambo mwana muntu wakabola kufutula abo baswekede. ¹² Ino muyeya buti? kuti na muntu kajisi mbelele zili mwaanda, mponya imwi yazwa yasweka, sena takonzi kusiya ezyo zili makumi ali fuka muzilundu okuyoyandola eyo iiswekede. ¹³ Mponya kuti wajana, ncobeni ndamwambila ulakondwa akaambo kanjiyo kwiinda ezyo zili makumi ali fuka efuka zyataswekede. ¹⁴ Muciindi eco takuli kuyanda kwa tata uli kujulu kuti omwi wabana aba kuti afwidilile. ¹⁵ "Kuti na mwanako wakubisizya, koya mukambozyane kaambo yebo anguwe buyo, kuti na wakumvwida omwana nyoko. ¹⁶ Pele kuti na takuswilili, koya ubweze muntu omwi na bobile kuti makani enseambe akati kabakamboni bobile na botatwe ijwi ejwi ninga lya zuzikizigwa ¹⁷ Kuti na wakaka kubaswilila ambabo ambile mbungano kambo ako. Kuti na wakaka kuswilila kumbungano, akubende buyo mbuli wanze a mbuli simutelo. ¹⁸ Ncobeni ndamwambila kuti kufumbwa catamwenge ansi aano kujulu ciyoangwa, ape kufumbwa ciyoangununa ansi ano okujulu ciyoangununwa. ¹⁹ Ape ndamwambila kuti na bantu bobile bazuminanana ansi ano akaambo kaceeco ncebakakumbila, tata uli kujulu ulabacitila. ²⁰ Nkambo ako bantu bobile na botatwe mpababungene muzina lyangu amibo mpendi akati kabo ²¹ Mponya Petulo wakasika okwamba kuli jesu'mwami na muzyalwama wandibisizya, ino ndimulekele ziindi zyongaye? sena ziindi zili ciloba? ²² Jesu wakati kulinguwe,'kutali buyo ziindi zili ciloba, pele kusikila ziindi zili ciloba zivuzigwe eziindi zili makumi ali ciloba. ²³ Nkakako bwami bwakujulu buli mbuli mwami wakaita babelesi bakwe kuti bapilusye zikoloti kulinguwe. ²⁴ Ino nakatalika kubasesa umwi mubelesi wakakolotide mali kumi lyezyulu waka letwa kulinguwe. ²⁵ Pele akaambo kakuti balikwe mali akumupilusisya, simalelo wakwe wakapa mulawo okuti auzigwe, atomwi omwanakazi wakwe abana, ape ezintu zyeense zyajisi kuti mali abbadelwe. ²⁶ Amvwe buyo mubelesi oyo wakawa ansi, okumufugamina okwamba kuti'simalelo, ba ecamba kuti ndikonzya kuzo kubbadela eense. ²⁷ Mponya simalelo wamubelesi wakamufwida luzyalo wakamulekelela cikoloti wamwambila kuti ainke. ²⁸ Pele ooyo mubelesi nguwenya naika wakasika kumubelesi nyina wakolotide mali mace buyo. Wakamujata, wamusina, akwamba kuti, bbadela eco ciwakandikolotela? ²⁹ Anvwe buyo mubelesinyina wakamufungamina, akumukumbilila kuti'baacamba kulindime mponya ndiyo kubbadela.? ³⁰ Kono ooyo mubelesi wokusanguna wakaka. Mponya wakamutola akuyomwanga muntolongo mane kusikila akabbadela cikoloti. ³¹ Babelesinyina nibakabona cakacitika, bakanyema loko, mponya bakakwamba makani aya kuli simalelo wabo zyense zyakacitika. ³² 'Mponya simalelo wakwe wakamwita wali,' yebo omubelesi mubi.ndakakulekela cikoloti coonse nkambo kokuti wakalikombelezya. ³³ Ino yebo toelede kufwida luzyalo mubelesinyoko, mbuli ndime mbundakakufwida luzyalo? ³⁴ Simalelo akwe mukunyema wakamupa mumanza abasintolongo kuti akangwe mane kwinkila akabbadele cikoloti ceense. ³⁵ Ape anguwe tata uli kujulu mbwayocitila kufumbwa wenu utalekeleli mwenzinyina amoyo weense.